Во втората јавна дебата пред претседателските избори во САД кандидатите Хилари Клинтон и Доналд Трамп разменија низа обвинувања и се обидоа да ги оправдаат своите афери.

Трамп во ТВ дебатата беше приморан повторно да ги коментира снимките на кои се слуша како зборува дека допира жени по гениталиите без нивна дозвола, а Клинтон мораше да се изјасни за аферата со мејловите.„Снимките за мене беа зафрканција од соблекувална. И се извинувам на Америка и на моето семејство. Не сум горд на тоа, оно тоа што Бил Клинтон им го прави на жените е многу пострашно. Никој во историјата на Америка толку не злоставувал жени како Бил“, вели Трамп.Потенцира дека однесувањето на Клинтон кон жените било пострашно од неговото.„Кај мене се работи за зборови, а кај него за дилема“, порача Трамп на дебатата, пред која свика прес-конференција за новинари на која како што ги нарече, „неколку храбри жени“, тешко го обвинија Бил Клинтон. Меѓу нив беше и Хуанита Бродрик од Арканзас која изрече најтешки обвинувања, дека Клинтон ја силувал во 1978 година. Таа рече дека можеби „Трамп кажал некои лоши зборови, но Бил Клинтон ме силуваше, а Хилари Клинтон ми се закануваше. Мислам дека тоа не може да се спореди.“Хилари Клинтон, од друга страна, пак, рече дека Трамп наведува дека снимката го претставува во погрешно светло, но дека таа смета оти на сите и е јасно од она што го слушнале дека го претставува токму таков каков што е .„Слушнавме како навредува жени. Слушнавме како според нивниот физички изглед ги категоризира од еден до десет“, рече Клинтон. За електронската пошта на Клинтон и користењето приватен меил додека таа беше државен секретар, рече дека било грешка, но никаков доверлив материјал поради тоа не завршил во погрешни раце. Трамп рече дека ако биде избран ќе именува посебен тужител за да се спроведе истрага за Клинтон затоа што таа ја довела во прашање националната сигурност.„Добро е што некој со темпераментот на Доналд Трамп нее задолжен за спроведување на законот во нашата земја“, рече Клинтон, на што Трамп додаде: “Затоа што ќе бевте в затвор“.„Треба да се срамите“, рече Трамп, а Клинтон му одговори дека е во состојба на порекнување и занемарување на фактите дека речиси сите републиканци му го свртеле грбот. „Републиканците ве оставаат“, му рече Клинтон на Трамп. Таа рече дека и Русија управува со хакерски напади за да влијае врз изборите, со цел Трамп да победи, а бидејќи не знаат зошто та се прави, треба да побараат одговори. Трамп на тоа рече дека таа лаже, дека не го познава Путин, но дека би било добро САД да има добри односи со Русија, заедно да се борат против Исламска држава.Трамп и Клинтон се разидуваат и во ставовите околу мигрантите, тој сака екстремни контроли, а ја обвини Клинтон дека сака да го зголеми бројот на бегалци кои би дошле во САД за 550 отсто.Според него, тоа би бил најголем тројански коњ во историјата, затоа што тоа ќе значи да им се понуди дом на стотици илјади Сиријци за кои не знаат ништо.Таа не се сложува со тоа и вели дека не сака на никој да му ја скрати можноста да влезе во САД. Трамп остана на ставот дека мигрантите треба да се вратат во своите матични земји. Неодамна беше објавено дека републиканскиот кандидат за Белата куќа на легален начин можеби избегнувал да плаќа данок цели 18 години, на што Трамп рече дека брилијантно ги користел американските закони за да го намали данокот кој мора да се плати и додал дека тоа му овозможило да преживее на пазарот на недвижности.Тој и порача на Клинтон дека и сите нејзини пријатели ја користат таа одредба, но Клинтон смета дека тоа негово одбегнување на данокот ќе го зголеми данокот на луѓето од средната класа.За системот за здравствена заштита Трамп смета дека е катастрофален и дека сам ќе се распадне во 2017 година.Дебата се одржуваше на начин што дел од прашањата беа поставувани од модераторите, дел од публиката. Кандидатите можеа слободно да шетаат по сцената и да се обратат директно на оние кои ги поставуваат прашањата. На почетокот на дебатата Трамп и Клинтон не се поздравија, но тоа го направија на крај.Оваа дебата може да биде клучна за претседателската кампања, затоа што на Трамп му е потребен ветер во грб за да ја стигне Клинтон, која води на анкетите по првата дебата од 26 септември./крај/б/бб