Необјавените податоци од ткн „црни кутии“, кои ги снимаат разговорите во пилотската кабина и техничките податоци за летот, од малезискиот патнички авион кој на 17-ти јули се урна над источна Украина, не и’ противречат на информацијата дека леталото било оштетено од многубројни шрапнели од ракета што експлодирала, пренесе американската телевизиска мрежа CBS, a истовремено малезиската влада објави дека постигнала договор со бунтовниците за непречена истрага на местото на несреќата.
 

Необјавените податоци од ткн „црни кутии“, кои ги снимаат разговорите во пилотската кабина и техничките податоци за летот, од малезискиот патнички авион кој на 17-ти јули се урна над источна Украина, не и’ противречат на информацијата дека леталото било оштетено од многубројни шрапнели од ракета што експлодирала, пренесе американската телевизиска мрежа CBS, a истовремено малезиската влада објави дека постигнала договор со бунтовниците за непречена истрага на местото на несреќата.

„Таа (ракетата) го направила тоа што требала да го стори – да го урне авионот“, изјави за телевизијата избор близок на истрагата. Појаснува дека податоците од „црните кутии“ потврдуваат дека имало „декомпресија како резултат од можна експлозија“.

Додава и дека доколку тимот од меѓународните истражители и припадниците на украинските безбедносни сили успеат да дојдат до местото Габрово, тоа ќе претставува големо олеснување на иследниците кои веќе се наоѓаат на местото на трагедијата.

Засега една помалата група холандски, австралиски и малезиски иследници на местото на несреќата изминатите неколку денови соопшти дека има многу повеќе работа за да се најдат цврсти докази за причината за несреќата, се додава во извештајот.

Тие, исто така, сé уште на теренот наидуваат на потресни сцени. „Лични предмети, пасоши, кредитни картички и слично. Холанѓаните само документираа некои многу мали човечки останки во таа област“, изјави Мајкл Боркјуркив, портпарол на специјалната набљудувачка мисија на Организацијата за безбедност и соработка во Европа (ОБСЕ) во Украина.

Во извештајот CBS наведува дека сé уште стотина патници се водат за исчезнати. Односно од вкупно 298-те патници на летото МН 17 од Амстредам за Куала Лумпур на малезискиот авион кој се урна 60-ина километри од руската граница во областа на Донецк, контролирана од проруските бунтовници, во Ајндховен пристигнаа 227 ковчези со останки. Претставник на холандскиот истражен тим изјави дека тие ќе се концентрираат на пронаоѓање на останките кои недостигаат на листата на патници, но дека систематското чешлање на областа на трагедијата ќе биде многу сложено, уште повеќе поради неизвесната безбедносна ситуација во областа.

Репортерот на телевизијата го поставува прашањето кој е виновен за таквата ситуација на теренот, и дава одговор дека во споменатата област централната власт во Киев нема никаква контрола. Но, исто така, истакнува дека бунтовниците кои го контролирале блиското село, со денови наназад не се појавиле на местото на несреќата, а борбите што се засилуваат меѓу украинските сили и бунтовниците го затвораат просторот и оневозможуваат да се дојде до местото на несреќата и да се соберат доказите.

Од друга страна, малезискиот премиер Наџиб Разак во неделата објави дека е постигнат договор со проруските бунтовници во источна Украина на меѓународната полициска истрага да и’ се овозможи пристап до местото на падот на малезискиот „Boeing 777“ за да можат истражителите да ги утврдат точните причини за несреќата.

Договорот е постигнат со водачот на бунтовниците од самопрогласената Народна Република Донецк, Александар Бородај, се наведува во соопштението на премиерот Разак, „што ќе овозможи да се заштитат меѓународните иследници“. „Се надевам дека договорот со Бородај ќе овозможи безбедност на теренот, за да можат меѓународните истражители да ја вршат својата работа“, се истакнува во соопштението на малезискиот премиер што го цитира Reuters./крај/мф/сн

Извор: Макфакс