Еден од ветераните на ултрарадикалната сунитска организација Исламска држава, борбен командант и истовремено портпарол на џихадистите, Абу Мухамад ал-Аднани, е убиен во Алепо на северот од Сирија, извести во вторникот новинската агенција Amaq којашто се смета за блиска на оваа групација.
 

Еден од ветераните на ултрарадикалната сунитска организација Исламска држава, борбен командант и истовремено портпарол на џихадистите, Абу Мухамад ал-Аднани, е убиен во Алепо на северот од Сирија, извести во вторникот новинската агенција Amaq којашто се смета за блиска на оваа групација.

Организацијата SITE Intelligence Group, којашто ги следи интернет активностите на радикалните групации, објави дека агенцијата поврзана со џихадистит ја објавило информацијата за загинувањето на ал-Аднани во вторникот вечерта.

Агенцијата Amaq јавила, како што пренесува Reuters, дека Абу Мухамад ал-Аднанi бил убиен „додека бил во инспекција на воените операции во Алепо“ на северот од Сирија. Исламската држава има територии под своја контрола во оваа покраина, но не и во истоимениот град во чии две населби доминира другата џихадистичка група Џебхат ан-Нусра, сириското крило на Ал Каеда, и другите бунтовнички групи.

За смртта на ал-Аднани во вторникот јавува и панарапскиот сателитски канал Al Jazeera. Вo извештајот се забележува дека не се наведуваат околностите во кои го загубил животот, како и кога точно се случило тоа.

Од американското министерство за одбрана изјавиле за агенцијата ТАСС дека се запознаени со медиумските извештаи, но засега ќе се воздржи од коментари во врска со информацијата за загинувањето на Абу Мухамад ал-Аднани. „Ги видовме извештаи, но немаме ништо повеќе по ова прашање“, изјавил соговорник од Пентагон за агенцијата.

Ал-Аднани во медиумите фигурираше ако „официјален гласноговорник“ на Исламската држава, кој неодамна во едно видео поставено на екстремистичките интернет страници повикувана џихадистички напади врз арапски и особено западни цели. Се сметаше за втор човек во хиерархијата на џихадистичката организација по Абу Бакр ал-Багдади.

Претходно британскиот весник The Sunday Тimes, повикувајќи се на високи претставници на западните разузнавачки служби објави дека ал-Аднани, кој е ставен на списокот на САД со најбараните меѓународни терористи и имал борбено искуство уште од периодот на војната во Ирак, бил одговорен за терористичките џихадистичи ќелии во најмалку пет земји, и тоа Франција, Велика Британија, Германија, Италија и Белгија.

Вистинското име на овој џихадист е Суб(х)и Фала(х)а. Според повеќе извори, тој е роден во сирискиот град Идлиб во доцните 1970-ти години. Првично тој им изразил лојалност на Абу Мусаб ал-Зарлави, водачот на групацијата Џамаат ат-Тавхид ал-џихад, коа се смета за една од блискоисточните ќелии на Ал Каеда во Ирак. Во 2005 година тој бил затворен, и минал шест години. На верност кон ал-Багдади се заколнал откако излегол во затвор во текот на ткн Арапска пролет во 2011 година.

Ликвидацијата на ал-Аднани и прва значајна загуба во хиерархијата на Исламската држава, откако во март годинава беше убиен Чеченецот Абу Омарал-Шишани, дотогаш еден од највисоко позиционираните команданти на џихадистичката групација./крај/мф/сн

Извор: Макфакс