Американскиот државен секретар Џон Кери изјави во Женева во петокот доцна вечерта по речиси дванаесетчасовните преговори со рускиот министер за надворешни работи Сергеј Лавров, дека разговорите биле „долги, продуктивни и конструктивни“. 

Американскиот државен секретар Џон Кери заблагодарувајќи му се на рускиот колега за новинарите истакна дека САД се „блиску“ до договор со Русија околу соработката во Сирија, но дека нема да се брза со договорот.

Останале уште неколку помали прашања кои треба да се решат со другите страни, Русија со владата на Сирија, а САД со опозицијата, се согласи шефот на руската дипломатија Сергеј Лавров со својот американски колега, додавајќи дека и Москва и Вашингтон покажале волја да се надминуваат меѓусебните несогласувања.

На заедничката прес-конференција Лавров нагласи дека Русија и САД успеале да направат неколку важни чекори напред во решавањето на сириското прашање. Според него двете земји успеваат „да најдат сé повеќе заеднички точки“ за соработка во Сирија.

„Прекинот на огнот беше важно, но ако што се убедивме, неговото нарушување стана правило а не исклучок“, истана Кери. Доколку заеднички се работи, прекинот на огнот во Сирија може радикално да ја промени насоката на конфликтот.

За отворените прашања меѓу двете земји, Кери појасни дека ќе продолжат да бидат разгледувани на експертско ниво во Женева.

САД се залагаат за зачувување на единствена Сирија и не ја поддржуваат независноста на Курдите, додаде Кери.

„Ние сме за унитарна Сирија. Не ја поддржуваме курдската иницијатива за независност. Соработката со нив, со некои елементи од курдските сили, беше спроведена на многу ограничена основа“, рече американскиот државен секретар.

Кери одаде и дека контактите со Курдите се водат во тесна соработка со Турција, „за да се обезбеди целосно и јасно разбирање на правилата кои ја оформуваат соработката со Курдите“. „Многу добро ја разбираме чувствителноста на нашите пријатели во Турција, нашиот потпретседател (Џозег) Бајден само што престојуваше во Турција каде што водеше многу активни разговори за таа тема“, додаде Кери.

Лавров се надоврза дека во текот на разговорите биле разгледувани „она нешта, кои ќе овозможат да се најдат технички решенија за принципиелните договорени постигнати при нивната неодамнешна средба во Сирија, за неопходноста да се постигне одржлив прекин на огнот, за потреба да се направи разлика меѓу опозицијата која се присоедини кон договорот за прекинот на огнот, од џихадистичките групации како Џебхат ан-Нусра, Исламската држава и другите терористи.

Во врска со хуманитарната помош, Лавров истакна и дека не било разговарано само за начините на нејзиното доставување во северната сириска покраина Алепо, каде што Москва од официјален Дамаск издејствува 48-часовно запирање на борбените дејства, туку и за ситуациите во Ирак и во Јемен, каде што меѓународните набљудувачи евидентирале исто така тешка хуманитарна ситуација.

Русија на САД им го кажала својот став за екстремната исламистичка групација Џебхат ан-Нусра, која неодамна објави дека се преименувала и оти привремено ги прекинала своите односи со Ал Каеда, чие сириско крило беше. За возврат Вашингтон ја предале листата со бунтовничките групи коишто се присоединиле на примирјето во Сирија преку меѓународната коалиција предводена од САД.

„Што се однесува до поделбата на умерените вооружени сили и терористите, ние разбираме дека тоа е сложена задача, бидејќи Џебхат ан-Нуса се прикрива менувајќи го своите име, создаваат други чадори под кои влегуваат различни групи кои формално не влегуваат во составот на ан-Нусра“, додаде Лавров.

Според него тоа „сигурно бара големо внимание и длабока анализа“, но и оти “мора да се дејствува брзо“ .„Се трудиме да им помогнеме на нашите американски партнери решавањето на овој проблем“, рече шефот на руската дипломатија искажувајќи увереност дека руските информации ќе бидат полезни за американската страна.

Разговорите меѓу Кери и Лавров со мали паузи за консултации со своите тимови траеја речиси дванаесет часови. На шефовите на дипломатиите во текот на денот им се придружи и специјалниот пратеник на ОН за Сирија, Стефан де Мистура./крај/мф/сн

Извор: AFP/ТАСС