Напаѓачи вооружени со мачети убиле блогер во Бангладеш во петокот, што е четврти ваков случај оваа година – на убиство на некој интернет критичар на верскиот екстремизам за помалку од шест месеци во доминантно муслиманската земја.

Четириесетгодишниот Нилоји Чатерџи, блогер кој се заземал за секуларна држава, убиен е во неговиот стан во бангладешаката престолнина Дака, изјавил полицискиот началник Мустафизур Рахман.

„Не знам што да кажам. Бараше правда за убијците на блогерите. Кој е следниот поради барањето правда за убиството на Нилоји?“, изјави Имран Саркер, лидерот на мрежата активисти и блогери.

Чатерџи, кој го користел псевдонимот Нилоји Нил, го критикувал верскиот екстремизам кој резултира во Бангладеш со подметнување експлозии во џамии и убивања на многу цивили, додава Саркер.

Чатерџи бил и еден од стотината блогери коишто го предводена движењето кое бараше смртни казни за исламистичките водачи обвинети во војната за независност на Бангладеш 1971 година.

Војната од 1971 година заврши со создавање на државата Бангладеш, а станува збор за покраина која од 1947 година беше во состав на Пакистан, и се нарекуваше Источен Бенгал а подоцна и Источен Пакистан.

Премиерката Шеик Хасина Вазед го воспостави судот во 2010, откако првиот обид за судење на осомничените за убиства беше прекинат во 1975 година кога беше убиен Шеик Маџибух Рахман, втемелувач на државата Бангладеш и татко на сегашната премиерка.

Специјалниот суд досега подигна обвинение против неколку десетици лица, главно од партијата Џамат-е-Ислами, по разни точки а смртни казни се изречени за 11 од нив. Партијата Џамат-е-Ислими се противеше на независноста во текот на конфликтот, а споменатите процеси ги отфрла како политички мотивирани.

Во текот на интервенцијата на Индија кон крајот на судирите во 1971 година, којашто го најави брзиот пораз на пропакистанските сили, милициите кои беа наклонети кон Исламабад масакрираа десетици познати професори, режисери, уметници, лекари и новинари. Владата во 2010 година го формираше судот ICT и истакна дека тие процеси се неопходни за да се затворат сé уште отворените рани од војната за независност. Меѓутоа, исламистичката партија Џамат-е-Ислам ја обвинува владата дека го основала овој од политички мотиви, бидејќи најмногу им се суди на претставници на опозицијата. Организацијата Human Rights Watch ги критикуваше процедурите со кои не се почитуваат меѓународните норми.

На почетокот од август 2013 година судовите ја забранија исламистичката партија Џамат-е-Ислам, одлука која беше донесена пред одржување на изборите закажани за јануари годинава. Џамат ретко добива повеќе од 5 отсто гласови на изборите по 1970 година, но учествуваше во неколку коалициски влади.

Последните неколкуте години политичката и безбедносната ситуација во Бангладеш е влошена во врска судењата на лидерите на најголемата исламска партија во земјата Џамат-е-Ислами кои се обвинети за воени злосторства за време на војната за независност на Бангладеш од Пакистан во 1971 година. Според податоците на владата во војната од 1971 година загинале 3 милиони луѓе, додека независните организации проценуваат дека станува збор за меѓу 300 и 500 илјади жртви. Околу 90 отсто од 153-те милиони жители на Бангладеш се муслимани. Будистите претставуваат помалку од еден отсто од населението и живеат повеќето во југоисточните окрузи, во близина на границата со мнозинскиот будистички Мианмар.

На судење чекаат уште девет членови на партијата Џамат, и затоа на Бангладеш, претежно муслиманска земја, му се закануваат нови бранови насилство./крај/мф/сн

Извор: Reuters