Речиси две илјади луѓе загинале во јуни во Ирак каде што сунитските џихадисти три седмици водат жестока офанзива во која заземаа делови од покраини од Ирак и ги споија со областите кои ги имаат контрола во соседна Сирија прогласувајќи го калифатот Исламска држава, потег кој за САД „не претставува ништо“, но сепак покрај 300-те војници во Ирак испраќаат и беспилотни летала и хеликоптери.
 

 Речиси две илјади луѓе загинале во јуни во Ирак каде што сунитските џихадисти три седмици водат жестока офанзива во која заземаа делови од покраини од Ирак и ги споија со областите кои ги имаат контрола во соседна Сирија прогласувајќи го калифатот Исламска држава, потег кој за САД „не претставува ништо“, но сепак покрај 300-те војници во Ирак испраќаат и беспилотни летала и хеликоптери.

Силите на ирачката влада којашто ја предводи шиитот Нури ал-Маликиа трет ден по ред ја продолжуваат контраофанзивата во настојувањата да ја вратат контролата над градо Тикрит, поранешниот бастион и роден град на соборениот и ликвидиран диктатор Садам Хусеин кој потекнуваше од сунитското малцинство, кој како и повеќе други области е во рацете на џихадистите на кои им се приклучија сунитските племенски милиции и бунтовнички групи кои од 9-ти јуни ја започнаа својата офанзива.

И додека според официјалните податоци во судирите во јуни загинале 1.922 лица, што е најголемиот број жртви во еден месец по 2007 година, ирачкиот парламент кој се формираше по априлските избори, во вторник треба да заседава за да го започне процесот на формирање на новата влада.

Западните и земјите од Блискиот исток повикуваат да биде формирана влада на национално единство која ќе ја замени владата на Нури ал-Малики кого го обвинуваат дека со маргинализирање на малцинските сунити придонел за големиот замав и поддршката што ја добија сунитските џихадисти од Исламската држава во Ирак и на Левантот (ISIL) кои во неделата објавија дека својата група ја преименуваат само во Исламска држава откако го прогласија калифатот.

САД во понеделникот ги повикаа „ирачките челници да се договорат за именувањата на главните должности“.

Покрај тоа Вашингтон оцени дека прогласувањето на калифатот кој покрива голем дел од територии на Ирак и Сирија „не значи ништо“ за тамошното население.

„Веќе гледавме вакви формулации (…), таа изјава не значи ништо за населението на Ирак и Сирија“, изјави портпаролката на американскиот Стејт департмент, Џен Псаки оценувајќи дека Исламската држава (Islamic State – IS) се обидува „преку стравот да и контролира жителите“. Белата куќа претходно објави дека ISIL преземал „кампања на терор со примена на насилство и репресивна идеологија, што претставува голема опасност за иднината на Ирак“.

„ISIL не се бори за посилен Ирак, туку за негово уништување. Поради тоа американската администрација директно е соработува со ирачките политички челници за да ги поттикне да ја обединат земјата и да се соочат со бунтовничката закана“.

Изминатите денови во Ирак пристигнале 200 американски воени експерти, а уште 10о лица ќе бидат распоредени во главниот град Багдад следните денови, соопшти ноќта кон вторникот портпаролот на Пентагон, контраадмиралот Џон Курби.

Според него, во Ирак, исто така, ќе бидат испратени и хеликоптери беспилотни летала. Станува збор инаку за нов контингент од 300 војници, откако исто толку претходно беа распоредени во неколку центри на ирачката територија./крај/мф/сн

Извор: Reuters