Откако поранешниот американски маринец, 38-годишниот Роберт О’Нил во разговорот за телевизиската мрежа Fox откри дека токму тој го убиле идеологот и основачот на глобалната терористичка мрежа Осама бин Ладен, се појавија противречни тврдења кој всушност го убил најбараниот терористи на светот.
 

Откако поранешниот американски маринец, 38-годишниот Роберт О’Нил во разговорот за телевизиската мрежа Fox откри дека токму тој го убиле идеологот и основачот на глобалната терористичка мрежа Осама бин Ладен, се појавија противречни тврдења кој всушност го убил најбараниот терористи на светот.

Роберт О’Нил тврди дека тој ги истрелал фаталните два куршума кои го усмртиле Осама бин Ладен ноќта спроти 2-мај 2011 година, во градот Аботабад кога најбараниот човек на планетата имаше 54 години и беше ликвидиран во една од приватните куќи во кои се сокриваше недалеку од пакистанската престолнина Исламабад , но и од каде дејствувал разработувајќи нови акции на Ал Каеда. Сите детали од акцијата ќе ги откриен во интервјуто коешто ќе биде емитувано во две продолженија 11-ти и 12-ти ноември.

Меѓутоа, весникот The Washington Post ја објави истовремено ноќта кон петокот приказната во која „непознат извор“ вели дека бин Ладен го усмртиле двајца други американски маринци. Еден од нив е Мат Бисинет кој во 2012 година ја објави книгата „Нималку лесен ден: Сведоштво од прва рака за мисијата која го уби Осама бин Ладен“ (No Easy Day….). И телевизиската мрежа CNN неодамна објави дека „стрелецот“, односно О’Нил го застрелал бин Ладен само еднаш, а потоа во собата влегле двајца други припадници на SEALS и истрелале уште два куршума во бин Ладен.

„Две различни лица говорат две различни приказни од две различни причини. Што и да кажал О’Нил, јас не сакам да навлегувам во тоа“, изјави Бисонет за NBC News, а американските медиуми оттаму го поставуваат прашањето „кој всушност го уби Осама бин Ладен?“.

О’Нил учествувал во дури 400 борбени акции, а одликуван е 52 пати. Интересно, учествувал и во акцијата за спасувањето на капетанот на Ричард Филипс од заложништвото во сомалиските гусари, а според тој настан е снимен и филмот „Капетан Филипс“ со Том Хенкс во главната ролја. По излегувањето од редовите на американската војска, О’Нил, како и Бисонет, работи како говорник и консултант на различни корпоративни настани.

Нивните медиумски истапување не наидоа на одобрување на колегите од SEALS, како и од Пентагон. Портпаролот на американското министерство за одбрана, Џорџ Литл, изјави дека книгата на Бисонет „открива чувствителни воени тајни“, додавајќи дека авторот бил обврзан да го предаде ракописот на цензура пред објавувањето, пренесува Reuters. Поради тоа, Пентагон покрена истрага.

„Основа на етиката на секој припадник на SEALS е – никогаш да не ја користам својата работа за лична промоција, да не зборувам за него и да не барам признание за своите дела. Оние коишто ќе го прекршат тоа правило, повеќе не се сметаат за добри соборци ниту за наши претставници“, се вели во отвореното писмо коешто неодамна во американските медиуми командантите на SEALS.

Американските власти во изминатите години не го открија идентитетот на ниеден човек вклучен во операцијата, на кое и да е ниво, како и на оној кој го смртно го застрелал Осама бин Ладен./крај/мф/сн

Извор: Макфакс