Ирачката армија во неделата објави дека во земјата пристигнале првите пет руски борбени авиони кои треба да и’ помогнат во борбата против сунитските радикали и џихадисти, а истовремено иранскиот генерал Масуд Џазајери најави дека Техеран е подготвен да му помогне на Багдад со истите методи кои ги примени против сунитските опозициски сили во Сирија.
 

Ирачката армија во неделата објави дека во земјата пристигнале првите пет руски борбени авиони кои треба да и’ помогнат во борбата против сунитските радикали и џихадисти, а истовремено иранскиот генерал Масуд Џазајери најави дека Техеран е подготвен да му помогне на Багдад со истите методи кои ги примени против сунитските опозициски сили во Сирија.

„Првата група авиони ’Сухој Су-25’ пристигнаа на ирачка територија, што ќе ги подобри борбените капацитети на ирачките воздушни сили во елиминирањето на тероризмот“, соопшти ирачкото министерство за одбрана, пренесе агенцијата DPA.

Авионите во следните три до четири дена ќе бидат вклучени во операциите и се очекува дека значително ќе ја изменат моменталната незавидна за ирачката армија ситуација на теренот, рекол портпаролот на ирачкото министерство. Багдад во четвртокот објави дека ќе купи десетина борбени авиони од Русија во вредност од над 500 милиони американски долари.

Заменикот на рускиот министер за надворешни работи Сергеј Рјабков во саботата во сириската престолнина Дамаск изјави дека Русија нема „со скрстени раце“ да ја следи офанзивата на џихадистите во Ирак, непрецизирајќи како точни има намера да помогне на ирачката влада. „

„Ситуацијата е многу опасна и се заканува на темелите на ирачката држава“, изјави Рјабков инсистирајќи дека сепак решението на кризата, како во Сирија, така и во Ирак, може да ,го овозможи само „вистинскиот национален дијалог“, пренесе РИА Новости.

Борците на радикалните сунитски сили составени од локалните племенски милиции и групите на поранешните офицери на ирачкиот диктатор Садам Хусеин, задно со џихадистите од Исламската држава во Ирак и на Левантот (ISIL) во првата седмица од јуни започнаа голема офанзива во којшто заземаа големи делови од северен и западен Ирак, начекувајќи ја ирачката армија целосно неподготвена чии припадници пред ги напуштаа позициите пред налетот на бунтовниците. Во меѓувреме владините сили успеаја да ја повратат контролата врз некои области.

Државните медиуми во Багдад јавија дека ирачката армија од саботата покренала голема офанзива против ISIL чија цел е целосно ослободување на градот Тикрит, како и на вториот по големина град во земјата Мосул.

Британскиот сервис BBC пренесува дека владините сили поради жестоките судири морале во меѓувреме да се повлечат во Дијула, 25 километри јужно од Тикрит. Приодот кон градот го отежнуваат големиот број нагазни мини, но според очевидци безбедносните сили продолжуваат со гранатирањето на бунтовничките позиции.

Заменикот началник на Генералштабот на армијата на Иран Масуд Џазајери, за телевизијата al-Alam дал сигнали дека Техеран е подготвен да му помогне на Багдад со преземање поголема улога во борбите против сунитските радикали. Во телевизиската изјава рекол дека иранскиот одговор на ISIL ќе биде „одреден и сериозен“, пренесува Reuters.

„Иран им соопшти на ирачките функционер дека е подготвен да им пружи (…) истата победничка стратегија користена во Сирија против терористите. Со Сирија, исто така, објавивме дека нема да им дозволиме на терористите коишто ги најмија странските разузнавачки служби да владеат и да управуваат со сирискиот народ. Ист пристап ќе имаме и со Ирак“, истакнал иранскиот генерал.

Шиитски Иран вложува многу во помошта на својот регионален сојузник, сирискиот претседател Башар ал-Асад, кој доаѓа од алавитската заедница која е огранок на шиитите во судирот кој како и во другите арапски земји пред три години започна како наводно политички бунт против децениските владетели, но набрзо прерасна во секташки судир кој според Дамаск го инспирираа и финансираа сунитските држави од арапскито свет и Турција.

Според генералот Џазајери, Иран би соработувал со Ирак во сферата на одбраната, безбедноста, пограничната контрола и утврдувањата. За да му помогне на Багдад, како што рекол генералот, Техеран ќе ја надгледува ситуацијата во регионот како што го правеше „во Сирија и во другите проблематични области во регионот“.

Брзото напредување на радикалните исламистички групи коишто успеаја да завладеат гранични премини кон Сирија, каде што исто така контролираат територии во нивните настојување да го обноват средновековниот калифат кој се протега од Ирак преку Сирија до медитеранскиот брег на Либан, силно ја загрижи меѓународната заедница. Според процените на Обединетите нации во досегашните судири во јуни се убиени повеќе од илјада луѓе, повеќето припадници на шиитскот малцинство и припадници на безбедносните сили кои се масовно егзекутирани од страна на џихадистите на териториите кои ги освојуваат. /крај/мф/сн

Извор: Макфакс