Кандидатот за номинацијата на Демократската партија за американските претседателски избори следната година, Берни Сандерс, ја обвини својата ривалка Хилари Клинтон за „пребрза“ поддршка на смената на власта во Сирија, на демократската дебата во која во саботата доминираше прашањето на националната безбедност, и како да се победи радикалната сунитска група Исламска држава.

Двајцата водечки кандидати за демократска номинација на претседателските избори во 2016 година, покрај кои на дебатата учествуваше и поранешниот гувернер на сојузната држава Мериленд, Мартин О’Мали, исто така жестоко дискутираа и околу прашањето за контрола на оружјето, актуелизирано особено по нападот во Сан Бернардино кога беа убиени 14 луѓе.Во обидот да ја намали големата предност којашто Хилари Клинтон има во испитувањето на јавното мнение меѓу демократските гласачи, Берни Сандерс поранешната прва дама и државна секретарка ја обвини за поддршка на брзата смена на сирискиот претседател Башар ал-Асад, кој им одолеа на сите меѓународни притисоци и акции и остана на власт во земјата во којашто повеќе од четири години беснее граѓанската војна, а најголем дел од територијата сепак ја контролира екстремната сунитска организација Исламска држава која во моментов претставува најголемата глобана терористичка закана.„Државната секретарка Клинтон премногу се залагаше за смена на режимот, малку премногу агресивно, без да знае кои последици би можело тоа да ги има. Да, би можеле уште утре да се решиме од Асад, но тоа би создало уште еден политички вакуум кој би ѝ одел на рака на Исламската држава“, рече Сандерс во текот на дебатата во Манчестер, во сојузната држава Њу Хемпшир, ја организираше телевизиската мрежа NBC.„Да се промени режимот е лесно. Да се решиме од диктаторите е лесно. Но пред да го сторите тоа, би требало да размислите за тоа што може да се случи ден подоцна“, рече Сандерс кој се смета за припадник на левото крило во Демократската партија, па дури му се забележува и за социјалистички идеи што во САД му наштетува на неговиот рејтинг.Клинтон, која е голеам фаворитка за освојување на демократската номинација за изборите, ги отфрли критиките тврдејќи дека и Сандерс, како сенаторот од Вермонт, во 2011 година ја поддржал „промената на режимот во Либија“. Ги отфрли, исто така, и тврдењата на Сандерс дека приоритетот на САД би требало да биде уништувањето на Исламската држава, а не уривањето на Асад од власт.„Нема да добиеме поддршка на теренот во Сирија за исфрлање на Исламската држава, доколку тамошните борци коишто не се поврзани со Исламската држава, но чија најважна цел е уривањето на Асад, не мислат истовремено дека се работи на демократските решенија. Сега тоа го имаме. Многу е важно да се работи истовремено и едното и другото“, реле Клинтон. Прашањето за контрола на вооружувањето за цивилите во САД го отвори О’Мали, кој многу заостанува во анкетите и неопходен му е силен пресврт во кампањата, додека времето полека истекува, имајќи предвид дека останаа само шест седмици пред првите предизбори во сојузната држава Ајова. Тој двајцата свои ривали ги обвини за прифаќање на поцврст став кон контролата на оружјето дури по масакрот во Сан Бернардино, каде американска радикализирана млада муслиманска брачна двојка изврши масакр во центар за лица со ментални пречки./крај/мф/сн

Извор: Reuters