– Израелскиот премиер Бенјамин Нетанјаху вторпат се обрати во Конгесот на САД во 2011-та

Портпаролот на Белата куќа,. Џош Ернест изрази во средата несогласување со одлуката на претседателот на Претставничкиот дом, Џон Бонер да го покани израелскиот премиер Бенјамин Нетанјаху да се обрати пред Конгресот на САД, а истовремено во Ерусалим беше објавено дека е прифатена поканата израелскиот премиер да се на 11-ти февруари да се обрати на заедничката седница на двата дома на американскиот конгрес.

Портпаролот на Белата куќа,. Џош Ернест изрази во средата несогласување со одлуката на претседателот на Претставничкиот дом, Џон Бонер да го покани израелскиот премиер Бенјамин Нетанјаху да се обрати пред Конгресот на САД, а истовремено во Ерусалим беше објавено дека е прифатена поканата израелскиот премиер да се на 11-ти февруари да се обрати на заедничката седница на двата дома на американскиот конгрес.

Поканата за израелскиот премиер Бенјамин Нетанјхау од страна на спикерот на Конгресот претставува „кршење на протоколот“ изјави портпаролот на Белата куќа, Џош Ернест на редовниот брифинг со новинарите во средата навечер. Истакнал дека Белата куќа не била информирана за настанот кој треба да се одржи на 11-ти февруари.

Портпаролот на американскиот претседател Барак Обама, појаснил дека странските челници, кои имаат намера да престојуваат во посета на САД, мора тоа да го побараат од Белата куќа. Притоа додал дека претседателот на Претставничкиот дом, Џон Бонер, за поканата ја информирал Белата куќа дури во средата претпладнето по локално време, истовремено кога била упатена и до израелскиот премиер Бенјамин Нетанјаху.

„Во ова време на предизвици, го молам премиерот (на Израел –з.р.) пред Конгресот да одржи говор за сериозните закани од радикалниот ислам и Иран за нашата безбедност и за нашиот начин на живот“, се вели во поканата на Бонер.

Поканата е упатена еден ден откако американскиот претседател Барак Обама во годишното обраќање за состојбата на нацијата изјави дека со вето ќе забрани носење закон за јакнење на санкциите против Иран поради неговата нуклеарна програмна во моментите додека за тоа се водат преговори меѓу Техеран и шесте светски сили.

Агенцијата AFP истакна дека поканата за израелскиот премиер, земја најблизок сојузник на САД, е испратена во периодот кога Конгресот не се согласува со Обама за пристапот кон Иран. Многу пратеници во Конгресот бараат нова низа од меѓународни санкции против Техеран.

Премиерот Нетанјаху ја прифати поканата, истакнал израелски функционер и додал дека премиерот сакал и состанок со претседателот на САД. Меѓутоа, Белата куќа во посебно соопштение истакна дека досега не разговарала за посетата на Нетанјхау со израелските функционери, како дека ќе „остане воздржана“ во врска со посетата додека не добие информации од нивна страна.

Патувањето во САД би се одржало пет седмици пред предвремените парламентарни избори во Израел на 17-ти март, и би можело да има позитивен ефект врз рејтингот на Нетанјаху во татковината и да му овозможи на избирачите да им порача дека тој е најдобрата личност која треба да ја води земјата соочена со безбедносни закани. Анкетите покажуваат дека неговата партија Ликуд (десница) води мртва трка со лабуристите (лев центар), но му даваат најголеми шанси да формира коалиција по изборите со партиите од крајната десница.

Говор пред двата дома на американскиот Конгрес на заедничка седница е особено ректа чест којашто Бенјамин Нетанјхау веќе и ја имаше двапати во 1996 и во 2011 година. Вториот пат доби силни овации во салата и незадоволство од Белата куќа.

Поддршката за Израел останува официјална позиција на сите фрагменти на власта на САД, но особено во Конгресот Нетанјаху има голема популарност, додека неговиот однос со претседателот Обама останува напнат. Челниците на Конгресот во конфликтните ситуации изразуваат поддршка на израелските позиции, додека Белата куќа и Стејт департментот (министерството за надворешни работи) периодично го критикуваат Израел за изградбата на доселеничките населби на палестинските територии на Западниот брег и во источен Ерусалим за прекумерна употреба на сила итн./крај/мф/сн

Извор: Reuters/AFP