Кревкото примирје меѓу Израел и палестинското исламистичко движење Хамас беше нарушено во понеделникот со спорадични судири во Појасот Газа, првиот ден од муслиманскиот празник Рамазан Бајрам, и покрај повиците на ОН и САД на трајно примирје, додека попладнето во гранатирање на приморски бегалски оган и игралиште и болница загинаа најмалку дванаесет луѓе од кои десет се деца според палестински болнички извори.

Израелската армија соопшти дека врз најголемата болница во палестинската енклава Појасот Газа „Шифа“ и приморскиот бегалски камп ал-Шати паднале ракети истрелани од милитантите на Хамас, кои не успеале да долетаат до своите цели на територијата на Израел.Според првичните информации, гранатирањето на болницата „Шифа“ минало без жртви. Во ал-Шате, пак загинале десет деца а 50 локални жители биле ранети, соопштија претставници на локалните медицински служби. Министерството за внатрешни работи на Газа која е под контрола на Хамас, пак, ги обвинува израелските власти за обид да ја тргнат од себе вината за смртоносното гранатирање. „Нашата полиција е во посед на фрагменти од ракети кои биле истрелани врз споменатите места“, изјавиле од палестинската страна, пренесе РИА Новости.Израелското бомбардирање покосило рупа деца кои си играле на игралиште во бегалскиот камп ал-Шати, на плажата, изјавил за AFP лекар од болницата „Шифа“ каде што биле пренесени телата. По мирната ноќ, милитантите од Газа во понеделникот наутро истрелале ракета врз израелскиот град Ашкелон. Израелската армија соопшти дека возвратила гаѓајќи два ракетни фрлача и работилница за производство за оружје. Спорадични престрелки се регистрирани и во други делови од енклавата.Израелскиот премиер Бенјамин Нетанјаху изјави во понеделникот дека декларацијата на Советот за безбедност при Обединетите нации не одговараат на „безбедносните потреби“ на Израел, се наведува во соопштението на неговиот кабинет, пренесува Reuters. „Таа изјава не одговара на безбедносните проблеми на Израел, во прв ред кога станува збор за демилитаризацијата на Појасот Газа“, истакнал Нетанјаху. Советот за безбедност при ОН ноќта кој понеделникот донесе едногласна изјава во која се повикува на „моментално и безусловно хуманитарно примирје“ во Газа. Петнаесетте земји кои итно се состанаа во седиштето на светската организација во Њујорк изразуваат во споменатата заедничка изјава „силна поддршка (…) на моменталното и безусловно примирје за што побрзо да се достави потребната помош“. Генералниот секретар на ОН, Бан Ки-мун изјави во понеделникот дека завојуваните страни во Газа „изразиле сериозен интерес“ за неговото барање за 24-часовно продолжување на хуманитарното примирје, но дека „сѐ уште не се договориле кога тоа ќе стапи на сила“. „Генералниот секретар ги повика страните да го продолжат хуманитарното примирје во Газа и повторно упати барање за траен прекин на огнот кој би можел да ги удри темелите за почеток на сеопфатни преговори“, се вели во писмената изјава на портпаролот на челникот на ОН.,Претседателот на Палестинската самоуправа Махмуд Абаза во понеделникот ја подготвуваше делегацијата во која ќе бидат и претставници на исламистичкото движење Хамас и на радикалната групација Исламски џихад, за преговорите за примирјето во Појасот Газа кои ќе се одржат во Каиро, изјави во понеделникот за AFP неименуван висок функционер во Рамала.Според овој извор, Абаз „ќе ја состави палестинската делегација во којашто ќе бидат и претставници на Хамас и на Исламскиот џихад, кои ќе го посетат Египет, каде што ќе се сретнат со египетските челници  и ќе разговараат за прекинот на израелската агресија врз Газа“. „Целта е да се разговара со египетските челници како да се исполнат палестинските барања, да се сопре агресијата и да се заштитат Палестинците“, изјавил анонимниот соговорник на агенцијата кој не сакал да го открие терминот во кој ќе се оствари посетата на палестинската делегација на Египет./крај/мф/сн

Извор: Макфакс