Водечката кандидатка во битката за номинација на Демократската партија за кандидат за американските претседателските избори во ноември во годинава, поранешната прва дама и државен секретар Хилари Родам Клинтон, во неделната телевизиска дебата го истакнуваше своето политичко искуство во соочувањето против сенатот Бен Сандерс која ја обвинува за врски и зависност од Волстрит, како и за искривување на неговите ставови за здравствената грижа и законот за оружје.

Дебатата во Чарлстон беше четвртото и последно соочување на демократските кандидати на истата сцена пред внатрепартиските избори коишто ќе се одржат на 1-ви февруари во сојузната држава Ајова, кои се сметаат за клучни, а ќе продолжат на 9-ти февруари во Њи Хемпшир.

Соочувањето се одржа во моментите кога рејтингот на сенаторот Бен Сандерс е во подем и опасно ѝ приближува на Хилари Клинтон во анкетите, што ја изненади и предизвика поранешната државна секретарка да тргне во офанзива. Нејзината стратегија е да се претстави себеси како кандидатка најспособна да управува со поларизираната земја, коментира AFP.

„Потребен ни е претседател способен да ги извршува сите аспекти на оваа работа. Разбирам до која мерка тоа е најтешката работа на светот и подготвена сум да го преземам“, рече Клинтон. Таа во дебатата ги доведе во прашањето обвинувајќи го за социјалистички ставовите на Сандерс за реформите на Волстрит, здравствена грижа и законот за контрола на оружјето, при што сенаторот одговорил на секој напад, забележува Reuters.

Сандер ја прикажа Клинтон како бранителка на статус-кво ситуацијата којашто прифатила стотици илјади долари од финансиското лоби на Волстрит за предавањата кои ги држи низ САД,

„Никогаш не сум бил платен да одржам говор за Goldman Sachs. Јас не земам пари од големите банки. Не земам хонорар од банката Goldman Sachs“, изјави Сандерс во што поддршка доби и од Мартин О’Мали, гувернерот на државата Мериленд, третиот кандидат кој значително заостанува зад овие двајца.

Сандерс притоа поентираше додавајќи дека има „големи дилеми кога луѓето примаат пари од Волстрит“. Го осуди американскиот економски систем кој го „лажираат и манипулираат“ Волстрит и лобијата и истакна дека „Вистинскиот проблем е што Конгресот им припаѓа на силите кои ги држат парите“.

Клинтон, пак, потсети дека Сандерс не се заземал силно за заострување на законот за оружје. „Тој во повеќе наврати гласаше за NRA (Националната пушкарска агенција – здружение на поддржувачите на законот за оружје, моќно лоби во САД – з.р) и лобијата кои го заговараат оружјето“, потсети Клинтон надоврзувајќи се на кампањата на демократскиот претседател Барак Обама настојува да им се спротистави на моќните лобија во Конгресот за да се донесе нов поостар закон за личното вооружување.

Клинтон и Сандерс се судрија и околу прашањето за програмата за здравствената грижа. Сандерс ги објави деталите од својот план за здравствена заштитеа по називот „Medicare-for-all“ и како Американците би требало да го плаќаат.

Клинтон уште минатата седмица го нападна Сандерс поради неговиот план за здравствена заштита предложена по примерот на европските. Во дебатата во Чарлстон Клинтон рече дека со планот се сака да се поткопа законот за здравственото осигурување кој го потпиша претседателот Обама, и кој рака на срце не постигна особени ефекти и популарност. Меѓутоа, Сандерс одговори дека сака да го надгради законот на Обама, правејќи го здравственото осигурување уште попристапно.

Според објавените поединости од планот на Сандерс, лицата би плаќале 2,2 отсто премии, а работодавачите ќе дополнуваат 6,2 отсто за здравствената заштита. Лицата коишто годишно заработуваат од 250.000 до 500.000 долари годишно би плаќале даночна стапка од 37 отсто, а оние кои заработуваат над 10 милиони годишни – 52 отсто.

Клинтон во дебатата забележа дека за тоа ќе бидат потребни нови даноци, во прв ред за најбогатите. „Јас сум единствената кандидатка која вети дека нема да ги зголемува даноците за средната класа“, повтори.

Кандидатите на демократите сега имаат две седмици кампања пред првиот тест на 1-ви февруари во Ајова. Во 2008 година, Хилари Клинтон во гласањето во оваа сојузна држава заврши на третото место, зад Барак Обама и сенаторот Џон Едвардс./крај/мф/сн

Извор: Макфакс