Вести
Колективна тужба против Facebook во Австрија
Австриски активист официјално во четвртокот пред суд во Виена поднесе колективна тужба поради нарушување на законот за заштита на приватноста.
Макс Шремс и 25.000 корисници од целиот свет ја тужат најголемата светска социјална мрежа Facebook за повеќекратни кршења на правата, од незаконско утврдување на личните податоци до учествување на компанијата во масивното следење на електронските и телефонските комуникации преку програмата PRISM на американската Агенција за национална безбедност (NSA), чиешто постоење летото 2013 година го откри во медиумите поранешниот соработник на агенцијата Едвард Сноуден.
„Во основа бараме од Facebook да престане со масовниот надзор и да усвои соодветна и за сите разбирлива политика на заштита на приватноста, но и да престане да собира податоци за лицата кои дури не се ниту корисници на Facebook“, изјави 27-годишниот Шремс во интервјуто за AFP.
Тужбата е адресирана против европското седиште на компанијата Facebook во Даблин, во коешто се регистрирани сите кориснички акаунти надвор од САД и Канада, што значи околу 80 отсто од вкупно од 1,35 милијарди корисници на мрежата. Шремс ја поднесе тужбата против ирската филијала пред граѓански суд во Виена, бидејќи според законите на ЕУ земјите членки се должни да ги спроведуваат судските пресуди на другите членки.
Австриските судии, меѓу другото, мора да донесе одлука за приговорот на Facebook дека австриските закони не дозволуваат колективна тужба. Но адвокатот на Шремс оцени дека тој приговор е без основа. Во Facebook, пак, не биле достапни за коментар.
Интересот за овој случај е огромен, па неколку дена по најавата за поднесувањето на тужбата во август 2014 година илјадници луѓе, главно од Европа, но и од Азија, Латинска и Австралија, решија да учествуваат во тужбата. На крајот Шремс го ограничи бројот на учесниците во колективната тужба на 25.000, а дополнителните 55.000 се регистрирани за вклучување во постапката во подоцнежната фаза. Секој тужител бара „симболични“ 500 евра отштета.
Шремс својата правна битка ја започна пред речиси четири години, за време на студиите во Универзитетот Санта Клара во Силиконската долина, која според неговите тврдења го запрепастила општата негрижа кон европските закони за заштита на приватноста. „Во Силиконската долина преовладуваше ставот дека во Европа може да правите што и да наумите без никакви последици“, вели вој млад Австриец. Оттаму ја формирал активистичката група Europa-v-Facebook (EVF), којашто се залага за измена на договорот ЕУ и САД, Сејф Харбур, од 2000 година за размената на податоците.
Паралелно со колективната тужба, Шремс и EVF, исто така, поднесоа неколку тужби против Facebook во Ирска, коишто потоа беа проследени до Европскиот суд на правдата (ECJ), бидејќи ирските власти одбија да покренат истрага за наводните кршења на правата на приватноста. Одлуката на Европскиот суд на правдата се очекува во текот на 2016 година и би можела да има далекосежни последици за оваа американска технолошка компанија, особено за нејзиното работење во Европа.
Американскиот сојузен суд претходно во март годинава утврди дека Facebook треба да се соочи со групна тужба од граѓани на национално ниво за да се присили социјалната мрежа да врати пари во случаи кога деца преку нејзината интернет страница трошеле пари без дозвола на нивните родители. Facebook тогаш соопшти дека групната тужба нема основа и дека силно ќе се брани.
Според тужбата покрената во 2012 година, Facebook им дозволува на децата да користат кредитни и дебитни за купување на виртуелна валута Facebook Credits. А со оглед дека Facebook тврди дека ваквите продажби се конечни и дека одбиваат поврат на пари, го прекршува законот на Калифорнија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
Посетата на Зеленски е прекината: Трамп: Тој ги навреди САД
Посетата на украинскиот претседател Володимир Зеленски на американскиот претседател Доналд Трамп во Белата куќа е прекината. Извор од Белата куќа...
Мир преку разговор во Украина, решение „две држави“ за Израел и Палестина – Мицкоски и Ердоган разговарале и за глобалните предизвици
За Северна Македонија и Турција клучно е конфликтот во Украина да се реши по пат на разговори. За ситуацијата во...
