Американската порота по петнаесетчасовно заседавање во петокот навечер го осуди на смрт американскиот државјанин со чеченско потекло Џохар Царанев кој помогнал во активирањето на бомбата пред целта на Бостонскиот маратон во април 2013 година кога загинаа три лица, а 264 беа повредени од кои многумина останаа трајни инвалиди.

Сојузната порота, составена од 12 поротници, од кои седум жени и пет мажи, го осуди на смртна казна Џохар Царнаев по шест од 17-те можни смртни пресуди. За време на објавувањето на прсудата во судот во Бостон присуствувале најблиските на загинатите и повредените во нападот.

Истиот состав на поротата во април сега 21-годишниот Царнаев го прогласи за виновен поради составување и поставување на две бомби кои биле изработени во домашни услови на Бостонскиот маратон на 15-ти април 2013 година. Во изминатите десет седмици, поротата сослушуваше 150 сведоци, меѓу кои и многу учесници на познатиот маратон.

Обвинителите Царнаев го опишаа како приврзаник на милитантните исламистички ставови на глобалната терористичка мрежа Ал Каеда, кој го извел споменатиот напад врз знак на одмазда на американскиот воени акции во претежно исламските земји. Царнаев го изврши злосторството заедно со неговиот брат Тамерлан, кој беше убиени во текот на полициската потера неколку дена по нападот.

Одлуката на поротата не значи и скорешно погубување за овој поранешен борач и боксер на американски колеџ. Окружниот судија Џорџ О’Тул формално ќе го осуди Царанев на смрт на рочиштето коешто допрва треба да биде закажано во текот на следните неколку месеци, Одрбаната сега е вложи жалба на смртната пресуда.

Царанев стоечки и молкум го поднесе целото судење и не сведочеше во своја полза. Покажа емоции само еднаш кога неговата 64-годишна тетка Патимат Сулејманова, којашто допатува од Русија за да сведочи, заплака на местото за сведоци кога го виде внукот, пренесуваат американските медиуми.

По читањето на пресудата во судницата настанала гробна тишина. „Царнаев подголтна, мина со прстите низ косата. Адвокатката Миријам Конранд гласно воздивна покривајќи си ја со рака устата“, пренесе од судницата репортерот на телевизијата CBS. Неколку поротници заплакале, како и роднините на Царнаев присутни во судницата.

Во средата заврши втората фаза од расправата за терористичкиот напад во Бостон, посветена на казната за Царнаев. Државното обвинителство инсистираше на смртна казна, додека одбраната се трудеше да издејствува доживотна затворска казна за својот клиент.

Претходно на почетокот од април истото жири по однос на 30 те точки од обвинувањето против Царанев за организирање терористичкиот напад, а 17 од нив претпоставуваа можност од смртна казна. Одлуките во полза на највисоките казни може да бидат донесени само едногласно.

Спречувањето на пресудата за смртната казна за Царнаев беше основната задача на адвокатскиот тим, во кој беше вклучен и познатата активистка против смртната казна Џуди Кларк. Царнаев е првиот од нејзините штитеници кој е осуден на смртна казна.

Џохар Царнаев е Чечен и заедно со семејството како бегалец се доселил во САД во 2002 година, а американско државјанство заедно со постариот брат Тамерлан добиле 2012 година. Според сознанијата на истрагата, браќата последните неколку години пред нападот станале верски активни и се радикализирале./крај/мф/сн