Силите на ирачките Курди започнаа во четвртокот утрото голема офанзива врз екстремната сунитска организација Исламска држава (IS) чија цел е враќање на контролата на градот Синџар во северен Ирак, а истовремено војските на владата во Багдад започнале операција во западната покраина Анбар при што ликвидирале 115 исламистички борци воспоставувајќи контрола на значителен дел од областа, јавуваат агенциите.

„Нападот започна во седум часот по локално време и пешмергите (курдски борци „оние кои не се плашат да умрат“ – з.р.) напредуваа по неколку правци поради ослободување на централниот дел на Синџар“, изјавил за AFP генерал-мајорот на курдските сили Езеди Садун.

Прецизирал дека станува збор за стратешка траса за снабдување на џихадистите којашто го поврзува градот Мосул, главното упориште на Исламската држава во Ирак, со териториите коишто терористите ги контролираат во соседна Сирија. Прекинот на оваа траса за снабдување со опрема и борци, би претставувал тежок удар за џихадститите, сметаат воени извори во регионот.

Медиумите јавуваат дека по артилериското бомбардирање од страна на курдските милиции и воздушните удари од коалицијата предводена од САД, за гледаат густи столбови чад кои се издигнуваат над градот Синџар.

Советот за безбедноста на автономната област Ирачки Курдистан објави дека во операцијата ќе учествуваат до 7.500 курдски борци, а е осмислена е за заземање на Синџар кој Исламската држава го држи под контрола од август 2014 година.

Истовремено ирачките и иранските медиуми известуваат дека владините сили помогнати од шиитските милиции ликвидирале во четвртокот утрото повеќе од сто борби на Даеш (арапски акроним за Исламската држава во Ирак и Шам (Левантот – Медитеранот) – ISIS/ISIL, која подоцна по прогласувањето на ткн „калифат“ го смени името во Исламска држава – IS). Операцијата е започната во западната покраина Анбар, и е воспоставена целосна контрола на областа.

Командантот на силите Бурак, од Народните единици за мобилизација, Васик Фартузи за арапската сателитска телевизија al-Sumaria изјави дека неговите борци заедно со силите на регуларните ирачки безбедносни единици и локалните сунитски племенски милиции успеале во средата да воспостават целосна контрола врз областа Албу-Хајат во областа Хадита, 160 километри западно од покраинскиот главен град Рамади,

За време на операцијата биле убиени 115 исламистички борци, прецизирал Фартуси, додавајќи дека меѓу убиените џихадисти има државјани на неколку арапски и од западни земји, непрецизирајќи за кои држави станува збор.

Соговорникот додал дека егзекуцијата на физичарот, чиешто име сé уште не е соопштено, била јавна на централниот плоштад во Мосул, пред очите на многубројни случајни минувачи кои биле принудени да го гледаат погубувањето.

Во октомври 2014 година, американското министерство за одбрана објави дека поседува докази дека Исламската држава во Ирак и во Сирија трага по биолошко и хемиско оружје. Тогаш беше објавено дека разузнавањето открило дека џихадистите имаат намери да дојдат до биолошки агенси и оти се обидуваат да вметнат во муниции бубонска чума, преку користење заразени животни.

Меѓународните експерти за хемиско оружје потврдија дека иперит е употребен во сирискиот град Мареа, каде што екстремната сунитска групација Исламска држава (IS) се бори со други бунтовнички групи, се наведува во извештајот на меѓународните набљудувачи, во доверливиот документ од 29-ти октомври на Организацијата за забрана на хемиското оружје (OPCW).

Властите во автономната курдска покраина Ирачки Курдистан претходно обвинија дека џихадистите од Исламската држава истрелувале врз позиции на нивните борци – пешмергите во северен Ирак гранати исполнети со иперит во текот на борбите во август. Според нив, примероците од крвта земена од 35 борци кои биле изложени на нападот југозападна од регионалната престолнина Ербил, покажале траги од иперит, кои ги имало и на остатоците од истреланите гранати./крај/мф/сн

Извор: Макфакс