Вести
Бројот на жртви во Мека се искачи на 717 – хронологија на најголемите трагедии
Бројот на жртвите во стампедото коешто во четвртокот утрото се случи во долината Мина во близина на најголемото муслиманско светилиште Мека се искачи на 717 загинати и 863.
Меѓу настраданите нема верници од Македонија, соопшти претходно во телефонски разговор за телевизија ТВ Канал 3 од Дебар, дебарскиот муфтија Хаџи Рамазан ефенди Хаса. Нагласи дека сите околу 1.500 верници од Македонија ги извршиле верските обреди и се сместени во хотелите во кои престојуваат.
Празникот Ид ал-Адха (Курбан-бајрим) го означува завршувањето на големиот аџилак – хаџот на светите места на исламот во Саудиска Арабија. Овој празник е непосредно поврзан со кулминацијата со обредот на хаџот – каменување на шејтанот (ѓаволот – рами ал-џамарат), кое го вршат аџиите на светите места во Мека и Медина.
Обредот го олицетворува преданието според коешто шејтанот му го попречил патот на Ибрахим (Аврам) кога тој се упатил на молитва. Ритуалот се одвива во областа на мостот Џамра во долината Мина, околу 25 километри од Мека, каде што се случи денешната трагедија. Благочестивите верници фрлаат по седум камења кон карпата којашто го симболизира ѓаволот.
По извршувањето на ритуалот, аџиите жртвуваат животно, при што тоа мора да го стори секој муслиман кој учествува во хаџот.
Стампедото коешто во четвртокот утрото се случи во долината Мина, според прелиминарните сознанија, се случило токми за време на обредот на каменувањето на ѓаволот, и тоа во делот на патеката одредена за домашните саудиски аџии. Владата на Саудиска Арабија, инаку вложи повеќе милиони долари во модернизацијата и обезбедувањето на обредното место и мостот Џамра.
Ритуалите на хаџот се вршат колективно и во строго утврдени денови. Поради тоа, на многу ограничениот простор се слеваат големи маси аџии, што повеќепати во историјата предизвикувало стампеда и други инциденти со многу жртви и настрадани.
Хронологија
Во декември 1975 година избувна голем пожар во кампот на аџиите во близина на Мека при што загинаа 200 луѓе. Пожарот го предизвика експлозија на боца со гас, по што пожарот се прошири на шаторите.
На 20-ти ноември 1979 година неколку стотици вооружени лица, противници на саудиската власт, започнаа дводневна блокада на Големата џамија во Мека, земајќи притоа за заложници десетици аџии. Во нападот кој го извршија безбедносните сили заврши заложничката криза за 4-ти декември, и според официјалните податоци загинаа 153 луѓе, а 560 се ранети.
На 31-ви јули 1987 година саудиските сили ја задушија забранетата манифестација на иранските (шиитски) аџии. Убиени беа 402 лица, од кои 275 Иранци, според официјалните податоци на саудиските власти.
На 10-ти јули 1989 година во двоен напад врз приодите на Големата џамија во Мека, загина едно лице, а 16 беа ранети. Шеснаесет шиити од Кувајт беа обвинети дека го извршиле нападот и беа егзекутирани на 21-ри септември.
На 2-ри јули 1990 година во текот на хаџот дојде до стампедо во пешачкиот тунел кој ја поврзува Мека со долината Мина. Загинаа 1.426 аџии главно од Малезија, Индонезија, Пакистан и други земји. Причина била паника предизвикана од запирањето на системот за вентилација во тунелот.
На 23-ти мај 1994 година во стампедо на мостот Џамри загинаа 270 муслимански верници.
На 15-ти април 1997 година, во пожар во шаторскиот камп на аџиите во близина на Мека загина 343 луѓе, а околу 1.500 се здобија со изгореници. Изгореа повеќе од 70.000 шатори. Пожарот избувнал по експлозија на канистери со гас за домаќинство, а за ширењето на огнот придонесе силниот ветер. По овој инцидент, шаторите за верниците се прават од незапаливи материјали.
На 9-ти април 1998 година повторно во стампедо на мостот Џамри загинаа најмалку 118 верници, а повредени беа околу 180 други.
На 5-ти март 2001 година во уште едно стампедо на мостот Џамри животите ги загубија 35 луѓе, од кои 23 жени и 12 мажи. Овој податок не е уточнет подоцна, станува збор за првични информации.
На 11-ти февруари 2003 година 14 муслимански аџии, државјани на Индија, Пакистан, Египет, Иран и Јемен, загинаа во стампедо во долината Мина во текот на обредот на каменување на ѓаволот. Инцидентот се случи како судир на две колони аџии кои се движеа во спротивни насоки.
На 1-ви април 2004 година во масовното стампедо на патот кон мостот Џамра загина 241 луѓе, а уште 244 луѓе беа повредени.
На 5-ти јануари 2006 година во близина на џамијата ал-Харам во Мека се урна четирикатен хотел во кој беа сместени аџии од Египет, Алжир, Обединетите Арапски Емирати и други земји. Загинаа 76 а беа повредени уште 62 луѓе. Според очевидци, на уривањето му претходел пожар на првиот кат од објектот.
Една седмица подоцна, на 12-ти јануари 2006 година на мостот Џамра загинаа 364 аџии. Стампедото започнало кога луѓе почнале да се сопнуваат од багажите оставени од другите аџии. Со разни степени на повреди се здобија повеќе од 300 верници.
