Американскиот министер за одбрана на заминување Чак Хејгел ја потврди во саботата информацијата што претходно ја пренесоа светските агенции дека во време на операцијата за спасување во Јемен, припадниците на тамошниот огранок на глобалната терористичка мрежа Ал Каеда, го убиле фоторепортерот Лук Сомерс.
 
 

Американскиот министер за одбрана на заминување Чак Хејгел ја потврди во саботата информацијата што претходно ја пренесоа светските агенции дека во време на операцијата за спасување во Јемен, припадниците на тамошниот огранок на глобалната терористичка мрежа Ал Каеда, го убиле фоторепортерот Лук Сомерс.

Во некои американски медиуми, пак, претходно беа објавени противречни информации дека Лук Сомерс ја преживеал заедничката воена операција на американските и јеменските сили во покраината Шабва во југоисточен Јемен. Во некои извештаи беше наведено дека тој бил спасен но ранет, а во некои беше известено за неговото загинување.„Американските специјални сили извршија мисија во Јемен за ослободување на американскиот државјанин Лук Сомерс, како и други странски државјани, кои беа во заложништво на терористите. Сомерс и уште еден заложник беа убиени од страна на милитантите за време на операцијата“, изјави американскиот министер за одбрана Чак Хејгел во тенот на неговата посета на авганистанската престолнина Кабул, пренесе AFP.Инаку американските специјалци во ноември веќе изведоа една неуспешна акција за спасување на Сомерс.„Имавме проверени податоци да веруваме дека животот на Сомерс е во опасност“, додаде Хејгел, кој пристигна во Авганистан во последната посета пред негово заминување од Пентагон, и пред повлекувањето на силите на НАТО од оваа земја.Хејгел додаде дека вториот загинат заложник не бил американски државјанин, а Reuters јавува дека станува збор за Јужноафриканецот Пјер Корки. „Ја добивме тажната вест дека Пјер е убиен во акцијата на американските специјални сили чија цел беше ослободување на заложници“, соопшти хуманитарната организација за којашто работел Gift of the Givers, пренесува агенцијата.Американскиот претседател Барак Обама упати изрази на сочувство на двете семејства и го осуди „варварското убиство“ на Сомерс во текот на операцијата за негово спасување. Ал Каеда во четвртокот објави видео снимка на којашто беше прикажан Сомерс кој беше грабнат во септември 2012 година. Оваа бунтовничка група во Јемен се закани дека ќе го убие, доколку САД во рок од три дена не ги исполнат барањата кои не беа прецизирани.Според американската телевизиска мрежа ABC News јеменските бунтовници барале од САД запирање на американските антитерористички операции во Јемен, Ирак, Сомалија и Пакистан. Триесет итригодишниот Сомерс пред 14 месеци беше земен во заложништво во Јемен, под сé уште не разјаснети околности. Познато беше дека американскиот фоторепортер работел и како преведувач. На почетокот од декември, бунтовниците од групацијата Ал Каеда на Арапскиот полуостров го објавија на интернет видеото со Сомерс при што се заканија со ликвидација на Американецот.Во истото видео милитантите му порачаа на американскиот претседател Барак Обама дека има три дена да ги изврши барањата на Исламската држава „кои веќе му се познати“. „Во спротивно, американскиот заложни ќе го стигне неизбежната судбина“, порачаа исламистичките бунтовници./крај/мф/сн

Извор: Макфакс