Десетина мајки се обиделе да се убијат во едно австралиско прифатилиште за азиланти за да можат нивните деца да останат во оваа земја, пишуваат тамошните медиуми, но австралискиот премиер изјави дека нема да попушти пред „моралната уцена“.
 

Десетина мајки се обиделе да се убијат во едно австралиско прифатилиште за азиланти за да можат нивните деца да останат во оваа земја, пишуваат тамошните медиуми, но австралискиот премиер изјави дека нема да попушти пред „моралната уцена“.

Жените оваа седмица се обиделе да си ги одземат животите на Божикниот остров, австралиски остров во Индискиот Океан, откако го примиле известувањето за нивно скорешно преместување на Папуа Нова Гвинеја или на островот Наура, пишува во средата The Sydney Morning Herald.

Илегалните имигрантки, коишто најчесто пристигнуваат со брод и имаат намера да побараат азил во Австралија, властите ги упатуваат во прифатилиштата на пацифичките острови додека не бидат решени нивните молби, што може да трае и по неколку месеци.

Од Австралиската комисија за човековите права, којашто инаку е владина агенција, за AFP изјавиле дека примила информација за седум обиди или закани со самоубиство во последните 48 часа од жени сместени во прифатилиштето на Божикниот остров. „Последните седмици забележавме 13 слични случаи“, изјавила портпаролката на комисијата.

Мајките сметале дека нивните деца како сирачиња ќе имаат повеќе шанси да останат на австралиска почва, додал началникот на општината на споменатиот остров за The Sydney Morning Herald, Гордон Томпсон. „Ете колкав е очајот во прифатилиштето во овој момент“, коментирал.

Конзервативната влада на премиерот Тони Абот ветила дека ниеден брод со илегални имигранти, коишто најчесто поаѓаат од Индонезија и на кои најголем број се Ирачани, Иранци и Курди, нема да стигне до австралискиот брег. Тие бродови се пресретнуваат на море и се пренасочуваат кон островите во Пацификот.

Последните години во Австралија пристигнаа десетици бродови со имигранти, главно на Божикниот остров. Стотици имигранти се удавија во бродоломите на старите и претоварени пловила.

Само во текот на минатата 2013 година 20-ина илјади имигранти пристигнаа со бродови и побараа азил во Австралија којашто има 23 милиони население.За решавање на овој проблем, кон крајот на министер за доселеништво Скот Морисон изјави дека Австралија ќе им плаќа на бегалците и на имигрантите илјадници долари да престанат да бараат азил и да се вратат во нивните татковини. Износот кој австралиската влада ќе им го плати на оние коишто бараат доселенички азил зависи од земјата од којашто доаѓаат, а наводните максимални десет илјади австралиски долари добиваат Либанците, Иранците добиваат седум илјади, Авганистанците четири, а Пакистанците и доселениците од Шри Ланка добиваат помалку.

Австралискиот министер за имиграција Скот Морисон изјави дека веќе десет години е стандардна практика на властите на барателите на азил да им се нуди поттикнување да се вратат во татковините. Не сакал да каже за кои суми станува збор, но од порано беше објавено дека владата на премиерот Тони Абот трикратно ги зголемила.

Според Морисон, кога на потенцијалните азиланти им станало јасно дека нема да добијат дозвола за траен престој во Австралија, за трипати се зголемил бројот на лицата кои ја прифаќаат понудата. Порачува и дека „никој кој во Австралија допловил илегално нема од оваа влада нема да добие постојана виза“.

Откако во септември 2013 година беше избрана владата на премиерот Тони Абот, 382 баратели на азил доброволно се вратиле во своите татковини, соопшти владата. Министерот за иселенички прашања Морисон бе сакаше да открие колкав е максималниот исплатен износ./крај/мф/сн

Извор: AFP