Џихадистите од Исламската држава (IS) го заземале во петокот штабот на курдските бранители на сирискиот град Кобане (Ајин ал-Араб, на арапски јазик), и имаат под контрола најмалку 40 отсто од овој град кој е во непосредна близина на границата со Турција и има големо стратешко значење.

Три седмици по почетокот на офанзивата од 16-ти септември на Исламската држава овој трет по големина курдски град во северна Сирија, џихадистите на северниот раб на Кобане од турската граница оддалечен само километар, а нивното напредување не успеаја да го сопрат, па ниту особено да го попречат воздушните напади од страна на коалицијата предводена од САД. Американската армија соопшти во петокот дека изминатите два дена извеле девет воздушни удари во Сирија, од кои седум врз позициите на џихадистите кај Кобане, два на полигони за обука, два врз помали единици на Исламската држава, два врз возила и еден тенк, и еден напад североисточно од градот.„Ја преземаа контролата над ‘безбедносниот квадрант’ во кој е воениот комплекс на Единиците за заштита на народот (YPG, главната курдска воена формација во Сирија), седиштето на локалната самоуправа и база на Асајехите (курдска милиција во Сирија)“, соопшти опозициската Сириска опсерваторија за човекови права (SOHR) чие седиште е во Лондон, а информациите ги добива од извори во сириската сунитска вооружена опозиција, од болнички извори и од мрежата свои активисти на теренот.Информацијата за тоа дека под контрола на џихадистите се 40 отсто од Кобане во Лондон ја изнесе и заменикот на американскиот советник за национална безбедност, Тони Блинкен, пренесуваат агенциите.„Не знам што ќе се случи, бидејќи таму нема копнени сили, а само со воздушни удари ќе биде тешко да се спречи Исламската држава евентуално да го заземе градот“, рекол Блинкен во изјава за медиумите и додал дека „во Ирак секој ден има уште Кобане-а, а ги има и во Сирија“.Џихадистите го напаѓаат Кобане од три страни, а последните денови применуваат тактика за да ги збунат коалициските авиони, и не се движат во конвои, муницијата ја префрлуваат со мотоцикли и користат цивилни возила на коишто ставаат курдски знамиња.Специјалниот пратеник на Обединетите нации за Сирија, Стефан Де Мистура во Женева ја повика Турција да „им дозволи на доброволците влегувањето во градот за да им се приклучат на бранителите“, бидејќи Анкара засега не им дозволува на бегалците од Сирија коишто се на нејзина територија да се вратат преку границата. Де Мистура, кој изрази стравувањето дека во Кобане ќе се случи масакр сличен на оној во Сребреница, укажа на фактот дека Исламската држава, доколку го заземе градот, ќе има под своја контрола повеќе од 400 од вкупно 900 километри од границата меѓу Турција и Сирија.Сириските Курди, пак, од Турција бараат само да ја отвори границата за да им се достави оружје, бидејќи она со коешто располагаат во Кобане е премалку и преслабо за сериозен отпор на побројните и потешко вооружени џихадисти.Турција е и под притисок на САД, кои бараат од Анкара поактивно да се вклучи во борбата против Исламската држава, па се согласи да го поддржи обучувањето и опремувањето на припадниците на вооружената сириска опозиција којашто ја поддржува Западот во борбата против силите на владата на претседателот Башар ал-Асад кој турската држава за тоа ја обвинува уште од март 2011 година кога почна бунтот за негово соборување од власта. Претходно во петокот американскиот Стејт департмент соопшти дека следната седмица тим од американски воени експерти ќе допатува во Анкара за таа обука што побрзо да биде разработена.„Турција се согласи да даде поддршка на напорите за обука и опремување на умерената сириска опозиција“, изјави портпаролката на американската дипломатија Мари Харф, појаснувајќи дека следната седмица во Турција ќе отпатуваат два високи функционери на американското министерство за одбрана./крај/мф/сн

Извор: Макфакс