Американскиот претседател Барак Обама на 27-ми мај ќе ја посети Хирошима како првиот актуелен американски претседател кој тоа ќе го стори откако во Втората светска војна, но нема да се извини за американското бомбардирање со атомска бомба на овој јапонски град, а во рамките на турнејата по Азија, тежиште на неговата надворешна политика, ќе го посети и Виетнам, објави во вторникот Белата куќа.

За можната посета на Хирошима од американскиот претседател Баак Обама прв пишуваше кон крајот на април јапонскиот дневен весник Nikkei, а Белата куќа во вторникот соопшти дека со доаѓањето во придружба на јапонскиот премиер Шинзо Абе, челникот на САД ќе ја истакне „трајната американска приврзаност на мирот и безбедноста во светот без нуклеарно оружје“.

Доаѓањето во Хирошима, на Обама во САД би можело да му донесе критики, доколку на него се гледа како на извинување, но сигурно ќе биде топло поздравено во Јапонија, пишува агенцијата AFP. Се овенува дека е логично во Хирошима да замине претседател кој нуклеарното разоружување го направи еден од столбовите на своите два мандата поради што и ја доби Нобеловата награда за мир.

„Тој нема да ја преиспитува одлуката за употреба на атомската бомба на крајот од Втората светска војна. Наместо тоа, ќе понуди долгорочна визија насочена на нашаѕа заедничка иднина“, напиша заменикот на советникот на Обама за национална безбедност Бен Родес.

Од 20-ти до 28-ми мај Хирошима ќе биде десеттата станица на Обама во Азија, на која неговата администрација го префрли тежиштето на надворешната политика, како противтежа на кинеската надмоќ во тој регион. Во Јапонија Обама ќе учествува на самитот на Групата седум индустриски најразвиени земји во светот (Г7) а ќе го посети и Виетнам, каде што ќе разговара за безбедноста, човековите права и трговијата.

Шпекулациите за доаѓањето на Обама во Хирошима траат со месеци, а посетата ја подготви американскиот државен секретар Џон Кери кога го посети градот кој првиот ги почувствува стравотиите на атомската бомба. „Никогаш нема да ги заборавам тие слики, од кои се создава мачнина во желудникот“, напиша Кери на 11-ти април по посетата на музејот на градот и гледајќи ги вознемирувачките сведоштва од нуклеарниот оган кој ја разорил Хирошима.

На 6-ти август 1945 година американскиот бомбардер наречен „Enola Gay“ фрли бомба врз градот усмртувајќи директно 140.000 луѓе, а три дена подоцна иста бомба во Нагасаки одзема 70.000 животи. САД никогаш не се извинија за тие напади. Повеќето Американци сметаат дека бомбардирањето на Хирошима и Нагасаки било оправдано за да се заврши војната и да се спасат американски животи. Големо мнозинство Јапонци, пак, сметаат дека бомбардирањето воопшто не било оправдано.

Пред учеството на самитот Г-7 во Исе-Шима, Обама три дена ќе престојува во Виетнам каде што, според изјави од Стејт департментот, нема да биде донесена никаква одлука од целосното укинување на ембаргото на оружје за оваа земја. Во 2014 година, САД делумно го укинаа 40-годишното ембарго за продажба на оружје, но Виетнам се надева на целосно укинување. Обама ќе биде третиот американски претседател кој ќе го посети Виетнам со кој САД војуваа во тешка и крвава војна завршена со повлекување на нивните војски и победа на комунистичката герила во 1975 година.

„Еден од главните фактори за евентуалното укинување на ембаргото на оружје е почитувањето на универзалните стандарди на човековите права“, вело Даниел Расел, помошник на државниот секретар за Азија и Пацифик. Виетнам, инаку, уште остро ги казнува дисидентите и противниците на комунистичкиот режим и го забранува синдикалното организирање.

Виетнамската поп ѕвезда Маи Кои, која ја нарекуваат „Виетнамската Леди Гага“, неуспешно се кандидираше за изборите на 222-ри мај, но нејзината кандидатура, како и на другите неподобни, беше отфрлена. Таа мисли дека Обама во Виетнам треба да се сретне токму со тие луѓе како неа, а неофицијално се најавува дека американскиот претседател може да се сретне со лицата кои се сметаат за дисиденти./крај/мф/сн

Извор: AFP