Израел и Турција постигнале прелиминарен договор за нормализација на односите, вклучително и враќањето на амбасадорите во двете земји, изјавил за Reuters во четвртокот неименуван израелски функционер.

Договорот наводно е постигнат при неодамнешниот состанок во Швајцарија меѓу новиот челник на израелската разузнавачка служба Мосад, Јоси Коен, израелскиот амбасадор Јосеф Чоешановер и турскиот државен секретар во министерството за надворешни работи Ферудин Синирлиоглу, рекол функционерот кој говорел под услови на анонимност. Портпаролот на израелскиот премиер Бенјамин Нетанјаху одбил да ги коментира наводите, додека турски функционер потврдувил дека се водени разговори, но демантирал дека е постигнат договор, додавајќи дека напорите на нормализацијата на односите продолжуваат.Според наводниот прелиминарен договор, Израел ќе формира компензациски фонд за да се намалат последиците од загинувањето на десетте турски државјани кои на бродот „Мармармарис“ се обидоа да ја пробијат израелската блокада на Појасот Газа во рамките на хуманитарната Флотила на слободата, кои настрадаат во судир со израелските командоси кои се качија на бродот во обид да го пренасочат неговото пловење. Израел досега јавно одбиваше да исплати оштетат, како што Турција сега одбива да исплати отштета за соборувањето на рускиот бомбардер над Сирија. Доколку Израел го формира фондот, Турција веднаш би ги отфрлила сите обвиненија против него.Од друга страна, израелскиот портал Ynetnews пишува дека услов е и во Турција да му биде забранет влезот на високиот член на палестинското исламистичко движење Хамас, Салех ал-Арури. Некогаш силното израелско-турско сојузништво постапно беше загрозувано од доаѓањето на власт на исламистичката конзервативна Партија на правдата и развојот (AKP) на сегашниот претседател Реџеп Тајип Ердоган од 2002 година, достигнувајќи го најниското ниво вовреме на инцидентот со бродот во 2010 година. Напорите за помирување на двете земји, вклучително и телефонскиот разговор меѓу Ердоган и Нетанјаху во 2013 година, на кој посредуваше американскиот претседател Барак Обама, допрва треба да доведат до конечен договор за обновувањето на целосните дипломатски односи.Соработката меѓу Израел и Турција, којашто граничи со Сирија, Ирак и Иран, долго беше клучниот елемент на американската политика на Блискиот исток. Со појавувањето на џихадистичката Исламската држава и компликуваните односи со Иран, овие односи одново имаат голема важност за Вашингтон, кој се смета всушност на изворот на ваквите  зачестени наводи околу израелско-труските односи во последните денови, по тензиите меѓу Русија и Турција поради уривањето на рускито авион.Имено, како и што тврдел за Reuters соговорникот, токму поради нарушените руско-турски односи, Анкара изразила нов интерес за природниот гас од Израел. Наводно, според договорот постигнат во Швајцарија, двете земји треба да отворат разговори за можноста за изградба на гасовод преку кој Турција би се снабдувала со гас. Меѓутоа, коментаторите велат дека тоа е во перспектива, а на Анкара гасот ѝ е потребен што поскоро и многу./крај/мф/сн

Извор: Макфакс