Вести
Битката за Мосул може да трае со седмици
Офанзивата на ирачката армија со којашто треба властите во Багдад по повеќе од две години да ја повратат контролата над вториот по големина град во земјата Мосул, кој е под контрола на екстремната сунитска групација Исламска дражва, би можела да трае со седмици а можеби и подолги, сметаат воени експерти.
Според разузнавачки информации, Исламската држава наводно во самиот град има меѓу 4.000 и 5.000 борци, што ја прави покомплицирана ситуацијата.
Ирачкиот премиер Хајдер ал-Абади, ден откако ирачките и американските артилериски сили бомбардираа квартови на Мосул, во телевизиско обраќање ноќта кон понеделникот го објави започнувањето на завршната операција за ослободување на градот од рацете на сунитските џихадисти кој пред војната имаше околу два милиона жители.
„Оваа операција чијашто цел е повторно да се преземе контролата над вториот град во Ирак веројатно ќе трае со седмици, а можно е и подолго. Битката ќе биде долга и тешка, но Ирачаните се подготвија и ние е сме крај нив“, предупреди генералот Стивен Таунсенд, пренесе AFP.
Турски воен извор објави во понеделникот дека околу 3.000 ирачки војници кои наводно ги обучила Турција во базата Башика крај Мосул, учествуваат во операцијата. „Околу три илјади војници во моментов учествуваат во операцијата. Втората половија се држи во резерва“, рекол за Reuters неименуваниот турски воен извор. Засега во операциите не учествува турската војска, „но развојот на ситуацијата внимателно се следи“, додал.
Анкара од крајот на декември минатата година е во судир со владата во Багдад пореди распоредувањето на оклопна бригада во базата Башика со 25 тенкови и оклопни возила и 180 војници, и бара од ОН да ги осуди таквите акции како нарушување на ирачкиот суверенитет. И покрај тоа што Анкара тврди дека на ирачка територија е по повик на Багдад, ирачката влада негира дека упатила таков повик, и наведува дека турските сили ги вежбаат милициите на ирачките Курди од Северен Ирак, кои се нивни сојузници.
Американскиот министер за одбрана Ештон Картер изјави дека ова е клучна операција за победа над Исламската држава. „Ова е одлучувачкиот момент во кампањата чија цел е на Исламската држава да ѝ се нанесе конечниот пораз. Убедени сме дека нашите ирачки партнери ќе го победат заедничкиот непријател и ќе го ослободат Мосул и остатокот од Ирак од омразата и бруталноста на Исламската држава“, додаде.
Помошникот на генералниот секретар на ОН за хуманитарни прашања и помош изрази голема загриженоста за судбината на цивилите во Мосул, откако беше објавено дека започнала воената операција за заземање на градот. Борбите во овој ирачки град би можел да покрене хуманитарна криза без преседан, стравуваат во ОН. „Многу сум загрижен за безбедноста на околу 1,5 милиони луѓе кои живеат во Мосул, а кои би можеле да бидат погодени со воени операции со кои се сака да се заземе градот од рацете на Исламската држава“, изјави Стивен О’Брајан.
Турската влада стравува дека милициите на шиитското мнозинство, кои ирачката влада во минатото ги користеше поради слабата мотивираност на борба на сунитските припадници на војската за борба против сунитските ултрарадикални групи, би можеле да бидат користени во офанзивата врз Мосул, која треба да започне до крајот на октомври, што би можело да поттикне и секташки безредија и егзодус на сунитското население.
Во понеделникот околу пладнето по локално време командата на ирачката армија го објави одвивањето на досегашниот тек на операцијата.
Според информативниот портал al-Sumaria, ирачките безбедносни сили се навлезени на периферијата од градот Хамданија, југоисточно од Мосул, каде што наводно џихадистите претрпеле тешко загуби во борци и штети во воена техника. Терористите на Исламската држава, наводно ги запалиле нафтените извори кај Хамданија, во обидот да го спречат напредувањето на ирачките сили и да се заштитат од воздушните удари.
Населбите Хамам Али и Намруд, јужно од Мосул, биле наводно исчистени од џихадистичките борци. Според ирачките медиуми, од почетокот на операцијата повеќе од 43 позиции на терористите биле уништени во интензивните воздушни удари од страна не ирачкото воздухопловство и меѓународната коалиција предводена од САД.
Ирачката армија успеала да ја врати контролата врз селото Кани Харами на линијата на фронтот кај Кавир, во југоисточниот дел од Мосул, неколку часа по почетокот на операцијата, изјавија извори од безбедносните сили. Здружените воени и полициски ирачки сили, исто така, ги ослободиле селата ал-Кадр и ал-Абас источно од Мосул по жестоки борби со џихадистите на Исламската држава. Ирачките сили напредувале шест километри во борбите во јужен Мосул, изјавил командантот на силите Шакир Џевдат.
Според прокурдската агенција Al-Forat New Agency, пешмергите – силите на ирачките Курди, освоиле девет села североисточни од Мосул на линијата на судирите кај местото Казер во понеделникот. Порталот Shafaq News претходно изјави дека пешмергите ги заземале селат Шаколи, ал-Бадана ал-Кобра и ал-Бадана ал-Сохра, источно од Мосул.
Командант на милициите на ирачките Курди во понеделникот соопштија дека повеќе од 4.000 пешмерги се дел од операциите за заземање на Мосул.
