Хакерот кој се прикрива зад псевдонимот Guccifer 2.0 објавил уште еден контингент документи, во врска со Националниот комитет на Демократската партија, пишува весникот Forbes и појаснува дека од хакерот ја добил лозинката за пристап до фајловите, во кои се содржат сведоштва за интернет инфраструктурата на демократскиот комитет DNC, за неговите донатори и финансиската состојба.

Како што пишува весникот, предавањето на линкот и лозинката се случила во вторникот за време на традиционалната конференција за кибернетичката безбедност во Лондон, Меѓу говорниците имало лице за кое се смета дека зборувало од името на Guccifer 2.0. Лицето коешто се прикрива зад овој псевдоним преку мрежата за микроблогирање Twitter го потврдил полномоштвото на својот претставник на форумот во британската престолнина.

Претходната серија документи добиени како резултат на хакирањето на серверите на Комитетот на Демократската партија за изборите за изборите во американскиот Конгрес, кои беа објавени во август. Така на 13-ти август кога на интернет протекоа личните податоци на демократите во Претставничкиот дом на Конгресот на САД, според весникот The Washington Examiner, една од листите содржела телефонски броеви и приватни електронски адреси на секој демократ од Претставничкиот дом, вклучително и информации за личен контакт наменети само за најблиските соработници.

Во објавените документи, исто така, се содржеа и детали за политичките активности на комитетот на секој од демократските претставници во законодавниот дом, коишто имаат право да собираат практично неограничени средства за водење кампања на политичарите.

Овој материјал на Комитетот се однесуваше на сојузната држава Флорида, содржеше пораки, белешки, брифинзи, досиеја и други материјали. „Овие документи на Комитетот за изборите во Конгресот се однесуваат на Флорида: материјали, меморандуми, брифинзи, досиеја и друго. Можете да видите за кого ќе гласате. Се чини дека предизборите за Конгресот, исто така, ќе се претворат во фарса“, ја цитираше тогаш Politico објавата на хакерот.

Три дена подоцна новата серија објавени документи украдени со упад во серверите на Комитетот за изборите во Конгресот, се однесуваше на трката за неколку изборни единици на Флорида. Во нив беше опишана стратегијата на Демократската партија, и според објавените документи таа подразбира концентрирање кон афроамериканската популација и нејзините припадници да се пријават како гласачи на партијата.

Голем скандал предизвика и објавувањето на споменатата преписка за партиските предизбори за претседателски кандидат кој во јули ги објави WikiLeaks на кој во објавата алудира хакерот, односно на претходно објавените материјали од DNC во кои се покажа дека на предизборите за претседателски кандидат на Демократската партија била фаворизирана Хилари Клинтон на штета на нејзиниот ривал сенаторот Берни Сандерс, со совети да се објавуваат компромитирачки конструкции за вториот.

Поради овој скандал оставка поднесе претседателката на DNC, Деби Васерман-Шулц, а од своите позиции заминаа и нејзината наследничка како претседателката на Националниот комитет на Демократската партија, Ејми Дејзи, финансискиот директор на комитетот Бред Маршал и шефот на одделот за односи со јавноста, Луси Миранда.

На 10-ти август весникот The New York Times дека саботажата од страна на хакерите била многу посериозна отколку што се сметаше претходно. Според тврдењето на весникот, хакерите успеале да извршат кибернетички упад во електронската пошта на „повеќе од 100 функционери и ограноци“ на демократите, а не само во DNC. Во врска со ова Федералното биро за истраги (FBI) настрана од јавноста, ги известило функционерите чиишто електронски преписки би можеле да бидат украдени, тврди весникот.

Од The New York Times, исто така, тврдат дека цел на кибернетичката саботажа, за којашто демократите вклучително и нивниот актуелен претседател Барак Обама ја обвинуваат Русија, биле и членови на изборниот штаб на Хилари Клинтон и на неа доверливи лица. Жртви на хакирањето биле и членовите на демократскиот комитет кои се занимаваат со собирање доброволни донации и со анализа на расположението на гласачите, како и здружението на гувернерите на сојузните држави од Демократската партија./крај/мф/сн

Извор: Макфакс