Џихадистите од Исламска држава (IS) се обидуваат во петокот да ги потиснат курдските сили од северниот сириски град Кобани (Ајин ал-Араб, на арапски) и да се пробијат до граничниот премин кон Турција, во периодот кога се интензивираат повиците на Вашингтон до Анкара да интервенира.
 

Џихадистите од Исламска држава (IS) се обидуваат во петокот да ги потиснат курдските сили од северниот сириски град Кобани (Ајин ал-Араб, на арапски) и да се пробијат до граничниот премин кон Турција, во периодот кога се интензивираат повиците на Вашингтон до Анкара да интервенира.

Исламската држава напредува во Кобани, третиот по големина курдски град во Сирија, кој стана симбол, на отпорот во регионот кон оваа ултрарадикална исламистичка која е обвинета за најсвирепите и брутални масовни погубувања, силувања и киднапирања во Сирија и во Ирак, и покрај воздушните удари врз нивните позиции на приодите од градот од страна на коалицијата предводена од САД.

Повеќе од три седмици од почетокот на офанзивата врз овој стратешки град на самата граница во северна Сирија кој џихадистите го напаѓаат од југ, исток и од запад, Исламската држава контролира најмалку третина од градот и се обидува да продре до неговата северна граница, на само километар од турската граница.

„Сакаат по секоја цена да се пробијат до граничниот премин со Турција држејќи го во опкружување северниот дек од градот“, изјави Рахман Абдулрахман, директорот на опозициската на претседателот Башар ал-Асад, Сириска опсерваторија за човекови права (SOHR) со седиште во Лондон. Меѓутоа, за да го сторат тоа, според него, треба да ја заземат „безбедносната зона“ во која е главниот штаб на курдските сили кои во петокот жестоко беше бранет, а според непотврдени информации тој е веќе во рацете на џихадистите. „Борбите се водат источно и југоисточно од таа зона“, рекол Абдулрахман.

Во четвртокот Исламската држава ја зазема зградата на курдските милиции и секторот и нејзините борци се вкопаа на тие позиции.

Агенцијата AFP јави дека на турската граница се слушала престрелка од автоматско оружје и од минофрлачи, а густ чад се издигал над југозападните населби на Кобане. SOHR соопшти дека авионите на коалицијата во петокот наутро го гаѓале источниот дел од градот, по нападот на џихадистите врз јужните и источните предградија во текот на ноќта.

Борците на Исламската држава се побројни и подобро вооружени од курдската милиција, Единица за народна одбрана (YPG) коишто засега сметаат само на своите луѓе. Доколку џихадистите го освојат Кобане, ќе си обезбедат контрола над долг појас покрај сириско-турската граница.

Од почетокот на џихадистичката офанзива на 16-ти септември, загинале речиси 500 луѓе, главно борци, а најмалку 70 села се во рацете на Исламската држава. Покрај, тоа околу три илјади жители ја напуштија областа, од кои речиси двесте илјади пребегнаа во Турција.

САД последните денови ги засилија нападите на Кобани и околината, но признаа дека тие нема да бидат доволни за да се одбрани градот и ја повикаа Турција повеќе да учествува во борбата со Исламската држава којашто се заканува на нејзината граница. Иако турскиот парламент ја одобри воената операција во Сирија и во Ирак, владата го одложува испраќањето на војските.

Американски воен тим следната во Анкара ќе води разговори со турски воени функционери за евентуална операција. Воспоставување на тампон зона којашто би ги штитела секторите кои се во рацете на сунитските сириски бунтовници коишто Западот и другите сунитска арапски земји, вклучително и Турција, ги означуваат како „умерени“ и го поддржуваат од март 2011 година кога ја започнаа граѓанската војна против шиитскиот претседател Башар ал-Асад,е условот Анкара да се вмеша во војната против џихадистите. Но тој предлог не наоѓа големо одушевување ниту во Бе3лата куќа, ниту во НАТО./крај/мф/сн

Извор: Макфакс