Екстремната сунитска организација Исламска држава во Сирија во 2013 година добила агенсот сарин од Турција, кој подоцна ги употребила за хемискиот напад во предградието на сириската престолнина Дамаск во летото истата година, а властите во Анкара биле запознаени со тие пратки, тврди пратеникот од Републиканската народна партија на Турција (CHP), Еден Ердем во интервјуто за руската телевизија RT објавено во понеделникот.

Ердем претходно на 10-ти декември во турскиот парламент претстави материјали за кои тврди дека се докази за испораки на саринот од Турција во Сирија. Според овој опозициски пратеник, обвинителството во турскиот град Адана повело кривична постапка, во која биле уапсени повеќе државјани на Турција, меѓутоа по една седмица, без разлика на доказите за учество во доставувањето на сарин во Сирија, тие биле ослободени. Во интервјуто за телевизијата изразува увереност дека Турција и Западот знаат кој стои зад хемиските напади изведени во 2013 година во Сирија, по кои беше обвинета владата на претседателот Башар ал-Асад.Според пратеникот, постоеле докази дека материјалите за хемиско оружје, увезени во Турција, биле предадени во камп на група од Исламската држава во Сирија, која две години претходно беше дел од Ал Каеда во Ирак. Во врска со тоа била поведена истрага, продолжува Ердем, во која имало и уапсени. Меѓутоа, откако по една седмица биле ослободени, тие исчезнале преки границата со Сирија, тврди турскиот пратеник.Тој е убеден дека сириските сили не можеле да поседуваат со оваа смртоносна супстанција.„Сите ги обвинуваа владините сили, но сириската влада, според расположливите податоци, во тоа време немала сарин, тој бил во рацете на бунтовниците. Колку што може да се разбере, делото е затворено за да се префрли вината врз властите на Сирија“, вели Ердем.Вели, исто така, дека „западните извори многу добро знаат кој навистина стои зад хемиските напади во Сирија“, обвинувајќи ги за лицемерство.Според турскиот парламентарец, снимките од телефонските разговори, кои биле докази во истрагата, содржеле детали како требало да се врши испораката. Во нив, според Ердем, се зборувало и за подготовката, и за содржината на лабораторијата, како и за изворите на супстанцијата, и за тоа какви возила треба да користат милитантите, во кои денови итн. Сите разговори и договори биле целосно снимени, тврди Ердем, и повторно истакнува дека и покрај тоа, осомничените биле ослободени.Опасната супстанција била испорачана од Турција во Сирија во август 2013 година, што се совпаѓа со периодот кога врз предградието на Дамаск беа истрелани ракети со сарин, за кои и тогаш сириската влада на претседателот Асад понуди докази според пакувањата најдени во бунтовнички упоришта дека отровите потекнуваат од арапски земји во регионот. Ердем е убеден дека овие два настана се поврзани.„Голема е веројатност дека во тие напади биле употребени материјалите кои биле доставени преку територијата на Турција“, смета. „Испораките се вршени преку Турција, но сите главни супстанции се купени во Европа, западните извори точно знаат кој стои зад хемискиот напад во Сирија. Тие знаат дека тие луѓе работат за Ал Каеда“, заклучува турскиот пратеник./крај/мф/сн

Извор: RT