Вести
Клинтонови заработиле 140 млн долари од 2007-та, Хилари е здрава

Претендентот за должност за претседател на САД од Демократската партија,Хилари Клинтон и нејзиниот сопруг поранешниот претседател Бил Клинтон, во петокот поднесле извештај кој покажува дека во последните осум години заработиле заедно 140 милиони долари, а истовремено нејзиниот изборен штаб ги објави податоците и за здравствената состојба на Хиларик во извештајот кој го потпишала нејзината лична лекарка Лиза Бердек, а кој покажува дека потенцијалната идна претседателка е здрава.
Од заработените 140 милиони долари, Хилари и Бил Клинтон платиле даноци во износ од 43 милиони долари, а во хуманитарни цели донирале речиси 15 милиони долари. Во 2013 година Клинтонови само од говори заработиле вкупно 22,85 милиони долари, од што Хилари 9,68 милиони, а нејзиниот сопруг 13,17 милиони долари.
Претседателската кандидатка повеќето свои говори ги наплаќала по 225.000 долари и повеќе, а поранешниот американски претседател меѓу 125.000 до 750.000 долари, се наведува во извештајот. Изборниот штаб на Хилари Клинтон, овие податоци ги објави во согласност со обврската за транспарентност на приходите на претседателските кандидати.
„Минав долг пат од времето кога тропав од врата до врата, собирајќи пари за фондацијата за деца и заработувајќи по 16.500 долари како млада професорка по право во Арканзас. Тоа им го должам на можностите коишто ни ги нуди Америка“, напиша Хилари Клинтон во соопштението.
Исто така, нејзиниот штаб го објави и извештајот на здравствената состојба на претседателската кандидатка. Според објавените податоци, Хилари Клинтон во 1998 и 2009 година имала длабока венска тромбоза, а во 2009 година фрактура на лакотот, а во текот на заздравувањето од вирус во 2012 година паднала во несвест и добила потрес на мозокот, чија последица била создавање на крвно згрутчување меѓу мозокот и черепот. Од тогаш таа постојано заема терапија од антикоагуланси.
Поради хипотиреозата или забавеното функционирање на штитната жлезда, исто така, редовно земај терапија за надоместување на хормонот кој тироидната жлезда послабо го лачи, се наведува во лекарскиот картон на Хилари Клинтон. Поранешната прва дама на САД здраво се храни и редовно вежба, а омилена ѝ е јогата, се додава во соопштението.
Хилари Клинтон последните денови се обидува да одговори на критиките за неморалноста и нечесноста кои се појавија по нејзиното контроверзно користење на приватната електронска пошта во времето додека беше државен секретар со што ја прекршила сојузната одредба која наложува целата преписка на владините функционери да биде сочувана во архивите на Стејт департментот.
Во текот на четирите години на чело на американската дипломатија, Хилари Родам Клинтон немала службена електронска адреса, а нејзините помошници не сториле ништо преписката од приватната адреса да ја сочуваат на серверите на Стејт депртментот.
Според истражувањето на јавното мнение што го спровело универзитетот Квинипек минатата седмица, 57 отсто од американските гласачи сметаат дека Хилари Клинтон не е чесна политичарка, ниту личност во којашто може да се има доверба./крај/мф/сн
Извор: Reuters/DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
“Во основа е пекол на земјата”: Градот Газа оставен тотално без здравствената заштита

Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа

Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа

Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.