Портпаролот на германската канцеларка изјави во средата дека Германија е одговорна за холокаустот и дека нема никакви потреби тоа да се ревидира, во одговорот на израелскиот премиер Бенјамин Нетанјаху кој ги обвини Палестинците, односно муфтијата на Ерусалим од Втората светска војна, дека го инспирирал германскиот нацистички водач Адолф Хитлер за планот „Конечно решение“, односно истребувањето на Евреите, но израелскиот премиер остана тврдокорен на своето тврдење и во средата.

Израелскиот премиер Бенјамин Нетанјаху го обвини палестинскиот верски водач и ерусалимски муфтија Хаџи Армин ал-Хусени кој во 1941 година пребегал во Германија и му ја дал идејата за истребување на Евреите на средбата со Адолф Хитлер во Берлин, што предизвика остри реакции на Палестинците, историчарите но и од израелската опозиција.

„Хитлер не сакал да ги истреби Евреите во тоа време, тој сакал да ги протера. А тогаш дошол муфтијата кај него и му рекол дека сите тие тогаш ќе се иселат во Палестина. Па што тогаш да правам со нив, а муфтијата му договорил – изгори ги“, раскажа Нетанјау во своето обраќање на Светскиот ционистички конгрес во Ерусалим

„Тој (муфтијата ал-Хусеини) ја имал централната улога во поттикнувањето на Конечното решени“ (нацистичкиот израз за планот за решавање на „еврејското прашање“), заклучокот Нетанјаху.

Запрашан за коментарите на Нетанјаху, портпаролот на германската влада одговори дека Германија е одговорна за холокаустот и оти нема никакви потреби да се гледа поинаку на тоа, пренесува AFP.

Нетанјаху, чиј татко бил уважуван историчар, веднаш беше остро критикува. Некои историчари, притоа, тврдат дека средбата меѓу Хитлер и ал-Хусеини се случила во ноември 1941 година, а Хитлер речиси три години претходно, во јануари 1939 година во Рахстагот говорел за потребата од „истребување на еврејската раса“.

„Зборовите дека муфтијата на Хитлер му ја дал идејата да ги истепа или изгори Евреите. Тоа била централна тема на идеологијата на Хитлер многу многу пред да се појави муфтијата во Берлин“, изјави за Reuters во средата Дина Порат, професорка во Тел Авиви и главна историчарка во меморијалниот центар Јед Вашем.

Не е јасно која е причината Натанјаху да го покрене ова прашање токму во моментов непосредно пред неговата посета на Германија, но со неа повторно ги подигна речиси до кулминација тензиите меѓу Израелците и Палестинците, кои од пред две седмици влегоа во нови жестоки судири со десетици жртви.

Главниот палестински преговарач Саеб Ерекат во средата реагираше велејќи дека „Нетанјаху толку ги мрзи Палестинците, што дури и Хитлер би го ослободил од вината за убиството на шест милиони Евреи“.

На говорот на Нетанјаху реагираше и Исак Херцог, челникот на израелската опозиција во Кенсетот (парламентот). „Ова е опасно извртување на историјата и барам Нетанјаху веднаш тоа да го исправи, бидејќи дека со тоа ги намалува холокаустот, нацизмот и злото, што беше улогата на Хитлер во ужасната несреќа на нашиот народ“, напиша Херцог на Facebook. Според него, изјавата на премиерот оди во прилог на оние коишто го негираат холокаустот, и додава дека историјата вели дека Хитлер планирал да ги убива Евреите со години пред да се сретне со ал-Хусеини.

Сепак, Нетанјаху во средата остана при своето. „Тие обвинувања се апсурдни. Немам никаква намера да го амнестирам Хитлер од неговата сатанска одговорност за истребувањето на европските Евреи. Хитлер е тој кој ја донел одлуката. Апсурдно е да се игнорира улогата којашто ја муфтија имал во охрабрувањето и поттикнувањето на Хитлер“, порача израелскиот премиер но исток така додавајќи и дека поседува „доволно докази“ со коишто може да ги потврди своите обвинувања против ал-Хусеини.

Но ниту неговиот министер за одбрана и близок соработник Моше Јаалон не се согласува со Натанјаху. „Ал-Хусеини сигурно не бил тој кој го измислил ‘Конечно решение. Тоа е плод само на изопачениот ум на Хитлер“, изјави Јаалон за израелското воено радио./крај/мф/сн

Извор: Макфакс