Израел во вторникот ги демантираше информации според кои оваа земја ги шпионирала преговорите меѓу Иран, САД и петте светски сили со цел да ја поткопа можноста за постигнување договор за иранската нуклеарна програма како што објави претходно во вторникот американскиот дневен весник The Wall Street Journal.

Неколку израелски функционери изјавиле дека Израел не го шпионирал својот голем сојузник Соединетите држави, како и дека веќе долг период ја почитува таа забрана. Се алудира, како што пишува The Wall Street Journal, на потезите на Израел кон Вашингтон, по аферата со Џонатан Полард кој во 1987 година е осуден на доживотен затвор во САД бидејќи шпионирал за Израел.

„Можам само да кажам дека Израел не ги шпионираат САД“, изјави за израелското државно радио Јувал Штајниц, министер за разузнавачките служби во владата на заминување на Бенјамин Нетанјаху и близок премиер на израелскиот премиер.

Аналитичарите сметаат дека на некои можеби им е во интерес да долеат масло на огнот, имајќи предлог дека американско-изралеските односи минуваат низ највжештената фаза откако Нетанјаху беше поканет за говори, во кој го критикуваше можниот договор со Иран, во американскиот Конгрес нецели две седмици пред израелските парламентарни избори што заобиколената Бела куќа го оцени за воведување на партизам во американската надворешна политика од страна на републиканците.

„Сите коишто објавуваат такви лажни информации очигледно сакаат да привлечат внимание на извонредната соработка меѓу израелските и американските тајни служи. Ќе ја продолжиме соработката и покрај длабоките несогласувања за лошиот договор (со Иран –з.р.) на кој во моментов се работи“, додаде Штајниц кој во вторникот престојуваше во Париз каде што со француските високи претставници разговара за иранската нуклеарна програма.

Претходно од Тел Авив како „спротивно на вистината“ министерот за надворешни работи Авигдор Либерман го карактеризираше пишувањето на The Wall Street Journal дека Израел ги шпионирал преговорите меѓу Иран и шесте светски сили, петте постојани членки на Советот за безбедност на ОН, САД, Русија, Кина, Велика Британија, Франција плус Германија, чија последна фаза се одвива во швајцарскиот град Лозана.

Според американскиот дневен весник, кој цитира неименувани американски функционери, израелската шпионска операција се состоела во инфилтрирање во дебатите и составување досие за да се спречи прифаќањето на условите од договорот уште во текот на преговорите. Израел, така, успеал да дојде до информации од доверливите американски брифинзи и дипломатски контакти во Европа.

Белата куќа повеќе од шпионажата ја иритирал фактот дека Израел ги споделувал тие доверливи информации со американски пратеници за да ја спречи поддршката за договорот за иранската нуклеарна програма на којашто се спротиставуваат најголемиот број републиканци во Конгресот и во Сенатот, но и некои демократи.

„Една е работата САД и Израел меѓусебно да се шпионираат. Друга е, пак, кога Израел ќе тргне да краде тајни од САД и да им ги дава на преслушување на американските пратеници, за да ја поткопаат американската дипломатија“, пишува The Wall Street Journal цитирајќи висок американски функционер./крај/мф/сн

Извор: Макфакс