– Оштетени камиони снимени според опозициските активисти на 28-ми ноември 2015 по руски воздушен напад врз паркинг за камиони во градот ал-Дана, во покраината Идлиб во близина на сириско-турската гранциа

Генерал-мајорот Хосам ал-Авак, челник на разузнавањето на опозициската Слободна сириска армија (FSA), којашто Западот ја смета за „умерена“ бунтовничка група, во разговорот за руската новинска агенција Sputnik Arabic во средата изјави дека поседува докази дека Турција купува нафта од екстремната сунитска групација Исламска држава, која оваа ја краде од нафтоносните полиња на териториите што се под нејзина контрола во Сирија и во Ирак.

Генерал-мајорот Хосам ал-Авак, челник на разузнавањето на опозициската Слободна сириска армија (FSA), којашто Западот ја смета за „умерена“ бунтовничка група, во разговорот за руската новинска агенција Sputnik Arabic во средата изјави дека поседува докази дека Турција купува нафта од екстремната сунитска групација Исламска држава, која оваа ја краде од нафтоносните полиња на териториите што се под нејзина контрола во Сирија и во Ирак.

Генералот ал-Авак потврдува во разговорот дека Слободната сириска армија (FSA) поседува фотографии од нафтени зделки и договори потпишани од турска страна за купување нафта од терористичката група Исламска држава.

„Од самиот почеток на сириската криза во (март) 2011 година, Турција ги поддржува исламистите (екстремисти) и терористите во Сирија на секој можен начин против умерените групи“, тврди генералот Хосам ал-Авак.

„Поседуваме фотографии од договорите за нафтените зделки меѓу Турција и Даеш (арапскиот акроним за Исламската држава – ISIL)… Исто така, имаме фотографии и за купувањето на возилата ‘Тојота’, на кои се гледа знакот на катарскиот дистрибутер на возилата ‘al-Ghanem’. Овие возила се увезени во Сирија заедно со оклопните возила кои терористите ги користат за превоз на своите челници“, вели генералот Авак

Екстремистичките фракции, според опозицискиот генерал, добивале поддршка од Турција и пред да се појави на сириското боиште Исламската држава, а помошта им била испраќања преку планината Коросајах во близина на Бавабет ел-Салан, на турско-сириската граница.

Генералот Авак, исто така, појаснува дека турската разузнавачка служба ги користела договорите, потпишани од екстремистичките фракции, и во други цели, имено екстремистичките фракции се занимавале и со шверцување на украдени опреми од фабриките и лабораториите од сирискиот град Алепо за компании во Турција.

Истакнува и дека Муслиманското братство во Сирија ја надгледувало координацијата на ваквите активности, за да се запре дејствувањето на Слободната сириска армија и на другите умерени вооружени опозициски групи.

Генерал-мајорот вели дека неговата група го смета челникот на турската разузнавачка агенција Хакан Бајдан за одговорен за сите спомнати договори, додавајќи дека доказите веќе ги испратил на нивните сојузници во регионот и во светот, но дека турскиот претседател Реџеп Тајип Ердоган и натаму инсистира на поддршка на исламските екстремисти во регионот.

Претходно во средата руското министерство за одбрана организираше во Москва голема прес-конференција на која на новинарите им беа презентирани сателитски снимки за кои руската страна тврди дека се докази оти Турција, односно членови на претседателот Ердоган се вмешани во купувањето на нафта од џихадистите кои се финансираат од тоа. Ердоган, пак, веднаш потоа повтори дека доколку бидат докажани таквите обвинувања е подготвен да ја напушти претседателската должност.

Ердоган во говорот во катарската престолнина Доха изјави дека никој нема право да ја клевети Турција, обвинувајќи ја дека купува нафта од Исламската држава и дека не сака натамошно влошување на односите со Русија.

Пред тоа, заменикот на рускиот министер за одбрана, Анатолиј Антонов на брифингот рече дека „Знаеме колку вреди зборот на Ердоган. Нема да ја признае вината, дури и лицето да му е измачкано со нафта“, рече и повика Турција да дозволи пристап на местата каде што според Москва се наоѓаат центрите за шверцување на нафатат.

Руските челници притоа порачаа дека ќе продолжат со бомбардирање на „патот на нафтата“ од сириски Деир-ез-Зор до турската рафинерија Батман, и истакна дека во руските бомбардирања во изминатите два месеца во Сирија се уништени 11 рафинерии и 32 објекти во кои Исламската држава произведува нафта./крај/мф/сн

Извор: Макфакс