Американскиот државен секретар Џон Кери во неделата повои дека нема да има никакво координирано договарање са официјален Дамаск за потенцијалните американски напади врз упориштата на Исламската држава во Сирија, меѓутоа дека ќе биде сторено сѐ за да се избегнат непланираните инциденти.

„Нема да ја координираме воздушната операција со Сирија, но ќе се потрудиме да ги спречиме непланираните инциденти и да обезбедиме Сиријците да не преземат нешто поради што уште повеќе би зажалиле“, изјави американскиот државен секретар Џон Кeри во интервјуто за американската телевизиска мрежа CBS.Кери изјави дека нема да има координирано дејствување бидејќи не станува збор за акција којашто се темели на соработка, Сириската страна неодамна изјави дека се наклонети на нападите врз џихадистите од Исламската држава, кои претставуваат заеднички непријатели, но само доколку бидат координирани со Вашингтон. Руското министерство за надворешни работи во четвртокот објави дека смета оти воздушните напади врз џихадистите од Исламската држава во Сирија без мандат од Советот за безбедност на Обединетите нации и без координација со властите во Дамаск, би претставувал акт на агресија. Москва, инаку, е децениски стратешки сојузник на Сирија, а со помош на Кина неколкупати блокираше западни резолуции во Советот за безбедност на ОН, со кои требаше да се осуди владата на сирискиот претседател Башарал-Асад, што според двете земји ќе создаде ситуација за повторување на ткн либиско сценарио, односно за странска воена интервенција. САД повеќе од три години се под притисок на своите сунитски арапски сојузници на Блискиот исток, да интервенира против алавитот (шиит) Асад.„Американскиот претседател зборуваше директно за можност од воздушни напади на американските воздушни сили врз позициите на Исламската држава (IS) во Сирија без дозвола на нејзината легитимно избрана влада. Таквиот потег, додека не постои резолуција на Советот за безбедност на ОН, би претставувал акт нa агресија и големо кршење на меѓународното право“, изјави во четвртокот портпаролот на руското министерство за надворешни работи, Александар Лукашевич.Истиот став го искаже сирискиот министер за национално помирување, Али Хајдар. „Секоја акција преземена без одобрение на сириската владата е чин на агресија врз Сирија. Мора да постои соработка и координација со Сирија и мора да постои сириско одобрување за секоја акција, военa или каква и да е друга“, изјави Хајдар на прес-конференција во сириската престолнина Дамаск.Претходно месецов зборувајќи за оваа тема американскиот претседател Барак Обама рече дека Вашингтон доколку прибегне на овој чекор нема да го консултира Дамаск, кој, пак, соопшти дека американските напади мора да бидат во координација со владата на претседателот Башар ал-Асад, кој инаку е трн во окото на Западот како регионален сојузник на Русија, и три ипол години ги поддржуваат сунитските бунтовници кои се обидуваат да го соборат.САД секојдневно од 8-ми август ги бомбардираат позициите на Исламската држава во северен Ирак каде што треба да им помогнат на ирачките сили и на милициите на ирачките Курди повторно да ја преземат иницијативата во борбите со џихадистите. Претседателот Барак Обама минатата седмица ги одобри воздушните напади во Сирија каде што Исламската држава покрај повеќе покраина под контрола има и воен аеродром за чие освојување даде стотици жртви. Засега, САД не преземаа воздушни удари на сириската територија. Државниот секретар Кери од средата е на турнеја по регионот, со цел да придобие што повеќе сојузници во коалицијата за борбата против џихадистите./крај/мф/сн

Извор: Макфакс