Велика Британија објави во средата фотографии кои прикажуваат, како што тврди најнапредни руски противавионски систем во источна Украина, оценувајќи дека тоа дополнително ја докажува руската вмешаност во судирот.

Британското министерство за надворешни работи објави иконографика со детали и од системот „земја-воздух“ „Панцир“ или СА-22 според западна номенклатура, фотографии објавувани во медиуми и изјави на аналитичари кои велат дека системот неколкуте последни седмици се наоѓа на истокот на Украина.

„Фактот дека СА-22 се наоѓа во источна Украина, е уште еден доказ за руската воена вмешаност во судирот“, изјави британскиот амбасадор при НАТО Адам Томсон кој ги објави фотографиите на Twitter со текст на англиски, украински и руски јазик.

Кон средината на ноември 2014-та, година британската амбасада во Киев, исто така на Twitter, објави „прирачник“ како да се препознае руски тенк од типот „Т72 БМ“ кој наводно го докажува руското воено присуство на украинскиот исток. Тенкот „Т72 БМ“ е од руско производство и се тврди дека не е во вооружувањето на украинската армија. Меѓутоа, токму фотографии на овој тенк снимени наводно во источна Украина разни медиуми ги објавуваа со разни датуми пред да изнесе британската амбасада.

„Светот е вознемирен ?#?Дебалцево.?#? Русија мора да ги исполни договорите од Минск и да го изведеа оружјето од Украина, на пример, ова“, беше објавено на твитот на амбасадорот Томсон.

На една од фотографиите без времето и местото на снимките шематски се опишува „Панцирот“ под другите три кои со дата од 24-ти јануари, и 4-ти и 5-ти февруари, и се посочува дека снимките се направени во Шахтерск и Донецк.

Во руските медиуми веднаш објавија дека под две од фотографиите се отвор линк до страница на интернет која нема поврзаност со оваа тема. Под третата пак линкот води до страницата на порталот за новинарски истражувачки стории Billingcat на кој е прикажан камиот „камаз“ опремен со систем кој потсетува на ракетниот систем „Панцир“. Фотографијата е направена во магливо време, и се гледаат снег, локви, дрвја и бетонски ѕид. Сајтот Billingcat и претходно објавуваше голем број фотографии на руска воена опрема, од кои повеќето географски се поврзани со конкретни координати на картата на светот. Овие фотографии на сајтот Billingcat немаат дефинирани координати, туку се придружени со потписот „Шахтерск“. Притоа, за првата снимка на Billingcat се одбележува дека е снимена на 23-ти јануари во Ростовската област, од руската страна на границата.

Руски експерти за РИА Новости посочиле и дека овие слики биле објавувани од страна на украински блогери и активно биле ширени преку социјалните мрежи. На социјалните мрежи сетот снимки наводно од Шахтерск се среќаваат повеќепати, истакнуваат Најраната и најквалитетна снимка од прикажаните датира од 28-ми јануари „Каде се случува ова? Би било убаво да се дознае каде. Можно е #Донецк“, се наведува под снимката, пишува руската агенција.

Другите две снимки, пишува натаму, може да се најдат на друга објава на амбасадата на Велика Британија во Киев на сајтот armamentresearch.com, каде што се истакнува дека се снимени „минатата седмица“, односно не на 24-ти јануари и 5-ти февруари, туку од 26-ти јануари до 1-ви февруари, според датумот на нивното објавување. Притоа наместо една од фотографиите пишувало само „руски ’Панцир’ во Украина’ а за другите две било наведено дека не се добиен од официјални извори, туку дека се преземени од социјални мрежи.

Минатиот петок американскиот информативен портал BuzzFeed News пишуваше дека републиканскиот сенатор Џим Инхов од сојузната држава Оклахома, изјавил дека бил „разгневен“ кога дознал дека материјалите кои му ги доставиле, а потоа биле објавени во медиумите како доказ за руското воено присуство во источна Украина, биле фалсификувани.

Сенаторот изјавил за порталот дека „инкриминирачките материјали“ ги добил од украински парламентарци во декември. По не многу ригорозната проверка „доказите“ беа објавени во весникот близок на конзервативците Washington Free Beacon. Меѓутоа, читателите многу брзо реагирале дека тие фотографии биле направени на други боишта и неколку години порано, пишува BuzzFeed News.

„Претставниците на украинскиот парламент коишто ни ги предадоа тие фотографии во печатен формат, наводно директно од камера, си направија мечешка услуга. Претпоставувавме дека со увереност можеме да ги објавиме тие фотографии, како илустрации за репортажа за настаните во регионот. Бев бесен кога дознав дека еден од фотографиите била направена од агенцијата Associated Press во 2008 година“, изјавил сенаторот Инхоф.

„Пред да ги искористат фотографиите оваа седмица, соработниците на сенаторот се поврзале со професор од универзитетот Џорџтаун, кој рекол дека може да потврди дека тие снимки се направени меѓу 24-ти август и 5-ти септември на истокот од Украина. Ние потоа ги скениравме снимките за Free Beacon“, појаснила портпаролката на сенаторот Инхоф, донела Хардер, истакнувајќи дека пред објавувањето тие не направиле проверка на сликите преку пребарувачот Google Притоа Хардер истакнала дека подоцна се покажало дека фотографиите потекнуваат од агенцијата Associated Press и биле направени за време на грузискиот конфликт во 2008 година, кога руската армија изврши инвазија, а потоа соработниците од кабинетот на сенаторот пронашле и други фотографии кои биле претходно поставувани на интернет.

Од кабинетот на сенаторот ги споменале имињата на оние кои ги предале фалсификуваните фотографии, а од порталот забележуваат дека меѓу нема ниедна личност која е позната на Западот или е високо позициониран украински функционер. Зборувајќи за пехот, сенаторот Инхов изјави дела „сепак има доволно докази за присуството на руските тенкови во источна Украина“./крај/мф/сн

Извор: AFP/РИА Новости/ BuzzFeed News