Американскиот државниот секретар Џон Кери изјави во неделата дека „многу е јасно“ дека ракетниот систем со кој е урнат малезискиот авион на истокот од Украина стигнал од Русија.

„Прилично е очигледно дека е употребен систем кој е донесен од Русија и предаден на сепаратистите во Украина“, изјави американскиот државен секретар Џон кери во разговор за американската телевизиска мрежа CNN.Кери во врска со тоа дека САД врз основа на сателитски снимки „знаат“ од каде е истрелан проектилот и „ја знаат неговата траекторија“. „Го знаеме и времето“, коа е истрелан, рече американскиот државен секретар, споменувајќи го и разговорот на припадниците на проруските ткн народни милиции за самоодбрана под чија контрола е областа на која падна авионот кој наводно го пресретнале украинските служби, и за чија автентичност вели дека е потврдена.„Сигурно знаеме дека Украинците тогаш не располагаат со таков ракетен систем во таа област. Значи, трагата води директно кон сепаратистите“, изјави Кери. Кери во разговорот за мрежата NBC нагласи дека постојат „извонредни индиции“ кои укажуваат на одговорност на Русија и проруските бунтовниц, необвинувајќи ги директно за ракетирање. Проруските бунтовници и претходно на ваквите обвинувања одговорија дека не располагаат со такви видови противвоздушни ракетни кои можат да соборат летало на таква височина – 10.600 метри. Претходно руското министерство за одбрана објави дека нејзините радарски системи детектирал радарска емисија на позиции кои ги има под контрола украинската војска. „Руската опрема на 17 јули детектираше активности на Купол радар, кој е дел од ракетниот систем ‘БУК – М1’ во близина на Стил, село оддалечено 30 километри од Донецк“, соопшти Министерството за одбрана на Русија. Во соопштението се додава и дека радарот може да биде употребен за давање податоци на некој друг ракетен систем кој е распореден во овој регион и на кој МН17 му бил во полето на дострелот.Говорејќи за ситуацијата во областа на падот на малезискиот авиони, Кери изјави дека „тоа што се случува таму е гротескно“, истакнувајќи дека тоа е „спротивно на сѐ што (рускиот) претседател (Владимир) Путин и Русија дека ќе го сторат“. Според него „пијани сепаратистички војници ги трупаат телата на камиони, отстранувајќи тела и докази од местото на несреќата. Русија мора нешто да стори и да ги промени случувањата“, изјави американскиот државен секратер.Наспроти тоа, Организацијата за безбедност и соработка во Европа (ОБСЕ), на чии набљудувачи им беше дозволено да присуствуваат на местото на трагедијата соопшти дека не е сериозно да се тврди дека се уништуваат доказите, како и дека сите предмети се подигнати и чувани и додаде дека петте специјални вагони фрижидери со 195 пронајдени тела сѐ уште стојат на железничката станица во селото Торез, иако требаше да заминат уште претпладнето за Донецк, откако надзор извршиле инспекторите на ОБСЕ. Украина истовремено објави дека не може да ја гарантира безбедноста на стручњаците на местото на падот на малезискиот авион, додека проруските бунтовници го обвинуваат Киев дека намерно не ги запира воените дејствија за да им се даде можност на експертите да дојдат до местото на падот. „Украинската власт не може да гарантира безбедност на таа област. Русија уште не донесе одлука дека ќе гарантира безбедност“, изјави на прес-конференција во Киев вицепремиерот на украинската влада Володомир Гројсман./крај/мф/сн

Извор: Макфакс