„Џихади Џон“, маскираниот џихадист кој е еден од главните ликови на видео снимките на кои припадници на Исламската држава ги обезглавуваат заложниците, е Мохамад Емвази, Британец роден во Кувајт, кои потекнува од богато семејство, кои израснал во Лондон и дипломирал компјутерско програмирање, пишуваат повторно во четвртокот британските и американски медиуми.

На видео снимките коишто ги објавува Исламската држава, џихадистот облечен целосно во црна облека, која мавта со нож и зборува со британски акцент, според лингвистите типичен за жителите од западен Лондон, е еден од оние коишто ги обезглавуваа многуте заложници од САД, Велика Британија, Сирија и други земји.

Името Џон му го дале заложниците, бидејќи него и другите британски државјани во редовите на Исламската држава и нарекле „битлси“. Едниот од џихадистите од Велика Британија, е идентификуван како Џорџ.

Американскиот дневен весник The Washington Post наведува дека Емвази, кој на снимките му се заканува на Западот и на неговите политички лидери, околу 2012 година отпатувал во Сирија, каде што им се приклучил на џихадистите. „Пријателите и други лица запознаени со овој случај тврдат дека се вика Мохамад Емвази, Британец кој израснал во западен Лондон и се стекнал со факултетска диплома од програмирање“, пишува весникот. „Воопшто не се сомневам дека Мохамад е ‘Џихади Џон’. Ми беше како брат… Сигурен сум дека тоа е тој“, го цитиран весникот еден од најблиските пријатели на Емзави.

Неговиот идентитет засега се’ уште не е потврден официјално, бидејќи на лондонските адреси на коишто е пријавен немало никого, пишува Reuters. Меѓутоа, лондонскиот Меѓународен центар за проучување на радикализирањето наведе дека верува дека деталниот текст на The Washington Post е точен.

Во посочениот текст се наведува дека Емвази тврдел дека припадниците на тајната британска служба MI5 се обиделе да го регрутираат. Потоа наводно се обидел да отпатува во Кувајт, но на заминување го задржале припадниците на британските тајни агенции за борба против тероризмот во 2010 година. Му било забрането да ја напушти земјата, меѓутоа конечно во 2012 година, сепак, изнашол начин да отпатува во Сирија.

Откако во август 2014 година се појавија видео снимките на кои маскиран маж на англиски јазик испраќа гневни и заканувачки пораки во прв ред на САД, а потоа надвор од кадарот, според се’ судејќи му ја отсекува главата на американскиот новинар Џејмс Фоли, а потоа слична снимка се појави и со вториот егзекутиран американски новинар, Стивен Сетлоф, Џихади Џон стана една од најбараните лица на светот.

Во видео поставено на интернет припадник на Исламската држава кој се претстави како „Џон“, и според лингвистите заканите за САД ги упати на англиски јазик со акцент типичен за јужна Англија, му ја отсече главата на американскиот новинар Џејмс Фоли кој снимаше видео материјали за агенцијата AFP од конфликтот во Сирија. Истотот на видоеснимката до погубувањето на Стивен Сотлоф постојано му се закануваше на американскиот претседател Барак Обама доколку ги продолжи нападите врз џихадистите во Ирак.

„Се враќам Обама, се враќам поради твојата дрска надворешна политика кон Исламската држава“, изјави маскираниот маж на видеоснимката од погубувањето на Сотлоф, по што се закани со егзекуција на уште еден заложник, Бртианецот Дејвидт Коуторн Хејнс, хуманитарен активист. Тој на ист начин беше свирепо убиен според видеоснимката објавена на 13-ти септември.

Британските и американските разузнавачки служби добија наредби да откријат каде се наоѓа маскираниот маж кој стана симбол на бруталноста на Исламската држава. Со различни техники на испитувања му влегле во трагата, но безбедносните и разузнавачки агенции да не го објавуваат неговото вистинско име од оперативни причини.

Британската влада и полицијата информациите за идентитетот на Џихади Џон не сакале ниту да ги потврдат, ниту ги демантирале, со појаснување дека во тек е антитерористичка операција.

„Ниту го потврдуваме, ниту и негираме работите кои се однесуваат на разузнавачките активности. Нема да навлегувам во поединости на полициската и безбедносна истрага која е во тек“, рекла портпаролката на британскиот премиер Дејвид Камерон. „Штом ги видовме грозните акти кои ги извршуваат терористите, рековме дека сме сосема решени извршителите да ги изведеме пред суд и безбедносните служби напорно работат на тоа и тоа сакаме да го постигнеме“, додала.

Британскиот амбасадор во Вашингтон изјави кон крајот на ланскиот август дека идентификацијата на убиецот на американскиот новинар е при крај. Лондонскиот магазин The Times тоаш пишуваше дека експертите на британското разузнавање од агенциите MI5 и MI6 го идентификувале припадникот на џихадистичкото движење Исламска држава кој во Ирак пред видео камера му ја отсече главата на американскиот новинар Џејмс Фоли.

Британските медиуми пишуваа дека кругот осомничени е сведен на три лица за кои се знае дека го напуштиле Лондон и им се придружиле на радикалните сунитски исламисти познати како „The Beatles“, а The Times објави дека споменатите британски разузнавачки служби и Скотланд јард, помогнати со поголем тим од американското Федерално биро за истраги (FBI) кој допатува во Лондон, како „клучен осомничен“ за свирепото убиство го означиле Абдел-Маџед Абдел Бари.

Овој 23-годишник, кој порано бил познат рап изведувач под името Џин Матик, чија музика често била емитувана на британското BBC Radio 1, пред една година живеел во луксузна вила во западен Лондон чија вредност е проценета на милион фунти. Изјавувајќи дека „остава сѐ поради Алах“ тој меѓу радикалите е познат како „Џихади Џон“, а лицето кое го обезглавува новинарот Фоли на снимката исто така се претставува како „Џон“, пишуваа минатата година британските медиуми. Абдел Бари, инаку, претходно повеќепати на Twitter објавувал за своите „воени подвизи“, а лани на микроблогот објавил и своја фотографија на којашто во рацете држи отсечена глава на сириски војник./крај/мф/сн

Извор: Макфакс