Во неделата повеќе од 106 милиони Јапонци може да излезат на избирачките места за изборите на половината од сенаторите, а победата на Либералните демократи коишто ги води премиерот Шинзо Абе треба да овозможи владата да распише референдум за измени на уставот.

Ова е првпат на избирачките места да излегуваат и младите на 18 и 19 години, идејќи со новиот закон возрасната граница за гласачкото право е спуштена од досегашните 20 години.

Либералните демократи и нивниот коалициски партнер Комеито, како и блиските партии, се надеваат дека ќе освојат две третини од мандатите во Сенатот.

На премиерот Шинзо Абе ќе му бидат потребни поддршките од две третини на пратениците во двата дома од парламентот за да може да распише национален референдум за измени на уставот. Владејачката коалиција веќе има мнозинство во Претставничкиот дом, влијателниот долен дом на јапонскиот парламент.

И покрај неуспехот на владата да го обнови економскиот раст, анкетите предвидуваат дека владејачката коалиција ќе освои 61 сенатор од 121 колку што се избираат сега во горниот дома, а за опозициската Демократска партија, од левиот центар, се предвидуваат 30 места.

Секоја трета година јапонскиот горен дом на парламентот одржува избори за половината од своите вкупно 242 сенатори, а оваа година за 121 место се кандидираат 389 кандидати.

Националистот Абе, кој е на власт од 2012 година, уште не успеа да ја закрепне третата според обемот светка економија, и покрај спроведените мерки, но неговата партија којашто речиси непрекинато владее од 1955 година, не стравува заедно со центристичката коалиција дека може да им се спротистави разединетата опозиција.

Водечката опозициска Демократска партија не успева да зајакне откако владееше од 2009 до 2012 година, во тешкиот период кој го карактеризираа катастрофалните цунами и земјотрес од март 2011 година, кои предизвикаа и нуклеарна катастрофа на централата Фукушима.

Абе, кој беше премиер и во периодот 2006/2007 година, се врати по пет години па политичката сцена и по падот на владата на левиот центар вети запирање на дефлацијата како и зајакнување на одбраната и на традиционалните вредности, а неговата цел е да го промени уставот на Јапонија, кој се темели на пацифизам.

Доколку успее да освои мнозинство и во Сенатот, Абе ќе може да распише референдум да го измени уставот речиси по 70 години,Коментаторите, меѓутоа, оценуваат дека тој веројатно нема веднаш да се впушти во измена на членот 9 кој пропишува дека земјата „засекогаш“ се одрекува од војна, туку ќе тргне со полесни амандмани за да го урне табуто.

Пред 55 години со протести беше соборен токму дедото на сегашниот премиер Шинзо Абе, откако тогаш го парламентот го протурка американско-јапонскиот безбедносен пакт.

Во Јапонија на сила беше одредбата, усогласена по јапонската капитулација во Втората светска војна, според која на државата воената сила ѝ е дозволена само во случај на самоодбрана. Јапонија има добро опремени и обучени вооружени сили, но постојат строги рестрикции за нивно распоредување во странство. Според членот 9 (ткн „американски амандман“) од нејзиниот повоен Устав, Јапонија е блокирана да употреби воена сила во решавањето на меѓународните спорови, освен во самоодбрана.

Сега, долги години ограничените со својот ткн пацифистистички повоен Устав, јапонските вооружение сили во иднина ќе добијат проширен опсег на воени опции, иако се очекува дека владата најверојатно ќе остане многу внимателна за учеството во меѓународните операции, како што во 2003 година беше американската инвазија врз Ирак./крај/мф/сн

Извор: Макфакс