– Шефот на иранската дипломатија М.Џ. Зариф (л) во разговор со кувајтскиот емир Шеик Сабах ал-ахмад ал-Сабах

Иранскиот министер за надворешни работи ги повика во неделата арапските земји од Персискиот залив да му се придружат на Техеран во војната против екстремизмот на Блискиот исток говорејќи во Кувајт каде што ја започна својата мисија на приближување кон арапските сунитски земји, кои со недоверба гледаат на враќањето на шиитски Иран на меѓународната политичка сцена по склучувањето на историскиот договор со шесте светски сили за неговата нуклеарна програма.

Иранскиот министер за надворешни работи ги повика во неделата арапските земји од Персискиот залив да му се придружат на Техеран во војната против екстремизмот на Блискиот исток говорејќи во Кувајт каде што ја започна својата мисија на приближување кон арапските сунитски земји, кои со недоверба гледаат на враќањето на шиитски Иран на меѓународната политичка сцена по склучувањето на историскиот договор со шесте светски сили за неговата нуклеарна програма.

„Заканата за некоја земја воедно е и закана за сите… Ниедна земја не може самата да ги реши регионалните проблеми без помошта на другите“, изјави шефот на иранската дипломатија Мохамад Џавад Зариф на прес-конференцијата во Кувајт, првата од трите арапски држави кои ќе ги посети.

Повеќето земји од Персискиот залив стравување дека нуклеарниот договор склучен на 14-ти јули меѓу Иран и САД, Русија, Кина, Велика Британија, Франција и Германија, ќе го забрза попуштањето на односите меѓу Техеран и Вашингтон, и ќе ги ослабе традиционалните добрите американски односи со арапските земји во регионот.

Зариф во неделата го посети Кувајт, а ќе продолжи во Катар и во Ирак. Целта на мисијата е „да се јакнат врските и да се развива соработката на сите полиња“ со иранските соседи, изјави заменикот на Зариф, Хосеин Амир-Абдолахиан за иранската државана телевизија. Додаде дека „Борбата против екстремизмот и насилствата, како и јакнењето на регионалните врски се темелно потребни за одржлив развој и безбедност во регионот“.

Повеќето арапски земји во Персискиот залив, во кои доминира сунитскиот ислам, одамна до обвинуваат Иран дека се меша во арапските прашање, финансирајќи ги и вооружувајќи ги политичките шиитски движења во регионот, како во Бахреин, Јемен и Либан.

Шиитскиот Иран обвиненијата ги отфрла и тврди дека нуклеарниот договор нема да ја промени неговата политика во регионот. Со историскиот договор, Техеран се обврза да ја ограничи својата нуклеарна програма во замена за укинување на дванаесетгодишните меѓународни санкции, со што всушност се враќа на политичката сцена како важен чинител како што беше со години претходно.

Пред посетата, Зариф објави дека Техеран ќе продолжи да ги помага своите сојузници, Сирија и Ирак, во борбата против Исламската држава.

„Да не беше Иран, Ербил и Багдад веќе ќе беа во рацете на такфирите од ДАЕШ (погрден назив и арапска кратенка за Исламската држава). Како што ги браневме Дахук, Ербил и Силејманија (градови во Ирачки Курдистан), така ќе ја браниме секоја земја во регионот којашто ќе биде жртва на напад, изјави во неделата иранскиот претседател Хасан Роухани во неговото обраќање во јавноста.

Кралството Бахреин, мнозинско сунитско, објави во саботата дека спречило криумчарење на иранско оружје во својата земја и најави дека поради тоа ќе го повлече својот амбасадор од Техеран./крај/мф/сн

Извор: Reuters