Египетскиот суд во саботата донесе одлука да се обрати до врховниот муфтија во земјата за одобрување на смртната казна во случаите во кои беа обвинети за шпионажа и овозможување бегство од затвор поранешниот претседател Мохамед Морси и уште 35 членови на неговото сега забрането исламистичко движење Муслиманско братство. 

Одлуката, според египетските обичаи во судските процеси, означува дека судот ги прогласил Морси и неговите приврзаници за виновни и оти за нивните дела заслужуваат смртна казна.

Според египетскиот закон, сите смртни казни треба да бидат разгледани од Големиот муфтија на Египет. Мислењето на оваа највисока верска власт во земјата се бара секогаш кога се пресудува смртна казна, по што судот го прави конечниот заклучок, но не е обврзан за спроведување на тоа мислење. Правосилноста на пресудата се очекува да биде донесен до 2-ри јуни.

Судот во Каиро требаше да донесе пресуди во две постапки, и тоа првата се однесува на Морси и 128 обвинети, меѓу кои се припадници на движењата Муслиманско братство, палестинското Хамас и либанскот Хезболаг, за овозможување масовно бегство од затвор кое следеше по превратот до 2011 година, а вториот поради шпионажа од 2005 до 2013 година во позла на Хамас, Хезболах и Иран.

Стотина други мажи и жени, меѓу кои и влијателни челници на Муслиманското братство, исто така, се осудени на смртната казна.

Морси може да вложи жалба на оваа пресуда. Веќе е осуден на 20 години затвор пред три седмици на првото судење поради насилствата во текот на својот едногодишен претседателски мандата, избегнувајќи ја смртната казна, но најавена е жалба на обвинителството. Во друга постапка Морси избегна смртна казна заедно со 16 обвинети.

Египетското обвинителство во ноември 2014 година побара смртна казна за отстранетиот претседател Мохамед Морси и останатите водачи на Муслиманското братство во судскиот процес за шпионажа.

Обвинителот Емад ел-Шарави во завршниот збор тогаш кажа дека Морси и неговите соработници проследувале документи со ознаки „државна тајна“ до странски разузнувачки служби кога бил на чело на државата. Морси рече дека одбива да ја признае јурицдикцијата на судот и побара на наредните судења да се брани сам.

На Морси веќе му се заканува смртна пресуда во процесот за поттикнувања на насилства и убиства на припадници на безбедносните сили, а неговото движење Муслиманско братство чии 1.400 приврзаници загинаа во судирите со полицијата, беше прогласено за терористичка организација и забрането.

Поранешниот египетски претседател Морси, кој на власт дојде со бунтот во ткн Арапска пролет во февруари 2011 година кога беше соборен деценискиот авторитарен претседател Хосни Мубарак, беше обвинет дека за сума од милион американски долари на катарските разузнавачки служби и на катарската телевизија Al Jazeera им предал доверливи документи кои се однесуваат на националната безбедност на Египет.

Египетскиот суд го забрани движењето Муслиманско братство означувајќи го како терористичка организација, меѓутоа таа пресуда не го третираше политичкото крило, што остави простор партијата да се кандидира на парламентарни избори кои ќе се одржат подоцна годинава. Со споменатата судска одлука Партијата на слободата и правдата (FJP), а неговиот имот ѝ припаѓа на државата. Пресудата е конечна и на неа нема да може да се поднесе жалба.

Откако поранешниот врховен воен командант и сегашен претседател Абдел Фатах ал-Сиси на 3-ти јули 2013 го отстрани од власт исламистичкиот претседател Мохамед Морси, првиот избран на слободни избори челник, поради неможноста да изнајде договор со либералната и секуларна опозиција по неколкумесечните крвави протести со кои го обвинија дека ги узурпирал овластувањата на судовите за сметка на својата позиција и оти ја исламизира земјата вметнувајќи го уставот одредби од строгиот шеријатски законик.

Тоа предизвика масовни протести на приврзаниците на Муслиманското братство во кои загинаа вкупно околу 1.400 луѓе. Оттогаш, особено се засилија и активностите на исламистичките групации активни на Синај кои се обврзаа на лојалност на џихадистичката Исламска држава, во чии напади се убиени стотина припадниците на египетските безбедносни сили

Муслиманското братство е основано во 1928 година во Египет и оттогаш бројот на неговите членови постојано се зголемува, а движењето е присутно во повеќето арапски земји. Од народниот бунт во 2011 година кога од власт беше соборен египетскиот децениски претседател Хосни Мубарак, движењето победи на сите избори во земјата како најдобро организираната политичка сила во земјата. Меѓутоа, по еден бомбашки напад од пролетта 2014 од кое се огради, движењето беше означено како терористичка организација и беше забрането/крај/мф/сн

Извор: Макфакс