Малезискиот авион, соборен во средината на јули на истокот на Украина, е погоден во лет со „голем број проектили со исклучителна брзина“, што го распарчиле леталото на парчиња, се наведува во првиот официјален извештај на холандските вештаци објавен во вторник.

„Летот MH17 „boing 777-200“ на Malaysia Airlines се распарчил во лет, веројатно поради структурални оштетувања предизвикани од голем број проектили со голема сила што го погодиле леталото“, наведува холандското истражно биро за безбедност, задолжено за истрагата за падот на авионот. 

Холандските вештаци, како што и најавија, не наведуваат дали авионот што летал на линија Амстердам-Куала Лумпур е соборен со ракета, како ни тоа кој би можел да биде одговорен за несреќата. 

Причината за несреќата на малезискиот авион „Boeing“ над источна Украина биле структурни оштетувања предизвикани однадвор, се вели во прелиминарниот извештај објавен во вторникот од страна советот за безбедност на Холандија, чии државјани беа најбројни меѓу 298-те жртви на летот МН17 на релација Амстердам – Куалалумпур кој се урна на 17-ти јули 60-ина километри од украинско-руската граница во областа на градот Донецк, контролирана од проруските бунтовници.

Според првичните резултати од истрагата, авионот се распаднал во лет. „Авионот се распаднал на делови во воздух, веројатно како структурни оштетувања, предизвикани од надворешно влијание на високо енергетски објекти“, се истакнува во извештајот.

Како што произлегува од изводите од „црните кутии“, кои сé уште не се потврдени, причина за трагедијата не технички недостаток во системот на авионот или грешка на екипажот. Според извештајот, показателите за работа на моторите на леталото за време на летот биле во нормалата. Покрај тоа, експертите во извештајот навеле дека „авионот бил прегледан за летот, кога полетувал од Амстердам“ и технички проблеми не биле откриени.

Евиденцијата за комуникацијата со украинските контролори на летањето потврдуваат дека екипажот не испратил никакви повици за итни ситуации. Последниот повик на диспечерот се регистрирани меѓу 15,50 и 15,52 часот по македонско време и останал без одговор од екипажот. Се истакнува и дека во 15,49 часот авионот направил отклонување за 3,6 наутички милји кон север од центарот на воздушниот коридор по кој требало да лета.

Според податоците на холандскиот Совет за безбедност, финализираниот извештај за истрагата на несреќата за којашто меѓусебно се обвинуваат Киев и Москва, ќе бидат објавени не порано од една година по несреќата.

АД и Киев ја обвинуваат Русија или проруските бунтовници дека по грешка го собориле малезискиот авион кој н а17-ти јули падна 60 километри од руската граница крај бунтовничкото упориште Донецк. Москва, пак, презентираше информации дека непосредно пред падот покрај патничкиот авион летал украински воен авион, како и дека на територијата на Украина во тој момент бил активен ракетен систем „Бук-1М“ кој може да собори објект на восочина од 10 илјади метри. Притоа, малезиските медиуми објавија мислења на експерти за авионски несреќи, дека на остатоците од авионот имало траги кои потсетуваат на дупки направени од шрапнели од ракета и од топ со какви што се вооружени борбените авиони./крај/мф/сд