Џихадистичката рупа Исламска држава во Ирак и на Левантот (ISIL), којашто претходните месеци зазема територии од Ирак и од Сирија, во саботата го објави создавањето на исламски калифат и ги повика џихадистите од целиот свет да ѝ се заколнат на верност, објави американската мрежа за следење на исламистичките интернет ресурси SITE.

Еден од претставниците на SITE за Reuters изјави дека групацијата којашто претходно се именуваше како Исламска држава во Ирак и на Левантот (ISIL) го сменила името во Исламска држава (Islamic State).Абу Мохамад ал-Аднани, кој истапува како портпарол на ISIL, во своето обраќање поставено на мрежата за размена на видеоматеријали YouTube, првпат го спомена полното име на калифот Абдалах Ибрахим Ауад ал-Самраи.Инаку и од претходно беше позната намерата на Исламската држава во Ирак и на Левантот (ISIL) да го обнови средновековниот сунитски калифат кој опфаќа територии од медитеранскиот брег на Либан преку Сирија до ирачката планина Загрос. Така што овој потег сека укажува на сѐ посилните амбиции на групата да води глобална света војна и претставува закана за централното водство на глобалната терористичка мрежа Ал Каеда којашто претходно се одрече од ISIL поради нејзината преголема радикалност. Според други исламистички страници, Абу Мохамад ал-Аднани всушност соопштил дека за калиф или „шеф на исламската држава“ е избран Абу Бабр ал-Багдади. „Тој е имам и калиф на сите муслимани“, изјавил ал-Аднани во снимената изјава на арапски и преведена на неколку јазици. Ал-Багдади, инаку, го опишуваат како „вистинскиот наследник на Осама бин Ладен“, го нарекуваат уште и „невидливиот шеик“ поради способноста да се маскира и да ги прикрие своите траги.„Согласно тоа, ‘Ирак и Шам’ (Левантот односно Медитеранот) во името на Исламската држава е отстрането од сите официјални соопштенија, Исламска држава е службеното име од денот на овој проглас“, додал ал-Аднани во изјавата.„Задачата на сите муслимани е да бидат верни и да го поддржат… Законитоста на сите емирати, рупи, држави и организации станува ништовна во однос на ширењето на власта на калифатот и доаѓањето на неговите борци на нивните подрачја“, се наведува уште во објавата на Исламската држава.Ал-Аднани бара од приврзаниците во целиот свет со „куршуми да ги пронижат“ главите на оние коишто се осмелуваат да направат раскол во калифатот. Чарлс Листер од центарот Брукингс во Доха овој потег го смета за многу значаен. „Што и мисли некој за неговиот легитимитет, овој проглас за повторното воспоставување на калифатот веројатно е најважниот настан во меѓународниот џихадизам од (терористичките напади врз САД на) 11-ти септември (2001 година)“, смета Листер.„Влијанието ќе биде глобално, бидејќи фракциите на Ал Каеда и независните џихадистички групи сега мораат дефинитивно да се решат дали ќе ѝ се приклучат на Исламската држава или ќе ѝ се спротистават“, додава Листер во изјавата за Reuters.Џихадистичката сунитска група ISIL којашто во изминатиот период се бореше во Сирија од почетокот на јуни презема офанзива во соседен Ирак каде што ѝ се потчинија, како и на сириското боиште локалните племенски сунитски групи, како и бунтовничките сунитски милиции кои ги предводат поранешни офицери во армијата на соборениот ирачки диктатор Садам Хусеин, освојувајќи големи области во северните и западните региони на Ирак.Ирачките власти коишто ги предводи премиерот Нури ал-Малики, кој потекнува од шиитското мнозинство, како и сириската влада на претседателот Башар ал-Асад кој потекнува од алавитската заедница, огранок на шиитите, со поддршката на шиитскиот Иран се обидуваат да го сопрат напредувањето на ISIL кој има цел да заземе огромна територија богата со нафтени наоѓалишта. Изминатите три седмици, џихадистите успеаја да заземат неколку ирачки градови, меѓу кои е и вториот по големина Мосул и да се заканат на главниот град Багдад, како и стратешки граничните премини кон Сирија и кон Јордан.САД, коишто инаку го обвинуваат ирачкиот премиер ал-Малики дека ги запоставил сунитите во извршната власт, што според Вашингтон придонело за нивното приклучување кон бунтот воден од ISIL и повикуваат на формирање поскоро влада во којашто се застапени сите зедници, исто така се вклучија во запирањето на џихадистичката закана, испраќајќи во Ирак 300 воени експерти предводени од генерал кои треба им помогнат на владините сили да го спречат напредувањето на бунтовнциите.Откако на почетокот на бунтот ирачките безбедносни сили едноставно се распаднаа, по повикот на шиитските верски лидери и масовното пријавување на шиитски доброволци, забележа напредување на теренот и поврати дел од териториите, но сѐ уште нема моќ да ги поврати стратешките области. Багдад во неделата соопшти дека веќе ги добил од Русија првите пет борбени авиони „Сухој Су-25“ од вкупно десетина за 500 милиони долари, со кои верува дека ќе може значително да ја измени ситуацијата во своја полза./крај/мф/сн

Извор: Макфакс