Доколку не биде постигнат политички договор до неделата навечер, Иран има намера да ги продолжи нуклеарните преговори за уште шест до дванаесет месеци со прецизни услови за продолжување на привремената спогодба од Женева од ноември 2013 година, изјави извор од иранската преговарачка делегација во австриската престолнина Виена.
 

Доколку не биде постигнат политички договор до неделата навечер, Иран има намера да ги продолжи нуклеарните преговори за уште шест до дванаесет месеци со прецизни услови за продолжување на привремената спогодба од Женева од ноември 2013 година, изјави извор од иранската преговарачка делегација во австриската престолнина Виена.

„Се’ уште сме концентрирани на постигнување на политичкиот договор до ноќва, што би овозможило да се работи на деталите и анексите, доколку до денес попладне или навечер не успееме, решението е да се размисли за продолжување на привремениот договор од Женева. Тоа може да биде во траење од шест месеци или една година“, изјавил неименуваниот ирански дипломат.

Привремениот договор од 23-ти ноември 2013 година постигнат во Женева предвидува замрзнување на дел од нуклеарните активности на Иран, и за возврат делумно укинување на меѓународните санкции, на начин да се понуди рамка погодна за преговорите. Заклучен на период од шест месеци, со стапување на примената во јануари 2014 година, беше продолжен за четири месеци во јули годинава за на Иран и на шесте големи светски сили им се овозможи постигнување сеопфатен договор до 24-ти ноември.

Меѓутоа, по пет дена интензивни преговарања во Виена, Иран и ткн група „пет плус седен“ (петте постојани членки на Советот за безбедност на ОН – САД, Русија, Кина, Велика Британија, Франција плус Германија), се согласни во признанието дека и натаму постојат „значителни разлики“ што го прави безнадежен целосниот договор во предвидениот рок, како и несигурен начелниот договор.

Западот го обвинува Техеран дека под изговорот на нуклеарната програма, особено збогатувањето ураниум до 20 отсто, развива атомско вооружување, додека иранската страна упорно тврди дека нуклеарната програма е нејзино суверено право и дека таа има само цивилни намени, во добивањето електрична енергија и во медицинските истражувања.

Доколку не биде постигнат напредок, „апсолутно треба да се избегне атмосферата на судир со ескалација на двете страни. На пример, на новите санкции да се одговори со развој на нуклеарната програма. Тоа треба да се избегне“, додал иранскиот извор.

„Повеќе ни се допаѓа општото политичко согласување, но доколку во тоа не успееме, продолжувањето на договорот од Женева ќе биде најмалото зло“, истакнал, кого го цитира француската новинска агенција AFP.

„Друг ирански извор од делегацијата во Виена за британската агенција Reuters оценува дека е „невозможно“ до неделата навечер да се постигне договорот.

Американскиот државен секретар Џон Кери остана во Виена за во неделата да ги продолжи разговорите со иранскиот министер за надворешни работи Махмуд Џавад Зариф.

Руската новинска агенција ТАСС пренесе дека на преговорите во недела навечер ќе им се придружи и шефот на руската дипломатија, Сергеј Лавров./крај/мф/сн

Извор: Макфакс