Точно пред две седмици пред денешната трагедија на 12-ти септември 2015 година по падот на градежен кран врз најголемата џамија во Мека – Ал-М;асџид ал-Харам, загинаа најмалку 111 луѓе, а повеќе до 230 беа повредени. Најголемиот дел од жртвите беа аџии, Според досегашните сознанија на истрагата, причина за падот на кранот кој притоа го проби покривот на џамијата и се урна директно врз повеќето стотици верници на ткн источна зона на храмот, биле силните ветрови и поројниот дожд./крај/мф/сн/
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
Автоматски ќе има мерки што ќе важат до крајот на годината ако се утврди скок на цените, Мицкоски засега не знае за поскапувања
Ќе има автоматски мерки што ќе важат до крајот на годината ако се утврди скок на цените, Мицкоски засега не...
Мицкоски најавува инвестициски бум од речиси 2 милијарди евра: ќе се инвестира во здравството, енергетиката, а ќе се реконструира и модернизира и железничкиот транспорт
Претседателот на Владата, Христијан Мицкоски, денеска, одговарајќи на новинарско прашање во однос на тоа што предвидува планот за инфраструктурен бум...
Судот ги одмрзнал паричните средства во случајот со „РЕК Битола“, Обвинителството бара нивно повторно замрзнување
Основното јавно обвинителство Битола вчера одново побара од Основниот суд во Битола да донесе одлука за определување привремена мерка –...
Јаневска за одењето во Здравство: Ќе бидам таму каде што премиерот ќе одлучи дека државата има потреба од мене
Министерката за образование и наука, Весна Јаневска, втор ден резервирано одговара на прашањата дали ќе стане министерка за здравство иако...
(Видео) Ковачки: Таравари јавно да одговори со што е уценет од СДС и ДУИ
Таравари мора јавно да одговори со што е уценет од криминалното дуо СДС и ДУИ. Таравари дојде на власт со...
(Фото) Спречени обиди за шверцување лекови и медицински материјали
Царинската управа извести за спречени обиди за криумчарење лекови, стоматолошки материјали, очила со диоптер, поголема количина цигари, мотоцикл, УПС уреди...
Макрон најавува можност за распоредување нуклеарно оружје во цела Европа
Францускиот претседател Емануел Макрон изјави дека Франција е подготвена да разговара за можноста за распоредување на своето нуклеарно оружје во...
(Видео) Путин: Идиоти, воведуваат санкции, паѓаат во рецесија само за да ни наштетат
Рускиот претседател Владимир Путин вчера одржа состанок со членовите на јавната организација „Бизнис Русија“. Тој ги коментира санкциите што ЕУ...
Судот на ЕУ: Комисијата мораше да ги објави СМС-пораките меѓу Фон дер Лајен и шефот на „Фајзер“
Европската комисија погреши кога одби да ги објави текстуалните пораки меѓу Урсула фон дер Лајен и извршниот директор на „Фајзер“,...
„Самиот факт што ја напуштивме Владата по своја волја јасно покажува колку малку сме корумпирани“, велат од Алијансата за Албанците
„Алијансата за Албанците будно ги следеше „тврдењата“ на ВМРО за нашата партија и нејзиниот претседател. Е за очекување во овие...
„Владата на Мицкоски со своето неодговорно однесување се заканува долгорочно да ги загрози перспективите на земјата за членството во ЕУ“, велат од ДУИ
„Владата на Христијан Мицкоски, водејќи се од популистичкиот бран кој ВМРО ДПМНЕ го јавнаа уште кога беа опозиција, со своето...
Трамп: Само будала не би прифатила бесплатен авион од Катар
Американскиот претседател Доналд Трамп на својата социјална мрежа Truth Social објави дека има намера да го прифати авионот Боинг 747-8,...
(Видео) Кремљ: Нашата делегација ќе пристигне во Истанбул
Портпаролот на Кремљ, Дмитриј Песков, изјави дека руската делегација ќе биде во Истанбул на 15 мај, додавајќи дека очекуваат и...
(Видео) Пред 35 години ги убија родителите во САД: нивната казна беше намалена, сега може да бидат ослободени
Калифорниски судија го расчисти патот за условна слобода на браќата Менендез, познати во САД и низ целиот свет по убиството...
Мелони и Ердоган разговараа за претстојните руско-украински преговори во Истанбул
Италијанската премиерка Џорџа Мелони телефонски разговараше со турскиот претседател Реџеп Таип Ердоган за преговорите за прекин на огнот во Украина,...
Силен земјотрес го погоди грчкиот остров Крит
Земјотрес со магнитуда од 6,1 степени го погоди островот Крит во Грција во средата, објави ЕМСЦ. Според објавените информации, земјотресот...
ИК на ВМРО-ДПМНЕ: Мицкоски да предложи нови кадровски решенија, одењето на Таравари значи паѓање на уште една маска
Извршниот комитет на ВМРО-ДПМНЕ одржа седница на која се дискутираше за актуелната економска и политичка состојба во државата Во рамки...
Во оваа фарса убијците добиваат милост, 12 години за масакрот на сестра ми што преминуваше улица на пешачки премин: семејството на Фросина повика на протест
„Ги повикуваме утре на протест против гнилиот судски систем сите наши пријатели, роднини и сите родители чии деца секојдневно минат...
На Јаневска ѝ е рано да размислува за ресорот здравство: Имам толку многу да доработам во Образование во овој мандат, премиерот ќе одлучи
Премиерот и преговарачкиот тим во коалицијата ќе одлучат кој ќе биде нов министер за здравство на местото на Арбен Таравари,...
Фрчкоски реагира: Кривичната пријава е банална, срамна и полна со неправилности
Љубомир Фрчкоски, поранешниот шеф на Постојаната мисија на Македонија при ООН во Њујорк, реагира по кривичната пријава за злоупотреби во...
