Во Кина завладеа гнев и неверување особено меѓу членовите на семејствата исчезнати на летот MH370, откако малезискиот премиер објави дека дел од крилото од авион пронајдено на францускиот остров Реунион, во Индискиот Океан му припаѓал токму на авионот на „Malaysia Airlines“.

Ноќта кон 8-ми март 2014 година авионот „Boeing 777-200“ на компанијата „Malaysia Airlines“, на летото MH370 од Куала Лумпур за Пекинг со 227 патници и 12 членови на екипажот исчезна од радарите без да пријави проблеми. Експертизата покажа дека по половина час лет скршнал од планираниот курс на летање, иако метеоролошките услови биле добри, и се претпоставува дека се урнал во јужниот дел од Индискиот Океан каде што Австралија на води големата подводна потрага.

Меѓу патниците на летот MH 370 имаше 153 Кинези и 12 Индонезијци. Крај Реунион морето неодамна исфрлило и дел од куфер и две шишиња со азиски натписи, кои им се предадени на екипите кои ја пребаруваат областа. Станува збор за шише од детергент со натпис „Џакарта, Индонезија“ и за шише со минерална вода со лого за коешто некои сметаат дека е кинеско.

Десетици вознемирени членови на семејствата на исчезнатите кинески патници дојдоа во четвртокот пред канцелариите на малезиската воздухопловна компанија во Пекинг. „Не им верувам на последните информации за авионот, нé лажат од почетокот“, изјавил Жанг Јонгли чија ќерка била на споменатиот лет, пренесува AFP. Бројни полицајци се распоредени пред пекиншкото претставништво на „Malaysia Airlines“.

Малезискиот премиер Наџиб Разак ноќта кон четвртокот изјави дека потврдено од двометарскиот дел од крило му припаѓал на исчезнатиот авион на летот MH370. Оваа малезиска изјава ја потврдува тезата за несреќата на авионот „Boeing 777-200“ на компанијата „Malaysia Airlines“, наведе веднаш потоа кинеското министерство за надворешни работи, истакнувајќи го своето длабоко жалење.

По исчезнувањето на авионот, многу кинески семејства на исчезнатите патници постојано, па и сега, тврдат дека нивните роднини се живи и оти можеби некаде се заточени, иако постојат елементи кои наведуваат на варијантата дека можеби се случила несреќа. На социјалните мрежи некои тврдат дека станува збор за измама за остатоците, како и дека патниците се некаде живи и здрави. Повторно беше актуелизирано и пишувањето на еден кинески блогер, за кого постои сомневање дека припадник на кинеските разузнавачки служби, кој пред падот на авионот на истата малезиска компанија во јули 2014 година во источна Украина, кој предупредуваше да не се патува со малезиските и другите големи азиски воздухопловни компании, коишто според него биле цел на голем заговор.

Француското правосудство, сепак, беше попретпазливо и истакна дека станува збор за „многу цврсти претпоставки“.

Вен Ванченг, чиј 34-годишен син бил на истиот лет, ја нагласува претпазливоста на француската истрага која не донесе заклучок. „Како може да се каже дека авионот паднал врз основа на еден остаток, кој можеби е и од друга авион?“, вели.

„ Малезија сака да го избегне плаќањето на големите отштети и камати на семејствата на исчезнатите, тврдејќи дека делот пронајден кај островот Реунион и дека станува збор за несреќа. Не ѝ веруваме на Малезија“, напиша еден корисник на Sina Weibo, првата кинеска мрежна страница за микроблогови во земјата аналог на Twitter./крај/мф/сн

Извор: Макфакс