Францускиот министер за надворешни работи Лорен Фабиус изјави дека да се преговара со сирискиот претседател Башар ал-Асад, за што претходно се изјасни американскиот државен секретар Џон Кери, и според него тоа би претставувало „да се даде неверојатен подарок“ на џихадистичката групација Исламска држава (IS).

САД ќе мора да преговараат со сирискиот претседател Башар ал-Асад околу политичкото решение на кризата и се обидуваат да пронајдат начин да го принудат на преговори, изјави американскиот државен секретар Џон Кери во интервјуто за американската телевизиска мрежа CBS.

„На крајот ќе мораме да преговараме. Секогаш бевме подготвени на преговори во контекст на процесот Женева 1“, рече Кери алудирајќи на конференцијата од 2012 година во Женева, која повика на преговори за ставање крај на судирите во Сирија. Меѓутоа одбегна да каже дека ставот на САД и на неговите сојузници кои ја поддржуваат опозицијата досега толкуваа дека тој договор предвидува заминување на Асад од власта.

Кери додаде дека САД и другите земји, кои не ги именуваше, се обидуваат да пронајдат начин да ги обноват процесите за решавање на кризата. Русија минатиот месец организираше во Москва средна на расцепканата сириска опозиција и претставниците на владата во Дамаск, на која сепак одби да присуствува главната опозициска групација.

„Решението на сирискиот конфликт е во политичката транзиција која мора да ги задржи институциите на режимот а не Башар ал-Асад“, изјави шефот на француската дипломатија Лорен Фабиус. „Секое друго решение кое Асад би го вратило на власт би бил навистина неверојатен подарок за терористите на Исламската дражва“, додаде.

Милиони Сиријци коишто наводно Асад ги прогонувал наводно и’ даваат поддршка на Исламската држава. „Очигледно тоа мораме да го спречиме“, додаде по средбата со министрите за надворешни работи на земјите членки на Европската унија во Брисел.

Францускиот премиер Мануел Валс, пак, изјави за телевизијата Canal+ дека жали поради изјавата на американскиот државен секретар Џон Кери.„Нема да има решение сé додека Башар ал-Асад е претседател на Сирија“. „Франција секогаш истакнуваше дека е неопходно политичко решение, но Асад е одговорен за десетиците илјади мртви кои се убиени со гас“, изјави францускиот премиер останувајќи на веќе демантираниот и надминат извештај дека летото 2013 година во близина на сириската престолнина Дамаск владините сили употребиле боев отров.

Фабиус од своја страна истакна дека во понеделникот претпладнето разговарал со Кери кој му кажал дека „американскиот став за Сирија не се променил“.

Високата претставничка на ЕУ за надворешна и безбедносна политика Федерика Могерини потсети, пак, на ставот на Европската унија велејќи дека на „на трајното решение на сирискиот судир не може да се работи без претставниците на режимот на Асад“ „Мислам дека Кери мислеше во тој контекст. Мислам дека не зборуваше за Аса лично“, додаде Могерини.

Сирискиот претседател Башар ал-Асад во понеделникот отфрли секакви преговори со посредници од странство. „Секои разговори за иднината на сирискиот претседател ќе ги води сирискиот народ, а изјавите однадвор не нé засегаат“, порача Асад.

Портпаролката на американскиот Стејт департмент, Мери Харф, изјави дека Кери не мислел на Асад и истакна дека Вашингтон никогаш не бил подготвен да разговара со него.

Меѓутоа, коментарите на американскиот државен секретар веќе предизвикаа загриженост во земјите, во прв ред сунитските муслимански земји од Персискиот залив од каде што се и најголемиот број борци на страната на Исламската држава во Сирија, кои ја поддржуваат сунитската вооружена опозиција против противат претседателот Башар ал-Асад, кој доаѓа од алавитската (шиитска) заедница, а ја има поддршката и на христијаните, друзите и либералните сунити, како и од дел од сунитските клерици. Значителната курдска заедница во Сирија, пак, во четиригодишниот конфликт се држи резервирано и се обидува да ја зацврстат власта врз нивните региони и да ги одбрани од џихадистичките групации како Фронтот ан-Нусра и Исламската држава која на сириските и ирачките територии во летото 2014 година прогласи ткн калифат./крај/мф/сн

Извор: Макфакс