Мицкоски и Ердоган во Турција договорија основање на Совет за соработка на високо ниво
Советот за соработка на високо ниво е значаен чекор за односите меѓу двете држави чија цел е продлабочување и интензивирање...
Родител пријавил наставничка дека натепала повеќе ученички во соблекувална во скопско училиште
Родител пријавил во МВР напад извршен од страна наставничка во скопско основно училиште. Според пријавата, таа во текот на вчерашниот...
Од 1 март поскапува парното
Регулаторната комисија за енергетика донесе одлука со која од 1 март цената за потрошувачите на топлинска енергија за „ЕСМ енергетика“...
Судот определи мерки на претпазливост за Филип Андов-Сокол и за другите осомничени по акцијата во затворот во Шуто Оризари
За ескдиректорот на затворот во Шуто Оризари, Филип Андов-Сокол, и за другите осомничени судот денес определи мерки на претпазливост по акцијата...
Казни од 500 до 10.000 евра, па и затворање на маркетите: Дурмиши најави контрола на над 1.000 трговски објекти
Министерот за економија и труд, Бесар Дурмиши, денеска одржа прес-конференција, на која информира за мерките што ги донесе Министерството за...
Место на шалтер, уверение за остварен доход отсега се вади електронски, автоматскиот систем ќе замени 29 службеници во УЈП
Граѓаните што имаат потреба од уверение за остварен приход, за да го извадат документот, повеќе не мора да одат на...
Кочоска да си даде оставка, министерка која понижува граѓанка не заслужува да води министерство, бара СДСМ
Пратеничката група на Социјалдемократскиот сојуз на Македонија и коалицијата, на денешената прес-конференција пред Министерството за финансии, побараа оставка од министреката...
Вработените во Македонската филхармонија најавуваат нов протест
Вработените во Македонската филхармонија во понеделник со почеток во 13 часот ќе одржат нов протест пред Министерството за култура и...
„ДУИ прави терен за бојкот на локалните избори“, велат од „Влен“
„За да избегне програмска и кадровска реформа, на ДУИ очајно му треба политичка криза. Затоа веќе подолг временски период креираат...
Зеленски пристигна во Вашингтон, ќе потпише клучен договор
Украинскиот претседател Володимир Зеленски пристигна во Вашингтон, каде што се очекува да потпише важен договор за минерали со американскиот претседател...
Мицкоски патува во Турција, ќе се сретне со Ердоган
Денеска претседателот на Владата на Република Северна Македонија, Христијан Мицкоски патува во посета на Република Турција. Претседателот на Владата ќе...
Кривична против директорот на Центарот за култура „Григор Прличев“ во Охрид за злоупотреба на службената положба
СВР Охрид поднесе кривична пријава против Г. С. (48), директор на Националната установа Центар за култура „Григор Прличев“ во Охрид,...
Израел првпат призна сериозни воени неуспеси на денот кога Хамас изврши масакр
Израелската војска го објави првиот официјален извештај за грешките што доведоа до неуспех за време на нападот на Хамас на...
Објавени документите за Епстејн; Обвинителката: Има илјадници, ФБИ не ги испрати
Јавниот обвинител Пем Бонди објави документи за Џефри Епстејн. Како што претходно беше најавено, во документите нема нови информации или...
Ким Џонг-ун нареди целосна подготвеност за користење на капацитетите за нуклеарни напади
Севернокорејскиот лидер Ким Џонг Ун нареди целосна подготвеност за користење на капацитетите за нуклеарни напади, објавија денеска државните медиуми. Џонг...
Кривична пријава за 10 лица: Поранешен директор и затворски полицајци обвинети за бегство на осудени лица
На 24.02.2025 Одделот за сузбивање на организиран и сериозен криминал поднесе кривична пријава до ОЈО за ГОКК против десет лица...
Јас имам два сина и знам колку троши 4-члено семејство: Димитриеска-Кочоска со навреди до Петровска
Министерката за финансии, Гордана Димитриеска-Кочоска, денеска ја навреди пратеничката од СДСМ, Славјанка Петровска, велејќи дека нема право да зборува за...
Мицкоски: Коцевски доби шанса, но освен внатрешни пресметки во Обвинителството и браник на минатата власт, друго не видовме
Претседателот на Владата, Христијан Мицкоски на денешната собраниска седница за пратеничка прашања истакна дека на јавниот обвинител Љупчо Коцевски му...
