Кинеските безбедносни служби во западната покраина Синџијанг убиле 28 терористи од група којашто била под водство на „странски екстремисти“, кои извршија напад врз рудник со јаглен, објави во петокот локалната влада.

Информацијата ја пренесува провладиниот весник Xinjiang Daily, а станува збор за првото официјално споменување на нападот врз рудникот Соган во градот Аксу во кој беа убиени 16 лица, од кои пет полицајци, а 18 беа ранети.Радио Слобода Азија (RFA) коешто прво извести за нападот пред околу два месеца, тогаш објави дека биле убиени најмалку 50 луѓе.Напаѓачите избегале во планините, а властите покренале потрага во којашто секојдневно учествувале по повеќе од 10.000 луѓе пишува Xinjiang Daily. „По 56 дена непрестајни борби, уништена е насилната терористичка група под директна команда на странска екстремистичка група. Покрај лицата коишто се предадоа, 28 криминалци се целосно уништени“, пишува весникот.Кинеската влада последните години објавува дека се соочува со сериозни закани и бунт на исламистичките милитанти и сепаратисти покраината Синџијан, богата со енергетски ресурси, на крајниот запад од земјата, на границите со средноазиските доминантно муслимански земји.Огромното подрачје во западна Кина кое граничи со земјите од Централна Азија веќе две години е сцена на насилни инциденти со стотици жртви од етнички и религиски карактер, кои власите во Пекинг ги сметаат за сепаратистички и терористички со радикална исламска заднина.Синџијанг-Ујгирскиот регион е безбедносни најнестабилната област во Кина. На нејзината територија на која живее автохтоното туркофоно население Ујгури кои станаа малцинство во однос на кинеската етничка група Хан, според кинеските власти, дејствува терористичката организација Источен Туркестан, којашто Пекинг ја сомничи за поврзаност со глобалната терористичка мрежа Ал Каеда. Западните влади и организации за човекови права, пак, сметаат дека кинеските власти претеруваат и со тоа ја оправдуваат својата власт на „цврста рака“.Во округот Шаче, или Јарканд на ујгурски јазик, во јули 2014 година избија жестоки судири пред крајот на муслиманскиот празник рамазан. Автономната област Ујгурија-Синџијанг последните години е потресувана од безредија со многу жртви, поради нетрпеливоста меѓу доминантниот народ Хан и Ујгурите, туркофони муслимани. Официјален Пекинг тврди дека станува збора за исламски фундаментализам и дека екстремните Ујгури се поврзани со талибаните и други исламистички движење, во Пакистан, поради што е отворен дијалог со владата во Исламабад.Кина и претходно ги обвинуваше ујгурските сепаратисти и верските екстремисти за серија напади во покраината Синџијанг и тврди дека сакаат да формираат независна држава којашто ќе ја нарекуваат Источен Туркистан базирана на екстремните исламистички прописи. Ова тврдење не е далеку од вистината, бидејќи последните години повеќе ујгурски активисти ја потенцираат нивната етничка поврзаноста со турската популација. Организациите за човекови права, пак, сметаат дека Пекинг ги предимензионира овие закани. Некои групи за заштита на човековите права, пак, тврдат дека Кина претерува со овие обвинувања, за да ја оправда својата политика на цврста рака.Немирите досега не беа проширени надвор од покраината Синџијанг, иако се претпоставува дека од 1997 година радикалните Ујгури се одговорни за бомбашки напади во кои се убиени повеќе стотици лица во некои слични такви напади.Ујгурите сочинуваа повеќе од 40 отсто од вкупно 21 милиони жители на овој регион. Повеќето од нив се населени во Кашгар и другите јужни делови на провинцијата и во последните години искажуваат незадоволство од нивниот статус во општествотоПокраината Синџијанг зазема една шестина од вкупната државна територија на Кина граничи со Авганистан, Пакистан, Индија и Централната Азиска Република, а богата е со нафта, гас и јаглен. Автохтоното население Ујгурите, но во децениите населување на покраината со мнозинскиот кинески народ Хан од другите делови на Кина, денес во Синџианг, Ујгурите се помалку од половината од населението.Постојаните тензии поради големите рестрикции на ујгурската јазична, културна и верска автономија кулминираа во јули 2009 година, кога во насилните судири меѓу Кинезите од народот Хан и етничките Ујгури во главниот град на провинцијата Уримкчи, загинаа околу 200 луѓе, претежно припадници на народот Хан. Од тогаш кинеските власти погубија десетина лица осудени за поттикнување на насилни судири, уапсени и кривично гонети се стотици други, а безбедносните мерки се заострени во целата покраина. Во април 2013 година во близина на Кашгар, пак, во меѓуетничките судири загинаа 21 лице./крај/мф/сн

Извор: Макфакс