Кина покрена воени вежби во Јужното Кинеско Море, објавија службените државни медиуми, во пресрет на многу очекуваната арбитражна одлука за поморските несогласувања меѓу Кина и Филипини околу оваа стратешка зона.

Кинеската морнарица во петокот изведувала „борбени вежби со висински ракети“ меѓу архипелагот Параселс и кинескиот остров Гаинан, во јужниот дел на Кина, објави PLA Daily службениот дневен весник на кинеската армија на својата интернет страница.Државната телевизија CCTV емитуваше снимки од борбени авиони и бродови кои истрелуваат ракети, хеликоптери како полетуваат и подморница која плови на површината од водата.„Вежбата е насочена на операција на воздушната контрола, поморски битки и војна против подморници“, се истакнува во прилогот на PLA Daily преземен од интернет страницата на кинеското министерство за одбрана.Кинеските воени маневри се одвиваат кога се очекува во вторник Постојаниот арбитражен суд во Хаг да ја изрече пресудата околу територијалните претензии во Јужното Кинеско Море, меѓу Пекинг и Манила.Кон крајот на март минатата година филипинската влада ја обвини Кина дека сака „да го контролира речиси целото Јужното Кинеско Море“, кое е јазол на многу важни поморски правци во светската трговија вредна стотици милијарди долари, а постојат сомневања дека поседува и големи резерви од нафта, гас и други минерали.Со одлуката Арбитражниот суд од Холандија од 30-ти октомври 2015 година коага се прогласи за надлежен за судење за територијалните правила кои го покренаа Филипини против Кина за спорните области во Јужното Кинеско Море, со оваа одлука што се толкува како правен пораз за Кина, Постојаниот арбитражен суд во Хаг го отфрли тврдењето на Пекинг дека станува збор за спор околу неговата територијална сувереност, и соопшти дека ќе одржи дополнителни рочишта за да одлучи за вредноста на доказите коишто ги поднесе Филипини. Кина ја бојкотираше постапката и ја отфрли релевантноста и меродавноста на судот во овој случај.Пекинг полага право на сувереноста над речиси целото Јужно Кинеско Море, отфрлајќи ги тврдењата дека право на негови делови полагаат и Виетнам, Филипини, Тајван, Малезија и Брунеи, кои ја имаат поддршката на САД и Јапонија, којашто исто така се спори со Кина околу мал ненаселен архипелаг во истите води. Американските сојузници, исто така, полагаат право на овие води низ кои се одвива светската поморска трговија која годишно се одвива трговија во износ од пет билиони долариСудот во Хаг утврдил дека е меродавен да ги сослуша седумте поднесоци на Филипини според Конвенцијата на Обединетите нации за правото на морето (UNCLOS), како и дека одлуката на Кина да не учествува „не го лишува судот од надлежноста“.Дипломатските тензии се зголемија кога во ноември 2013 година Кина ја прогласи „зоната на идентификација на воздушната одбрана“ на голем дел од Источното Кинеско Море, чии граници ги опфаќаат не само водите од спорниот мал ненаселен архипелаг под јапонска контрола, туку и простор од Јужна Кореја. Кина полага право и речиси на целото Јужно Кинеско Море, па и на негови делови кои се многу оддалечени од кинескиот брег. Според аналитичарите, кинеската воена морнарица го јакне притисокот во врска со малите острови коишто американскиот сојузник Филипини ги сметаат за своја територија.Американскиот Стејт департмент го предупреди Пекинг дека обидите за прогласување зона на идентификација на воздушната одбрана и во Јужното кинеско море ќе ја сметаат за „провокативен и едностран чин кој ќе ги зголеми тензиите“./крај/мф/сн

Извор: Макфакс