Генералниот секретар на Обединетите нации Бан Ки-мун е „загрозен“ од погубувањета којашто го изврши Саудиска Арабија во саботата врз 477 лица, меѓи кои и шиитскиот клерик и критичар на режимот, а осуди во неделата изрекоа и ирачките и ирански верски водачи, како и иранскиот претседател кој притоа ги критикуваше и насилните протести и нападот на саудиската амбасада во Техеран.

Бан Ки-Мун повика на „мир и на умерени реакции на погубувањето на шеикот ал-Нимр и побара од сите челници во регионот да настојуваат да ги спречат зајакнатите секташки тензии“.

Шеикот Нимр ал-Нимр, 56-годишен, беше жесток критичар на сунитската династија Ал Сауд, и го предводеше опозициското движење формирано во 2011 година на истокот од Саудиска Арабија, каде живее најголемата шиитска заедница, која инаку е малцинство во земјата. Шиитите се жалат дека се маргинализирани во земјата којашто е позната по практикување на најконзервативниот облик на сунитскиот ислам. Ријад го осуди во октомври 2014 година за „бунт“, „непослушност кон монархот“ и „поседување оружје“, егзекутирајќи го и покрај повиците на шиитската регионална сила Иран да му го поштеди животот.

Неговото погубување во Иран предизвика силини протести чија цел стана саудиската амбасада во Техеран која беше нападната и запалена, а врховниот верски водач ајатолахот Али Хамнеи порача дека „Божјата рака“ ќе ги стаса виновниците за погубувањето на „овој маченик“ кој „неправедно“ е ликвидиран.

По извршувањето на смртната казна над шеикот ал-Нимр повеќе илјади луѓе протестираа и во Саудиска Арабија, во градот Катиф, на истокот, од каде што потекнува шеикот, на истокот од земјата каде што шиитите се мнозинство, носејќи ги фотографиите на верскиот водач.

„Шеикот ал-Нимр и другите погубени затворениците осудени се во судска постапка кои беше проблематичен, како поради содржината на обвинението, така и поради текот на судењето“, додаде портпаролот на Бан Ки-мун, потсетувајќи дека челникот на светската организација „во повеќе наврати ја извести Саудиска Арабија за својата загриженост“ во врска со случајот на шеикот.

Ирачкиот врхвен шиитски поглавар, големиот ајатолах Али ал-Систани го осуди во неделата погубувањето на саудискиот шиитски водач. „Со тага и жалење ја примивме веста за мачеништвото на многу наши браќа по верата на тоа подрачје чија невина крв е пролиена во неправедното насилство“, рече ал-Систани во писмото упатено до населението до источната саудиска покраина Катиф каде што проповедаше ал-Нимр. Мислењето на ал-Систани е многу важно, бидејќи тој ги застапува милионите шиити во Ирак, како и во Сирија и Либан.

Иранскиот претседател Хасан Роухани оцени во неделата дека се „целосно неоправдани“ нападите врз амбасадата на Саудиска Арабија во Техеран и врз саудискиот конзулат во Машхад ноќта кон неделата.

„Акцијата на екстремната група изминатата ноќ во Техеран и Машхад (…) врз амбасадата и врз конзулатот на Саудиска Арабија кои законски и верски мора да бидат под заштитата на Исламската Република (Иран) целосно е неоправдана“, рече Роухани Воедно тој го осуди погубувањето на ал Нимр што ги поттикна тие нападите./крај/мф/сн

Извор: Макфакс