Белата куќа ги обвини републиканските сенатори дека се мешаат во чувствителните преговори со Техеран за неговата контроверзна нуклеарна програма, како и дека ја поттикнуваат воената опција со Иран.

Портпаролот на Белата куќа, Џош Ернест, на редовниот брифинг со новинарите ноќта кон вторникот по средноевропско време, потсетувајќи на писмото коешто 47 американски сенатори му го испратија на иранското водство и на врховниот лидер ајатолахот Али Хамнеи, во кое предупредуваат дека каков и да е договор да биде постигнат во преговорите кои траат, тој може да биде краткотраен бидејќи идниот претседател на САД или Конгресот може да го отповика.

Во писмото се наведува дека Конгресот има улога во ратификацијата на меѓународните договори и се укажува на тоа дека претседателот Барак Обама заминува од должноста во јануари 2017 година, додека многумина во Конгресот ќе останат во Вашингтон уште долго потоа.

„Ќе сметаме дека каков и да е договор во врска со вашата нуклеарна програма кој не го одобрил Конгресот нема да претставува нито повеќе од договор меѓу Обама и ајатолахот Хамнеи. Следниот претседател може да го отповика таквиот договор со еден потег на пенкало и идниот Конгрес може да ги модифицира условите за договорите во кој и да е момент“, пишува во писмото коешто го цитираше Reuters.

Писмото, за чијашто содржина прва објави агенцијата Bloomberg News, кој потенцираше дека го иницирал „тазе“ сенаторот Том Котон и е потпишано од можните републикански претседателски кандидати Тед Круз, Ренд Пол и Марко Рубио, следеше по неодамнешниот говор на израелскиот премиер Бенјамин Нетанјхау во американскиот Конгрес во кој се спротистави на евентуален договор кој САД имаат намера да биде склучен со Иран во врска со неговата нуклеарна програма до крајот на март.

Портпаролот Ернест изјави пред новинарите дека писмото претставува „продолжување на герилската стратегија“ чија цел е да се поткопаат уставните овластувања на претседателот Обама. Потсети дека и бројни републиканци се залагаат „за што поскора воена опција… што апсолутно не е во најдобар интерес на САД“.

Писмото предизвика и гнев меѓу демократите. Челникот на сенатското малцинство Хари Рајд го нарече „инфантилен политички напад“. „Републиканците го поткопуваат нашиот врховен командант, осилувајќи ги иранските ајатоласи тврдолинијаши“, напиша на Twitter.

Изаелскиот премиер Нетанхају беше поканет да говори од страна на претседателот на Претставничкиот дом, републиканецот Џон Бонер, а беше поддржан и од некои демократи, додека оние лојални на претседателот Обама оценија дека станува збор за без преседан воведување на партизирањето во надворешната политика, имајќи предвид дека за една седмица во Израел ќе се одржат парламентарни избори на кои Нетанјаху повторно ќе атакува на победа.

Договорот за кој преговараат со САД, покрај другите пет светски сили (Русија, Кина, Велика Британија, Франција и Германија) има цел да го блокира кон можното градење на нуклеарно оружје од страна на Техеран, со постигнување конечна спогоднба којашто ќе го ограничи обемот на збогатување на ураниумот во замена со укинувањето на децениските економски санкции против Иран. Во прв ред, досега, САД и Израел тврдат дека иранската нуклеарна програма има цел да се дојде до атомска бомба, додека Техеран упорно тврди дека збогатувањето ураниум му е потребно за добивање електрична енергија и во медицински истражувања./крај/мф/сн

Извор: Макфакс