Полицијата не трага по ниедно друго лица во врска со атентатот во Њујорк, откако во понеделникот е уапсен Американец од авганистанско потекло, соопшти њујоршкиот градоначалник Бил де Блазио.

„Засега, повеќе по никого не трагаме“, изјави градоначалникот на Њујорк, Бил де Бласио на прес-конференција.

Претставникот на Федералното биро за истраги (FBI), Вилијам Свини, прецизираше дека нема никакви информации за евентуална терористичка ќелија којашто би делувала во Њујорк, пренесе AFP.

Мажот кој беше уапсен поради експлозијата од саботата на њујоршки Менхетн, 28-годишниот Ахмад Кан Рахами, исто така, беше осомничен за експлозијата во саботата утрото во Сисајд Парк во соседната сојузна држава Њу Џерси.

Де Блазио изјави дека властите со причина сметаат дека нападот на Менхетн во саботата вечерта бил „терористички чин“. Повтори дека по тој атентат ќе има многу полицајци на улиците на Њујорк, каде што седмицава се одржува Генералното собрание на ОН, на коешто ќе присуствуваат десетици шефови на држави од целиот свет.

Крис Боулвејџ, градоначалникот на местото каде што живеел осомничениот, на посебна прес-конференција изјави дека Рахами локалната полиција не го следела. Претходно во медиумите се појавија информации дека тој ѝ бил од претходно познат на полицијата.

Според Reuters, Рахами живеел во градот Елизабет и бил познат на тамошните власти и жителите. Во 2011 година се судел со градскиот совет, којшто, постапувајќи по бројните поплаки од соседите, го обврзал Авганистанецот да го ограничи работното време на неговиот семеен ресторан до 22 часот. Рахами ги обвинил локалните власти за дискриминација и вознемирување на религиозна и расна основа. Членовите на градскиот совет и полицијата го негирале обвинението од Авганистанецот, а тужбата завршила без подигнување обвинителен акт.

Истовремено агенцијата Reuters, повикувајќи се на свои извори во правосудните органи, пренесе дека американските власти одлучиле против осомничениот да подигнат обвинение за обид за убиство и нелегално поседување оружје.

Според овие извори, против Рахами ќе бидат поднесени седум точки од обвинението, пет од нив се однесуваат на напади врз животите на луѓе, а другите две за нелегално поседување оружје. Се претпоставува дека првите точки од обвинението се насочени кон околностите при приведувањето на Авганистанец, во градот Линден во сојузната држава Њу Џерси, кога беа повредени двајца полициски службеници. Во престрелката при апсењето, самиот Рахами е ранет во десното рамо.

Претходно во понеделникот по Рахами беше објавена потерница под сомнение за вмешаност во експлозијата во Њујорк. Според FBI, „Рахами е државјанин на САД, од авганистанско потекло. Роден е во Авганистан на 23-ти јануари 1988 година, и според сознанијата на телевизијата CNN, во последните години повеќепати ја посетувал оваа земја. Тој не бил предмет на интерес на американските власти и не бил ставен на листата лица на кои им е забрането летањето.

Во саботата вечерта во квартот Челзи на њујоршки Менхетн во која беа ранети 29 луѓе и за поставување на бомбата на патеката каде што во саботата утрото требаше во местото Сисајд Парк во Њу Џерси пет илјади луѓе да трчаат хуманитарна трка, за ветераните на американските маратонци. Експлозијата одекна во 9,30 часот по локално време, а трката чиј старт за во 9 часот доцнеше поради проблеми со регистрација на учесниците на петкилометарската делница беше откажана.

Во текот на викендот и во Њу Џерси и во Њујорк во соседствата во кои одекнаа експлозиите беа откриени други импровизирани експлозивни направи, кои не биле детонирани. Во понеделникот, пак, на железничката станица во градот Елизабет, во Њу Џерси, биле пронајдени пет експлозивни направи. Една од нив се активирала во моментот кога полициски робот се обидел да ја неутрализира.

Тие информации, сé повеќе упатуваат на тезата за повеќекратни исламистички атентати., оценуваат безбедносни експерти./крај/мф/сн

Извор: Макфакс