Милицијата Народни единици за мобилизација (PMU), познати под арапскиот назив ал-Хашед ал-Ша’аби, соопшти дека отвориле артилериски оган врз терористичките позиции во јужниот дел на Мосул, Силите на арапската милиција и на курдските пешмерги дејствуваат како поддршка на ирачката армија во последниот притисок од Мосул да биде истисната Исламската држава./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
Резервоарот со нафта во Кочани бил празен и не е поврзан со дискотеката, рече Тошковски
Министерот за внатрешни работи, Панче Тошковски, потврди дека во близина на дискотеката „Пулс“ е пронајден резервоар за нафта, но вели...
Незаконито и паушално биле изготвувани круцијални документи за работа на дискотеката во Кочани, информирше Тошковски
Досега за случајот со пожрот во Кочани се приведени 18 лица во СВР Штип и СВР Скопје, а задржани се...
Краткотраен притвор за 16 лица во случајот со пожарот во Кочани, соопшти Обвинителството
До овој момент Основното јавно обвинителство Кочани предложи определување мерка краткотраен притвор за 16 лица. Предлозите се прифатени и мерката...
Осуммина пациенти од КАРИЛ денес заминуваат на лекување во странство, Мерџаноски вели дека не се во тешка состојба, но има влошување
Лекарите утрово известија дека состојбата на пациентите повредени во пожарот во Кочани сместени во нивните клиники е под контрола, но...
Жалам што за 15 минути за одредена сума се давани овие лиценци: Мицкоски најави голема акција и затворање и санкционирање на сите што не ги исполнуваат условите за работа
Како држава во рекордно време ги преземавме сите мерки и протоколи што требаше да бидат преземени како никогаш досега, изјави...
(Видео) Мицкоски: Јас никаде не влегов со камери и немам намера да правам пиар од сето ова
Премиерот Христијан Мицкоски на денешната прес-конференција извести дека ги посетил пациентите повредени во пожарот во Кочани, хоспитализирани во Скопје. На...
Умре колега на кој треба да му се издигне споменик, а возач на Итната помош е најпонижуваната и неплатена професија, вели колега на Иле Гоцевски, кој почина по кобната ноќ
Стефан Бурназов работел кобната ноќ и следниот ден заедно со возачот на Итната медицинска помош, Иле Гоцевски, кој трагично почина...
Да не се шират дезинформации во врска со бројот на загинатите бидејќи дополнително се зголемува вознемиреноста во јавноста, порачуваат од Владата
Во врска со трагедијата во Кочани, Владата изразува најдлабоко сочувство до семејствата на загинатите и повредените. „Ова се моменти на...
Таравари: Сите хоспитализирани пациенти во Солун во моментот се во стабилна состојба
Министерот за здравство, д-р Арбен Таравари, денеска во раните утрински часови, заедно со министерот за надворешни работи, Тимчо Муцунски, и...
Клиничкиот центар во Србија ја соопшти состојбата на пациентите од пожарот во Кочани
Вчера, на Ургентниот центар на КЦС, од пожарот што избувна во дискотеката во Кочани, пристигнаа осум посериозно повредени пациенти, што...
(Видео) Македонската амбасадорка во Бугарија: Немилосрдна борба против сите коруптивни практики мора да има
„Промената во Република Македонија е неизбежна. Општеството сака чистење на системот и одговорност“. Ова го истакна амбасадорката на Република Македонија...
Ден на жалост во Србија поради трагедијата во Македонија – знамињата на половина копје
59 лица загинаа, а повеќе од 150 се повредени во пожарот во дискотеката „Пулс“ во Кочани, што избувна на 16...
Таравари ќе ги посети повредените во пожарот во Кочани, кои се лекуваат во Софија
Посетата на македонскиот министер за здравство Арбен Таравари на Софија е најавена за денеска во периодот од 14 до 15...
Ден на жалост во Бугарија поради трагедијата во Кочани
Министерскиот совет на Бугарија донесе одлука со која 18 март 2025 година е прогласен за Ден на национална жалост во...
„Не чувствувам вина, јас ги спасив сите што можев“, кажа Столе Боев обезбедување на дискотеката „Пулс“
Столе Боев, обезбедување на дискотеката „Пулс“ изјави вечерва дека не чувствува вина. „Јас ги спасив сите што можев и многу...
Тага, болка и гнев – Кочани ден по трагедијата низ фотографии
Во Кочани, градот во кој се запали нелегалната дискотека „Пулс“, голем број семејства се завија во црно. Во пожарот, животот...
Обвинителството досега најде 14 одговорни за трагедијата во Кочани, се бара краткотраен притвор за сите
Четиринаесет лица се прцесуирани и за нив Обвинителството ќе бара краткротраен притвор, а меѓу нив е и ексминистерот за економија,...
На протестот во Кочани демолирано кафулето на сопственикот на дискотекта „Пулс”
Ескалира протестот во Кочани на кој се бара правда за загинатите во пожарот во дискотеката „Пулс“. Во еден момент, дел...
Иле Гоцевски беше на првата линија, некои болки се преголеми, некои загуби се претешки за да се носат, рече Таравари за смртта на возачот на Итната помош
Министерот за здравство, Арбен Таравари, на социјалните мрежи се огласи за смртта на возачот на Итната помош во Кочани, Иле...
Само 12 лиценци за кабареа биле издадени лани, Мицкоски вели – сите што работат на диво ќе бидат затворени
Премиерот Христијан Мицкоски изјави дека минатата година биле издадени смо 12 лиценци за кабареа, а може а се заклучи колку...
