Доналд Трамп по првото телевизиско соочување на релубликанските кандидати за партиската номинација за американските претседателски избори во 2016 година кои се одржаа во четвртокот вечерта во Кливленд, во сојузната држава Охајо, и натаму доминира во партиската трка, оценуваат медиумите истакнувајќи дека тој веднаш предизвикал нови контроверзии.

Десет од вкупно 17 кандидати од редовите на републиканците беа избрани за учество во првата телевизиска дебата за кандидатите на американските претседателски избори врз основа на резултатите од анкетите кои ги спроведоа Bloomberg News, CBS News, Fox News, и универзитетите Монму и Квинипек, а домаќини на дебатата беа Fox News и Facebook.

Покрај магнатот Доналд Трамп, во дебатата учествуваа и поранешниот гувернер на државата Флорида и брат и син на двајца поранешни американски претседатели – Џеб Буш, гувернерот на Висконсин Скот Вокер, поранешниот гувернер на Арканзас Мајк Хакаби, пензионираниот неврохирург Бен Карсон, сенаторот од Тексас Тед Круз, сенаторот од Флорида Марко Рубио, сенаторот од Кентаки Ранд Пол, гувернерот на Њу Џерси Крис Кристи и гувернерот на сојузната држава Охајо, Џон Кејсич.

Кандидатите, коишто се бореа во двочасовната расправа да добијат што повеќе време за изразување на своите ставови, повремено повеќе се напаѓаа меѓусебно отколку што своите напади ги насочуваа кон водечката кандидатка на демократите за Белата куќа, поранешната прва дама и државен секретар Хилари Родам Клинтон или против актуелниот демократски претседател Барак Обама, оценува Reuters.

Сенаторот Ренд Пол е единствениот кој ги нападна Доналд Трамп кој одби да изрази поддршка за републиканскиот кандидат за претседателските избори кои ќе се одржат во ноември 2016 година.

„Во овој момент нема да се обврзам на давањето поддршка“, рече Трамп кој со седмици наназад не ја исклучува можноста во трката да учествува како независен кандидат, што би можел да го подели републиканското избирачки тело, со што шансите за победа на Хилари Клинтон или евентуално некој друг демократски кандидат би се зголемиле.

Одговорот на магнетот предизвика бурно негодување во публиката, а Пол рече дека Трамп сака да има отворен опции за да ѝ даде поддршка на Клинтон, алудирајќи на неговото некогашно големо пријателство со Хилари и со нејзиниот сопруг Бил Клинтон. „Тој уште отсега игра на сигурно, бидејќи е навикнат да купува политичари од сите бои“, забележа сенаторот Пол.

Трамп, исто така, не отстапи од својот навредливи коментари на сметка жените кои во повеќе наврати ги нарече „дебели свињи“, а често изјавува и дека се „неуредни и мрзливи“, коментира BBC. На прашањето на модераторката на Fox News, Мегин Кели за тие коментари, само се сепна и рече делка станува збор за прашање коешто спаѓа во „политичката коректност“.

„Навистина Меги, жал ми е доколку тоа не ти се допаѓа. Кон тебе бев пристоен, иако можеби и не требаше, имајќи предвид како се однесуваш кон мене“, кусо рече Трамп, којшто, според испитувањата на јавното мнение, главно ја ужива поддршката на машките гласачи.

Жестокиот тон на дебатата му одеше во прилог на наметливиот милијардер, кои веќе со седмици наназад е во центарот на кампањата поради личните напади врз другите кандидати. Трамп, исто така, не се стеснуваше да го изрече и впечатливиот коментар за мексиканската влада којашто ја нарече „многу попаметна поитра влада која своите лоши (луѓе) ни ги испраќа нам“.

Острата дебата, меѓутоа, не им одговараше на поумерените кандидати, како Џеб Буш и Скот Вокер, да остават поголем впечаток. Иако Трамп како вистински „шоумен“, по завршување на дебататата коментаторите се согласија дека најдобри настапи имале сенаторот од Флорида Рубио и гувернерот на Охајо Кејсич./крај/мф/сн