Меѓу 20 и 30 илјади Ирачани, од кои најмногу припадници на курдската етноконфесионална заедница Јазидите, бегалци од планината Синџар, придружувани од курдските сили успеале низ обрачот на џихадистите на Исламската држава да минат безбедно во Сирија, а потоа да се вратат во Ирак во курдската автономна област северен Курдистан, а американските сили преземаа нови воздушни напади против силите на сунитските бунтовници кои го загрозија Ербил, главниот град на полуоавтономната ирачка курдска покраина.
 

Меѓу 20 и 30 илјади Ирачани, од кои најмногу припадници на курдската етноконфесионална заедница Јазидите, бегалци од планината Синџар, придружувани од курдските сили успеале низ обрачот на џихадистите на Исламската држава да минат безбедно во Сирија, а потоа да се вратат во Ирак во курдската автономна област северен Курдистан, а американските сили преземаа нови воздушни напади против силите на сунитските бунтовници кои го загрозија Ербил, главниот град на полуоавтономната ирачка курдска покраина.

„Курдските воени сили во Сирија од планините успеале да префрлат околу 30 илјади Јазиди, повеќето жени и деца, а потоа ги вратија во Курдистан“, изјави курдскиот функционер Шавкат Барбахари. Информацијата ја потврдила и ирачката парламентарка од редовите на Јазидите, Виан Дахил, според која поголемиот дел од нив биле префрлени во саботата, но додала и дека операцијата за спасување на бегалците сѐ уште трае.Претходно беше објавено дека повеќе од 50 илјади бегалци се заробени во високите планини над Синџар кој минатата седмица беше освоен од страна на сунитските џихадисти од Исламската држава, без храна и вода. Екстремните исламисти ги попречуваа обидите да им се достави вода на бегалците, поради што беше соопштено за повеќе смртни случаи.Дахил изјави дека во планинската област останале повеќе илјади луѓе, а претставникот на ОН за координација на хуманитарни операции Дејвид Свенсон тврди дека од планината Синџар со помош на курдските сили успеале да се симнат меѓу 15 и 20 илјади луѓе. Додал дека Обединетите нации не се директно вмешани во излекувањето на Јазидите и другите христијански бегалци, поради што не се знае нивниот точен број.Здружената команда на американската армија соопшти дека нападите биле изведени со беспилотни летала и ловци кои се насочени во одбрана на силите на ирачките Курди – Пешмергите кои тешко одолеваат на нападите на добро вооружените џихадисти на Исламската држава кои напредуваат кон Ербил, каде што има американски конзулат и околу четириесетина припадници на американските сили кои се наоѓаат во заедничкиот американско-ирачки воен оперативен центар.Според овие информации, во нападот извршен рано претпладнето во неделата, американски авион нападнал и уништил камион на Исламската држава од кој било стрелано врз курдските сили на влезот од Ербил. Потоа следеле уште четири напади врз вооружени камиони и минофрлачки позиции.САД од петокот ги започнаа воздушните напади и исфрлањето хуманитарна помош во северен Ирака каде што џихадистите вршат масакри врз верските и етничките малцинства и дојдоа на само половина час возење од главниот град на Курдите. Ирачката влада соопшти во неделата дека милитантите масакрирале најмалку 500 припадници од малцинската група Јазиди, од кои некои биле живи закопани, меѓу кои и деца и жени, а неколку стотици жени биле одведени во ропство./крај/мф/сн

Извор: Reuters