Бремена Шпанка којашто патувала во Колумбија е заразена со зика вирусот, објави во четвртокот шпанското министерство за здравство, и ова е првиот случај на заразена трудница во Европа.

Пациентката била прегледана во Каталонија откако се појавиле симптомите по патување во Колумбија, се наведува во соопштението на шпанското министерство за здравство. Таа била на списокот на седумте случаи во Шпанија, на лица кои биле во допир со вирусот патувајќи во регионите во кои има епидемија.

Шпанските здравствени власти додаваат дека жената е во втората третина од бременоста, како и дека нејзиниот случај не е тежок.

Вирусот се пренесува од човек на човек преку каснување на ткн тигрест комарец (Aedes Aegypti) и може да предизвика невролошки компликации. Симптомите се манифестираат 3 до 12 дена по каснувањето и се слични како кај грип, чикунгуне и денга треската: висока температура, конјунктивитис, главоболка, исфрлање на кожата, болки во зглобовите и мускулите.

За оваа болест нема лек ниту вакцина, туку само се ублажуваат симптомите. Со навремено обраќање на лекар лесно се избегнуваат натамошни компликации, меѓутоа претставува особена опасност за бремените жени, бидејќи може да предизвика спонтан абортус или да се пренесе на фетусот и да доведе до појава на микроцефалија (мали димензии на мозокот) кај детето. Поради тоа Свеската здравствена организација (СЗО – WHO) прогласи вонредна состојба на глобално јавноздравствен план.

Првите случаи се регистрирани кон крајот на декември на Мартиник, а во Латинска Америка се опфатени петнаесетина земји меѓу кои и Колумбија, која е втората тамошна земја најзафатена со епидемијата по Бразил, а е пријавени и во Салвадор, Гватемала, Француска Гвајана, Хондурас, Мартиник, Мексико, Панама, Порторико, Парагвај, Суринам и Венецуела.

Во Европа веќе се регистрирани повеќе од десет случаи, меѓу лица кои се вратиле од патувања во Латинска Америка, но досега немаше заразена бремена жена.

Седумте „увезени“ случаи се регистрирани во Шпанија, поради нејзините многу тесни врски со Латинска Америка. Министерството за здравство соопшти дека тие случаи не претставуваат опасност за натамошно ширење на вирусот, но најави покренување на протоколот за дејствување на национално ниво од 10-ти февруари.

Вирусот зика ги соочи многуте жени во конзервативно и изразено католички Бразил со дилемата за превентивен абортус или изложување на опасноста да родат дете со микроцефалија, доколку се заразат.

„Некои жени кои се заразиле со вирусот зика во текот на бременоста по каснување на тигреститот комарец веќе се одлучија за недозволен абортус“, вели Артур Тимерман, претседател на Бразилското здружение на заболените од маларија. Грипа активниси, адвокати и лекари покренаа правна битка со Врховниот суд да дозволи прекинување на бременоста во случаи на микроцефалија и во случаите кога трудниците се заразени со вирусот зика и не сакаат бременоста да ја изнесат до крајот. Оваа група во 2012 година ја доби битката која заврши со легализирање на абортусот во случаи на фетус без мозок.

Бразилскиот закон дозволуваше абортус само во случаи на силување и во услови на загрозеност на животот на мајката.

Со повеќе од 4094 случаи на деца родени со микроцелафија од ланскиот октомври и 3.670 случаи поврзани со вирусот зика, наспорит 147-те потврдени за целата 2014 година, Бразил е земјата којашто е најзафатена со вирусот и е во фокусот на вонредната состојба што ја прогласи СЗО.

Во СЗО сметаат дека врската меѓу вирусот зика и експлозијата на случаи на микроцефалија е „високо веројатна, иако не е научно потврдена“./крај/мф/сн

Извор: Reuters/AFP