Американскиот потпретседател Џозеф Бајден му се изини во саботата навечер на турскиот претседател Реџеп Тајип Ердоган затпоа што претходно изјави дека турскиот челник ја признал грешката на својата земја бидејќи дозволила странски исламисти да се борат во Сирија.

Во извештајот на американската телевизиска мрежа Fox News се наведува дека американскиот претседател Џозеф Бајден разговарал со турскиот претседател Реџеп Тајип Ердоган за да ги „разјасни“ зоровите кои ги искажа пред студентите на универзитетот Харвард и се извинил „за каков и да е заклучок“ делка Турција или другите американски сојузници намерно ги снабдувале со пари и оружје бунтовниците во Сирија што довело до зајакнување на Исламската држава и другите џихадистички рупи во Сирија, според соопштението на Белата куќа.Ердоган негираше дека рекол такво нешто и изјави дека Бајден за него ќе биде „минато“ поради изјавите дадени на Харвард доколку не ја исправи ситуацијата.Терористите коишто дејствуваат во Сирија, меѓу нив и припадниците на меѓународната терористичка мрежа Ал Каеда, добивале финансиска и друга поддршка од регионалните сојузници на САД, изјави американскиот потпретседател Џозеф Бајден во својот говор во четвртокот пред студентите на Универзитетот Харвард, во сојузната држава Масачусетс.„Нашиот најголем проблем во Сирија беа нашите регионални сојузници. Турците важеа како најголемите наши пријатели, како и Саудијците, Емиратите и другите. Но што сакаа тие? Тие беа фокусирани исклучително на тоа како да го соборат (сирискиот претседател Башар ал-) Асад и предизвикаа војна меѓу сунитите и шиитите, тие им пратија стотици милиони долари и десетици илјади тони оружје на сите кои се согласија да се борат против Асад“, рече Бајден.„Вистина е дека некои од тие коишто ја добија оваа помош беа милитанти од Џебхат (Фронтот) ан-Нусра, Ал Каеда и други екстремистички елементи кои доаѓаат од други делови на светот. Сметате дека претерувам? Погледнете само до каде сето тоа дојде“, истакна потпретседателот на САД.Во моментов, според Бајден, американските сојузници во регионот ја сфатија својата грешка и се согласија да му се приклучат на Вашингтон кој ја предводи антитерористичката меѓународна коалиција. „Одеднаш сите тие сфатија што се случува“, рече.Бајден, исто така, во четвртокот го опиша Ердоган како свој пријател но наспомна дека во приватен разговори му рекол „Бевте во право. Пуштаме премногу луѓе“. Турција инаку во моментов настојува да ја затвори границата кон Сирија поради големиот наплив на курдски бегалци пред офанзивата на џихадистите од Исламската држава.Ердоган, меѓутоа, во саботата за наведените изјави на Бајден рече дека „Никогаш не сум му кажал (на Бајден) дека сме направиле грешка, никогаш. Доколку тој тоа го кажал …, тогаш мора да се извини“. „Странските борци никогаш не влегле во Сирија од нашата земја. Тие може да дојдат во нашата земја како туристи и да преминат во Сирија, но никој не може да рече дека минале со оружје во рацете“, рече Ердоган, пренесоа турските медиуми во саботата. Ердоган додаде дека Турција спречила 6.000 осомничени џихадисти да влезат во Сирија и депортирала уште илјада.Ова препукување со изјави доаѓа во моментот кога се очекува Турција, важна членка на НАТО во регионот, да ја одреди својата улога во коалицијата којашто ја предводат САД против Исламската држава којашто контролира значајни области во Сирија и во Ирак, како и некои стратешки места до самата граница.Турскиот парламент оваа седмица ѝ одобри, всушност го обнови едногодишниот мандат, на владата дека може воено да интервенира преку границите со Сирија и со Ирак, ако и дека странски воени сили можат да ја користат турската територија.Ден претходно Бајден и Ердоган телефонски разговараа за тоа како двете земји можат да соработуваат во слабеењето и уништувањето на исламската држава и обновувањето на безбедноста и стабилноста во регионот, според Белата куќа. Говорот на Харвард се покажа како особено лош потпретседателот Бајден, кој зад себе има историја на гафови и импровизирани изјави кои предизвикуваа недоумици и проблеми за Белата куќа. Медиумите често потсетуваат дека кога во 2010 година претседателот Барак Обама го потпиша законот за здравствено осигурување Бајден пред вклучените телевизиски камери пред микрофонот на претседателот рече дека тоа е „е… добар закон“./крај/мф/сн

Извор: Макфакс